377
مسلم لیگ (ن) کے تاحیات قائد اور سابق وزیراعظم نواز شریف نے العزیزیہ اور ایون فیلڈ ریفرنس سے متعلق درخواست پر سماعت میں حاضری سے استثنیٰ کے لیے درخواست دائر کردی۔
ساتھ ہی انہوں نے کہا ہے کہ صحتیابی اور ڈاکٹروں کی اجازت کے بعد پہلی پرواز سے ہی پاکستان واپس آجاؤں گا۔
خیال رہے کہ اسلام آباد ہائی کورٹ کا 2 رکنی بینچ یکم ستمبر (کل) العزیزیہ اور ایون فیلڈر ریفرنس میں نواز شریف اور خاندان کے دیگر افراد کی جانب سے دائر کردہ درخواستوں پر سماعت کرے گا۔
تاہم سماعت سے قبل ہی نواز شریف نے اپنے وکیل خواجہ حارث کے توسط سے العزیزیہ اور ایون فیلڈ ریفرنس میں حاضری سے استثنیٰ کی درخواستیں دائر کیں، جس میں انہوں نے صحت کی وجہ سے بیرون ملک ہونے اور ان کی ضمانت میں پنجاب حکومت کی جانب سے توسیع نہ کرنے کی وضاحت بھی کی۔
منبع: ڈان نیوز