امریکا کے معاون نائب وزیر خارجہ برائے سیاسی امور تھامس شینن نے ایک سال قبل امریکا میں تعینات پاکستانی سفارت کاروں کے بلا اجازت سفر پر پابندی عائد کی تھی جس کے تحت پاکستانی سفارت کار اسٹیٹ ڈپارٹمنٹ کےمتعلقہ حکام سےاجازت لیےبغیرامریکا میں آزادانہ نقل و حرکت نہیں کرسکتے تھے۔
حکام کےمطابق پاکستان نےبھی امریکی سفارتی عملےکی نقل وحرکت پر پابندی ختم کی ہےاوردونوں ممالک سفارتی مشنز کو حائل رکاوٹیں ختم کرنےکی کوششوں کےلیے پرُعزم ہیں۔ ڈونلڈ ٹرمپ انتظامیہ نے پاکستان میں امریکی سفارتکاروں کو آزاد نقل و حرکت کی اجازت نہ دینے پر امریکا میں پاکستانی سفارتکاروں کی نقل و حرکت محدود کی تھی۔
امریکا نےپابندی ختم کرنےکی تصدیق کرتے ہوئےکہا ہےکہ پاکستانی سفارتکار امریکا میں آزادانہ نقل و حرکت کرسکتے ہیں۔ امریکی محکمہ خارجہ کے مطابق واشنگٹن میں پاکستانی سفارت خانےکے اہلکاراوران کےگھر والےاس اقدام سے فائدہ اٹھا سکیں گے۔