امریکی محکمہ خارجہ کے ترجمان نے کہا ہے کہ مقبوضہ بیت المقدس میں تشدد کے واقعات پر تشویش ہے ، حکام کو سب کے تحفظ اور حقوق کو تقینی بنانا چاہئے۔
امریکی محکمہ خارجہ کے ترجمان نیڈ پرائس نے سماجی رابطوں کی ویب سائٹ ٹوئٹر پر مقبوضہ بیت المقدس میں مسلح غیر قانونی صیہونی آبادکاروں کی جانب سے فلسطینی باشندوں پر حملے اور مسجد اقصیٰ کی بےحرمتی کے بعد پیدا ہونے والی کشیدہ صورتحال پر اپنی تشویش کا اظہا رکرتےہوئے کہا ہے کہ امریکا مقبوضہ بیت المقدس میں بڑھتے ہوئے تشدد سے سخت تشویش میں مبتلا ہے ، نفرت انگیز اور پُرتشدد نعرے لگانے والے انتہا پسند مظاہرین کی بیان بازی کو سختی سے مسترد کرنا چاہئے۔
انھوں نے کہا کہ ہم پر امن اور اتحاد کا مطالبہ کرتے ہیں ، اور حکام سے یروشلم میں سب کے تحفظ ، تحفظ اور حقوق کو یقینی بنانے کی تاکید کرتے ہیں۔
ترجمان نیڈ پرائس نے مقبوضہ بیت المقدس میں تشدد کے بڑھتے ہوئے واقعات پر تشویش کا اظہار کرتے ہوئے حکام سے مطالبہ کیا ہے کہ وہ یروشلم میں سب کے تحفظ اور حقوق کو یقینی بنائے۔”
اردن کی فلسطینیوں پرصیہونی آبادکاروں کے حملوں کی مذمت
اردن کا کہنا ہے کہ قابض ریاست کے کی حیثیت سے فلسطینیوں پر صیہونی رآباد کاروں کی اشتعال انگیزکارروائیوں کی ذمہ داری اسرائیل پر عاید ہوتی ہے۔
اردنی وزارت خارجہ کے ترجمان ضیف اللہ الفائز نے مقبوضہ بیت المقدس میں غیر قانونی صیہونی آباد کاروں کی طرف سے فلسطینی شہریوں پر حملوں اور مسجد اقصیٰ کی منظم بے حرمتی کی شدید الفاظ میں مذمت کرتےہوئے کہا ہے کہ قابض ریاست کی حیثیت سے مشرقی بیت المقدس میں غیر قانونی صیہونی آباد کاروں کی تمام اشتعال انگیز کارروائیوں کی ذمہ داری براہ راست اسرائیل پر عائد ہوتی ہے، آبادکاروں کو فلسطینیوں پرحملوں اور مقدس مقامات تک رسائی کیلئے صیہونی ریاست کی اجازت اور سرکاری سرپرستی حاصل ہے۔
انھوں نے کہا ہے کہ یہودی آباد کاروں کی طرف سے پرانے بیت المقدس میں اشتعال انگیز نعرے بازی ، نسل پرستانہ اور اشتعال انگیز حرکات ناقابل قبول ہیں، اسرائیل پر زور دیا کہ وہ بین الاقوامی قوانین اور انسانی حقوق کی پابندی کرتے ہوئے پرانے بیت المقدس اور مسجد اقصیٰ کی روز مرہ کی بنیاد پرہونے والی بے حرمتی کو روکے اور فلسطینیوں پرحملوں کا سلسلہ بند کرے۔
اردنی وزارت خارجہ کے ترجمان اسرائیلی حکومت پر زور دیا کہ وہ القدس میں ماہ صیام کے موقعے پرفلسطینی نمازیوں کے مسجد اقصٰی میں داخلے پرعاید کردہ پابندی ختم کرے اور القدس کی تاریخی اور قانونی حیثیت کا احترام یقینی بنائے۔انہوں نے عالمی برادری سے بھی اسرائیل پر دبائو ڈالنے اور حرم قدسی کی بے حرمتی روکنے کے لیے کردار ادا کرنے کا مطالبہ کیا۔
منبع: روزنامہ قدس