قابض صیہونی ریاست میں ں بدعنوانی اور عالمی وبا کورونا وائرس کے خلاف اقدامات میں ناکامی کی وجہ سے استعفے کے مطالبے کے ساتھ صیہونی وزیراعظم نیتن یاھو کے خلاف احتجاجی مظاہرے آٹھویں مہینے میں بھی جاری ہیں جس میں مزید شدت آتی جارہی ہے۔
مقبوضہ فلسطین میں عالمی وباء کورونا وائرس کے باعث لاگو کئے گئے لاک ڈاؤن کے باوجود وزیراعظم ہاؤس کے قریب ہزاروں اسرائیلیوں نے اسرائیلی وزیراعظم نیتن یاھو پر بدعنوانی کے مقدمےمیں فرد جرم عائد ہونے اور ملک میں عالمی وباء کورونا وائرس کے پھیلاؤ کو روکنےکے اقدامات میں ناکامی کے باعث احتجاجی مظاہرہ کیا ۔
‘مجرم وزیر اعظم ‘ کی تحریروں والی شرٹوں اور ماسکوں کے ساتھ مظاہرین نے ‘نیتان یاہو گھر جاو’ کے نعرے لگائے، مظاہرین نے ‘ قانون کی نظر میں سب مساوی ہیں’ اور ‘ واپس جاو’ کی تحریروں والے پلے کارڈ اٹھا رکھے تھے۔
صیہونی وزیراعظم اور مقبوضہ فلسطین میں غیر قانونی صیہونی آبادکاری کے خلاف مقبوضہ مغربی بیت المقدس سمیت تل ابیب اور ملک کے دیگر مختلف علاقوں میں بھی احتجاجی مظاہرے کئے گئے۔وزارت اعظمیٰ ریذیڈینسی کے سامنے کئے گئے مظاہرے میں پولیس نے 8 مظاہرین کو حراست میں لے لیا ہے۔واضح رہے کہ اسرائیل کو کووِڈ۔19 کی تیسری لہر کا سامنا ہے اور بیروزگاری میں تیزی اضافہ ہو رہا ہے۔
اسرائیلی فوج اور فلسطینی باشندوں کے مابین جھڑپیں
قابض صہیونی فوج اور فلسطینی باشندوں کے درمیان تصادم کے نتیجے میں 3 فلسطینی شدید زخمی۔
گزشتہ روز مقبوضہ فلسطین میں اریحا شہر کے مختلف مقامات پر صہیونی فوج اور فلسطینی نوجوانوں کے درمیان تصادم ہوئے جس کے نتیجے میں قابض فوج کی جانب سے دھاتی خول میں لپٹی ربڑ کی گولیاں چلائی گئیں ۔
صہیونی فوج کی اندھا دھند فائرنگ کی زد میں آکر متعدد شہری زخمی ہوئے تاہم 3 فلسطینی نوجوانوں کو شدید نوعیت کے ذخم آئے ۔
زخمی ہونے والے فلسطینی نوجوانوں کو اپنی مدد آپ کے تحت ہسپتال منتقل کر دیا گیا ہے جہاں انکی حالت تشویش ناک بتائی جاتی ہے۔
صہیونی فوج کی رام اللہ میں چھاپہ مار کارروائی
صہیونی فوج نے مختلف علاقوں میں پرتشدد کارروائیوں میں متعدد افراد کو حراست میں لے کر نا معلوم تفتیشی مقا م پر منتقل کر دیا۔
گزشتہ روز صیونی فوج نےمقبوضہ فلسطین میں رام اللہ کے مغربی شہر دیر نظام میں پر تشدد چھاپہ مارکارروائی میں متعدد فلسطینی نوجوانوں کو حراست میں لے کر بد ترین تشدد کا نشانہ بنایا ۔
صہیونی فوج کی جانب سے کارروائی کے نتیجے میں مختلف علاقوں میں فلسطینی باشندوں نے قابض فوج پر پتھراؤ کیا اور رہائشی علاقوں میں داخل ہونے سے روکا تاہم نابلس اور طولکرم میں صہیونی فوج کی درجنوں گاڑیوں نے علاقے کا گھیراؤ کر کے فلسطینیوں کے گھروں میں داخل ہوکر 25 سے زائد افراد کو حراست میں لیتے ہوئے غیر قانونی حراستی مرکز میں نظر بند کر دیا ہے ۔
قابض فوج نے رام اللہ کے مغرب میں واقع شہر دریائے نظام میں آج رات اور صبح سویرے ایک زبردست فوجی مہم کا آغاز کیا ، جب ایک بستی کو اس کی گاڑی پر پتھراؤ کیا گیا تھا ، جبکہ نابلس اور تلکرم میں چھاپے مارے گئے تھے۔
منبع: روزنامہ قدس
