سعودی عرب کے مفتی اعظم شیخ عبدالعزیز آل شیخ کا کہنا ہے کہ کورونا ویکسین روزے دار کے روزے کو متاثر نہیں کرتی۔
سعودی مفتی اعظم اور سعودی علماء کونسل کے سربراہ کا کہنا ہے کہ کورونا ویکسین روزے کو باطل نہیں کرتی کیونکہ یہ کھانے پینے کے زمرے میں نہیں آتی۔
خیال رہے کہ سعودی عرب نے عالمی وبا کے بڑھتے کیسز کے پیش نظر رواں برس حج کے لیے آنے والوں کے لیے کورونا ویکسین کو لازمی قرار دیا ہے۔
سعودی عرب میں گزشتہ برس دسمبر کے وسط سے کورونا وائرس کی ویکسینیشن مہم کا آغاز کیا تھا۔یہ ویکسین شہریوں کو مفت فراہم کی جارہی ہے۔
سعودی عرب میں آج کورونا کے 393 کیسز رپورٹ، 7 کا انتقال
ریاض سے سعودی وزارت صحت کی رپورٹ کے مطابق مملکت میں کورونا وائرس کے مریضوں کی تعداد 3 لاکھ 83 ہزار 499 ہوگئی ہے۔
وزارت صحت کے مطابق 24 گھنٹوں میں کورونا کے7 مریض انتقال کر گئے۔
حکام کے مطابق اس طرح سعودی عرب میں کورونا وائرس سے اموات کی تعداد 6 ہزار 585 ہوگئی۔
سعودی عرب کل دو مصنوعی سیارے خلا میں بھیجے گا
سعودی عرب 20 مارچ کو سعودی ساختہ دو مصنوعی سیارے خلا میں بھیجے گا۔
ریاض میں چیئرمین سعودی اسپیس کمیشن شہزادہ سلطان بن سلمان نے پریس کانفرنس میں بتایا کہ مصنوعی سیاروں کا نام شاہین سیٹ اور کیوب سیٹ ہے۔
شہزادہ سلطان بن سلمان کے مطابق مصنوعی سیارےسائنسی مقاصد کے لیے بھیجے جائیں گے۔
منبع: جنگ نیوز