آئی اے ای اے نے ایران کی جوہری سائٹ کی نگرانی کیلئے نئے کمیرے نصب کردیے

ویانا، آسٹریا: انٹرنیشنل اٹامک انرجی ایجنسی نے ایران کی جوہری سائٹ ’نتنز‘ کی نگرانی کیلئے نئے کمیرے نصب کردیے۔

اقوام متحدہ کے جوہری نگراں ادارے  نے اطلاع دی کہ اس نے تہران کی جانب سے درخواست کیے جانے کے بعد ایران کے زیر زمیننتنز سائٹ پر ایک نئی سینٹری فیوج ورکشاپ کی نگرانی کے لیے کیمرے نصب کیے ہیں۔

ورکشاپ میں کام کا آغاز اس وقت ہوا جب شہر کرج میں ایران کی سینٹری فیوج سہولت کو تخریب کاری کا نشانہ بنایا گیا، اس کےعلاوہ جوہری معاہدے کے دوران خود نتنز کو دو بار نشانہ بنایا جا چکا ہے جس کا الزام تہران نے اسرائیل پر لگایا ہے۔

ویانا میں قائم  آئی اے ای اے نے کہا کہ اس نے ورکشاپ میں کیمرے نصب کیے اور وہاں موجود مشینوں سے سیل بھی ہٹا دی ہیں۔

ادارے کا یہ بھی کہنا تھا کہ ان مشینوں کو سینٹری فیوج روٹر ٹیوب اور بیلوز (ہوا خارج کرنے والے آلے) بنانے کے لیے استعمال کیاجائے گا جو یورینیم گیس کو افزودہ کرنے کے حوالے سے اہم آلات ہیں۔

منبع: ایکسپریس نیوز