448
اسلام آباد ہائیکورٹ کے چیف جسٹس اطہر من اللہ نے جانوروں کی منتقلی سے متعلق کیس میں ریمارکس دیے ہیں کہ جو لوگ جانوروں کی ہلاکت کے ذمہ دار ہیں وہی تحقیقات کررہے ہیں، ہر کوئی سیاست کر رہا ہے، جانوروں کے تحفظ کی ذمہ داری کوئی نہیں لینا چاہتا۔
ہائیکورٹ کے چیف جسٹس اطہر من اللہ نے مذکورہ کیس کی سماعت کی جس کے دوران وزارت موسمیاتی تبدیلی کے نمائندے عدالت میں پیش ہوئے۔
سماعت میں چیف جسٹس نے کہا کہ عدالت نے دیکھا ہے کہ ہر ادارہ چڑیا گھر کو کنٹرول کرنا چاہتا ہے، ہر ادارہ اس معاملے کا کریڈٹ لینا چاہتا ہے لیکن جانوروں کے تحفظ کی ذمہ داری کوئی نہیں لینا چاہتا۔
جسٹس اطہر من اللہ نے ریمارکس دیے کہ ایک سال سماعت کے دوران عدالت نے محسوس کیا ہے کہ ہر کوئی سیاست کر رہا ہے، وائلڈ لائف مینجمنٹ بورڈ کا ایک ایک رکن اس کا ذمہ دار ہے۔
منبع: ڈان نیوز