لاہور قلندرز نے فخر زمان اور محمد حفیظ کی شان دار بلے بازی کی بدولت پاکستان سپر لیگ (پی ایس ایل) 2021 کے تیسرے میچ میں کوئٹہ گلیڈی ایٹرز کی جانب سے دیا گیا 179 رنز کا ہدف باآسانی ایک وکٹ کے نقصان پر 19ویں اوور میں حاصل کیا اور میچ 9 وکٹوں سے جیت کر قیمتی پوائنٹس حاصل کرلیے۔
قبل ازیں پاکستان سپر لیگ (پی ایس ایل) 2021 کے تیسرے میچ میں کوئٹہ گلیڈی ایٹرز نے کرس گیل کی پہلی نصف سنچری کی بدولت لاہور قلندرز کے خلاف پہلے بیٹنگ کرتے ہوئے مقررہ اوورز میں 6 وکٹوں پر 178 رنز پر بنائے۔
نیشنل اسٹیڈیم کراچی میں کھیلے گئے پی ایس ایل2021 کے تیسرے روز لاہور قلندرز نے ٹاس جیت کر کوئٹہ گلیڈی ایٹرز کو پہلے بیٹنگ کی دعوت دی۔
میچ میں لاہور قلندرز اور کوئٹہ گلیڈی ایٹرز رواں سیزن میں پہلی مرتبہ آمنے سامنے آئی تھیں۔
گلیڈی ایٹرز کی جانب سے ٹام بینٹن اور صائم ایوب نے اوپننگ کی اور محتاط رویہ اپنایا لیکن اپنی وکٹوں کو محفوظ نہیں رکھ پائے، دوسرے اوور میں بینٹن صرف 4 رنز بنا کر حارث رؤف کی گیند پر آؤٹ ہوئے۔
شاہین شاہ آفریدی نے تیسرے اوور میں صائم ایوب کو پویلین بھیج دیا جنہوں نے 3 رنز بنائے تھے، یوں 12 رنز پر ہی کوئٹہ گلیڈی ایٹرز دونوں اوپنرز سے محروم ہوگئی۔
Guess who 👀🦅
That man @iShaheenAfridi does it again. Watch how @TeamQuetta lost their second wicket. #HBLPSL6 | #MatchDikhao | #QGvLQ pic.twitter.com/OsENOaQNXn
— PakistanSuperLeague (@thePSLt20) February 22, 2021
لاہور قلندرز کے فیلڈر سلمان آغا نے ساتویں اوور میں کرس گیل کا ایک آسان کیچ گرا دیا اور انہیں موقع فراہم کیا اور دوسرے اینڈ سے سرفراز نے بھی اچھی بیٹنگ کی اور آٹھویں اوور میں ٹیم کی نصف سنچری مکمل کی۔
Oh dear 😳😨 You can't drop @henrygayle – how costly will that be? #HBLPSL6 | #MatchDikhao | #QGvLQ pic.twitter.com/wH0mryMGQQ
— PakistanSuperLeague (@thePSLt20) February 22, 2021
کرس گیل نے موقع کا بھرپور فائدہ اٹھاتے ہوئے جارحانہ انداز میں بیٹنگ کی۔
Chris @henrygayle. Six machine.#HBLPSL6 | #MatchDikhao | #QGvLQ pic.twitter.com/fBNOVdu662
— PakistanSuperLeague (@thePSLt20) February 22, 2021
کرس گیل نے کھیل کے دوران کمینٹیٹرز کے ساتھ بات کرتے ہوئے مزاحیہ انداز میں گوگلی، گوگلی، گوگلی دہرایا۔
Join the #GooglyChallenge with @henrygayle #HBLPSLTaranay #HBLPSL6 #MatchDikhao pic.twitter.com/2kIHQ0gle2
— PakistanSuperLeague (@thePSLt20) February 22, 2021
کرس گیل نے پی ایس ایل میں پہلی مرتبہ نصف سنچری مکمل کی جس کے لیے انہوں نے راشد خان کی گیند پر چھکا مارا، ان کی نصف سنچری میں 4 چوکے اور 4 چھکے شامل تھے۔
What. A. 50.@henrygayle has been on 🔥 🔥 🔥#HBLPSL6 | #MatchDikhao | #QGvLQ pic.twitter.com/lx7MG04ABP
— PakistanSuperLeague (@thePSLt20) February 22, 2021
سرفراز احمد اورکرس گیل نے 101 رنز کی شراکت کی اور اس موقع پر کپتان کی اننگز 40 رنز پر حارث رؤف نے ختم کردی۔
راشد خان نے خطرناک انداز اپنائے ہوئے کرس گیل کی وکٹیں اڑا کر لاہور قلندرز کو سکون کا سانس فراہم کردیا، گیل 40 گیندوں پر 4 چوکوں اور 5 چھکوں کی مدد سے 68 رنز بنا کر آؤٹ ہوئے۔
BADLA! Watch as @rashidkhan_19 gets his revenge and ends @henrygayle's blistering knock!#HBLPSL6 | #MatchDikhao | #QGvLQ pic.twitter.com/KeJtrE4U7K
— PakistanSuperLeague (@thePSLt20) February 22, 2021
احمد دانیال نے گلیڈی ایٹرز کے اعظم خان کو شاہین شاہ آفریدی کے ہاتھوں کیچ کروایا اور پانچواں نقصان پہنچایا، وہ 9 گیندوں پر ایک چوکے کی مدد صرف 13 رنز بنا سکے۔
حارث رؤف نے اننگز کے آخری اوور کی دوسری گیند پر 5 رنز بنا کر کھیلنے والے بین کٹنگ کی وکٹیں اڑا دیں۔
Light up light up 💡💡@HarisRauf14 lights up the stumps for his second wicket!#HBLPSL6 | #MatchDikhao | #QGvLQ pic.twitter.com/tcFKcIBzBg
— PakistanSuperLeague (@thePSLt20) February 22, 2021
کوئٹہ گلیڈی ایٹرز نے مقررہ اوورز میں 6 وکٹوں کے نقصان پر 178 رنز بنائے۔
محمد نواز نے اختتامی اوورز میں اچھی بیٹنگ کا مظاہرہ کیا اور 20 گیندوں پر 33 رنز بنائے اور انور علی نے ایک گیند کا سامنا کیا اور ایک رن بنا سکے۔
لاہور قلندرز کی جانب سے حارث رؤف نے سب سے زیادہ 3 وکٹیں حاصل کیں۔
ہدف کے تعاقب میں سہیل اختر اور فخر زمان نے محتاط بیٹنگ کی اور ساتویں اوور میں ٹیم کی نصف سنچری مکمل کی۔
کپتان سہیل اختر نے سست روی سے بیٹنگ کی اور 26 گیندوں پر 3 چوکوں کی مدد سے 21 رنز بنائے اور زاہد محمود نے ان کی وکٹیں اڑا دیں۔
🎼🎶Don't know my name you should Google me! Googly, googly, googly! 🎶🎼@iamzahid23 joins the #GooglyChallenge by bowling out the @lahoreqalandars skipper!#HBLPSL6 | #MatchDikhao | #QGvLQ pic.twitter.com/FGbvYA48kZ
— PakistanSuperLeague (@thePSLt20) February 22, 2021
دوسرے اینڈ سے فخر زمان نے ذمہ دارانہ بیٹنگ جاری رکھی اور ان کا ساتھ دینے کے لیے گزشتہ میچ میں اچھی بیٹنگ کا مظاہرہ کرنے والے محمد حفیظ میدان میں آئے۔
Ao ji! 😎🤩@MHafeez22 with another glorious six!#HBLPSL6 | #MatchDikhao | #QGvLQ pic.twitter.com/SLKZoKYWAT
— PakistanSuperLeague (@thePSLt20) February 22, 2021
میچ کے 11ویں اوور میں فخر زمان نے زاہد محمود کی پہلی گیند پر چھکا مارا اور دوسری گیند پر ایک رن بنا کر اپنی نصف سنچری مکمل کی جو ان کی رواں سیزن میں پہلی نصف سنچری ہے۔
محمد حفیظ کا ایک کیچ بھی گرا دیا گیا تھا جس کا انہوں نے اس کا بھرپور فائدہ اٹھایا اور شان دار بیٹنگ کی اور 24 گیندوں میں اپنی تیز ترین نصف سنچری مکمل کی، جس میں 5 چھکے اور 2 چوکے شامل تھے۔
OK who made @MHafeez22 mad we just want to talk…
ANOTHER SIX#HBLPSL6 | #MatchDikhao | #QGvLQ pic.twitter.com/kq72T7o0H2
— PakistanSuperLeague (@thePSLt20) February 22, 2021
فخر زمان اور محمد حفیظ نے دوسری وکٹ میں ناقابل شکست شراکت میں شان دار بیٹنگ کا مظاہرہ کیا اور مطلوبہ ہدف 19ویں اوور کی دوسری گیند پر حاصل کرلیا۔
فخر زمان نے 52 گیندوں پر 8 چوکوں اور 2 چھکوں کی مدد سے 82 رنز بنائے اور محمد حفیظ نے محض 33 گیندوں کا سامنا کیا اور 6 چھکے اور 5 چوکوں کی مدد سے 73 رنز بنائے۔
فخر زمان کو شان دار کارکردگی پر میچ کا بہترین کھلاڑی قرار دیا گیا۔
خیال رہے کہ کوئٹہ گلیڈی ایٹرز کو پہلے میچ میں کراچی کنگز سے شکست ہوئی تھی جبکہ لاہور قلندرز نے پشاور زلمی کو 4 وکٹوں سے شکست دے کر ٹورنامنٹ میں فاتحانہ آغاز کیا تھا۔
میچ کے لیے دونوں ٹیمیں ان کھلاڑیوں پر مشتمل تھیں۔
کوئٹہ گلیڈی ایٹرز: سرفراز احمد (کپتان)، کرس گیل، ٹام بینٹن، اعظم خان، صائم ایوب، بین کٹنگ، محمد نواز، زاہد محمود، انور علی، محمد حسنین، عثمان شنواری
لاہور قلندرز: سہیل اختر (کپتان)، فخر زمان، محمد حفیظ، سلمان علی آغا، بین ڈنک، سمت پٹیل، ڈیوڈ ویزے، راشد خان، احمد دانیال، شاہین شاہ آفریدی، حارث رؤف
منبع: ڈان نیوز