امریکا دنیا بھر میں سب سے زیادہ سونے کے ذخائر کا مالک بن گیا ہےجرمنی دوسرے،اٹلی تیسرے نمبرپر ہے جبکہ سعودی عرب کے بعد سونے کے محفوظ ذخائر کا مالک لبنان ہے۔
دنیا میں ملکوں کے پاس سونے کے ذخائر کے حوالے سے نئی رپورٹ سامنے آئی ہیں ، جس میں امریکا 8133 ٹن سونے کے ساتھ پوری دنیا میں سب سے زیادہ سونے کے محفوظ ذخائر کا مالک ملک ہے۔رپورٹ کے مطابق امریکا کے بعد جرمنی کا نمبر ہے، جس کے پاس 3367 ٹن سونا ہے، تیسری پوزیشن اٹلی کی ہے جو 2451 ٹن سونے کا مالک ہے جبکہ چوتھے پر فرانس ، پانچویں پر روس اور چھٹے پر چین ہیں۔سعودی عرب کے پاس 323 ٹن سونے کے محفوظ ذخائر ہیں جبکہ سعودی عرب کے بعد سونے کے محفوظ ذخائر کا مالک لبنان ہے، جس کے پاس 268 ٹن سونا ہے اور اس کا عالمی سطح پر 19 واں نمبر ہے۔
سونا ایک نایاب عنصر ہے جو کہ مختلف آتشی اور متغیر چٹانوں کے علاوہ ان علاقوں کے آس پاس پائے جانے والے دریاؤں اور نالوں کی ریت میں بھی پاپا جاتا ہے،سونا زیادہ تر دوسری منرلز کے ساتھ انتہائی چھوٹے زرات کی شکل میں ملتا ہے- قدرتی ماحول میں سونا چھوٹے چھوٹے خالص Gold Nuggets کی شکل میں بھی ملتا ہے جن کا وزن چند سو گرام تک ہو سکتا ہے لیکن یہ عموماً چند گرام تک ہی محدود ہوتا ہے- یہ Gold Nuggets زیادہ تر دریائی ریتوں میں ملتے ہیں اور ان کو ڈھونڈنا اتنا آسان کام نہیں کیونکہ یہ اتنے عام نہیں ہیں۔
یہ بات بھی اب دنیا بھر میں عام ہوتی جارہی ہے کہ سکی بھی ملک کی کرنسی یا ڈالرز محفوظ رکھنے سے بہتر ہے کہ سونا خرید کر محفوظ کیا جائے کیونکہ نہ اس کے خراب ہونے کا ڈر ہے اور نہ اس کی قیمتوں میں کمی کو کوئی خوف ہوتا ہے بلکہ یہ سردی گرمی، پانی ہر طرح کے موسم میں بھی کرنسی نوٹوں کے مقابلے میں بالکل محفوظ ہے یہی وجہ ہے کہ دنیا بھر میں لوگوں میں سونے کی کرید اور اسے محفوظ کرنے کے رجحان میں اضافہ ہورہا ہے۔