523
کہتے ہیں شوق کا کوئی مول نہیں اور اسی شوق کی تسکین کے لیے انسان کئی خطرات کا سامنا بھی کرتا ہے۔
اوڈیٹی سینٹرل کی رپورٹ کے مطابق انڈونیشیا سے تعلق رکھنے والی 14 سالہ لڑکی نے پالتو اژدھوں کی ویڈیو شیئر کرکے سب کو حیران اور خوف زدہ کردیا۔
تعجب کی بات تو یہ ہے کہ لڑکی اور اس کا ہم عمر بھائی بھی اپنے 6 عدد پالتو اژدھوں کے ساتھ ایسے رہتے ہیں جیسے کوئی پالتو بلی یا کتے کے ساتھ رہتا ہے۔
ایک نظر میں ان اژدھوں کو دیکھ کرلوگ اپنی جان بچانے کی سوچیں گے جو تندرست نوجوان کو بھی ہڑپ کرجائیں۔
انڈونیشیا کی اسما کمال ان لوگوں میں سے نہیں جو اژدھوں سے خوف زدہ ہوں۔
وسطی جاوا کے پورورجو سے تعلق رکھنے والی 14 سالہ اسما کمال اپنے پالتو اژدھوں کے ساتھ کھیلتی بھی ہے۔