سعودی عرب میں کورونا کا زور ٹوٹنے لگا، کورونا کے نئے کیسز میں غیرمعمولی کمی اور وبا سے صحت یاب ہونے والوں کی تعداد میں اضافہ دیکھا گیا۔
24 گھنٹوں کے دوران کورونا کے صرف 159 نئے کیسز رپورٹ ہوئے ہیں جب کہ ایک ہی دن میں 210 افرد وبا سے شفایاب ہوئے۔
وزارت کا کہنا ہے کہ 24 گھنٹوں کے دوران ریاض ریجن میں 65، مکہ مکرمہ ریجن میں 24، مدینہ منورہ ریجن میں 21، عسیر ریجن میں 10، قصیم ریجن میں 4، شمالی حدود، الجوف، جازان، حائل ریجن میں 2، 2 اور نجران میں ایک کیس رپورٹ ہوا۔
ایک دن میں کورونا سے ہونے والی اموات 13 رہی جس کے بعد مملکت میں کورونا سے مجموعی اموات 6 ہزار 2 ہوگئی۔
مملکت میں 3 ہزار 648 افراد میں کورونا وائرس کے ایکٹو ہے جن میں سے 550 افراد کی حالت نازک ہے جبکہ وبا سے شفایاب ہونے والوں کی تعداد ساڑھے لاکھ تک پہنچ گئی ہے۔
سعودی فوج نے حوثی باغیوں کا ڈرون حملہ ناکام بنادیا
یمن جنگ میں شریک سعودی اتحادی فوج کے ترجمان کا کہنا ہے کہ سعودی فوج نے حوثی باغیوں کا ڈرون حملہ ناکام بنادیا۔
یمن جنگ میں شریک سعودی اتحادی فوج کےترجمان کرنل ترکی المالکی نے اپنے ایک بیان میں کہا کہ بارودی مواد سے لدا ڈرون یمن سے آج صبح سعودی عرب کی جانب بھیجا گیا تھا۔
المالکی نے مزید کہا کہ سعودی فوج نے بروقت کاروائی کرکے ڈرون کو فضا میں تباہ کردیا۔
منبع: جنگ نیوز