300
نیوزی لینڈ نے انگلینڈ کے خلاف پہلے ٹیسٹ میچ میں ٹم ساؤدھی کی عمدہ باؤلنگ کی بدولت 165 رنز کی مجموعی برتری حاصل کرلی ہے لیکن بارش کے سبب ایک دن کا کھیل ضائع ہونے کی وجہ سے میچ ڈرا کی جانب گامزن ہے۔
لارڈز میں کھیلے جا رہے سیریز کے پہلے ٹیسٹ میچ میں نیوزی لینڈ نے ٹاس جیت کر پہلے بیٹنگ کا فیصلہ کیا۔
پہلا میچ کھیلنے والے ڈیون کونوے نے اپنا انتخاب درست ثابت کرتے ہوئے ریکارڈ ساز ڈبل سنچری اسکور کی جس کی بدولت نیوزی لینڈ نے پہلی اننگز میں 378 رنز بنائے۔
کونوی نے 200 رنز بنائے اور نیوزی لینڈ کی پہلی اننگز میں آؤٹ ہونے والے آخری کھلاڑی تھے جبکہ ہنری نکولس نے 61 رنز کی باری کھیلی۔
جواب میں انگلینڈ کی ٹیم محض 18 رنز پر ڈوم سبلی اور زیک کرالی کی اہم وکٹوں سے محروم ہو گئی، اس کے بعد رورے برنز کا ساتھ دینے کپتان جو روٹ آئے اور دونوں نے دوسرے دن کے اختتام تک مزید نقصان کے بغیر اسکور کو 111 تک پہنچا دیا۔
میچ کا تیسرا دن مکمل طور پر بارش کی نذر ہوا جس کی وجہ سے ایک دن کا کھیل ضائع ہو گیا۔
میچ کے چوتھے دن کے کھیل کے آغاز کے ساتھ ہی اسکور میں بغیر کسی اضافے کے بعد انگلش کپتان روٹ کی 42 رنز کی اننگز اختتام کو پہنچی۔
رورے برنز نے اولی پوپ کے ساتھ اسکور 140 تک پہنچایا ہی تھا کہ اس موقع پر ساؤدھی نے تباہ کن اسپیل کرتے ہوئے 140 کے مجموعی پر تین انگلش بلے بازوں سبلی، ڈین لارنس اور جیمز بریسی کو چلتا کردیا۔
140 رنز پر 6 وکٹیں گرنے کے بعد برنز کا ساتھ دینے اولی رابنسن آئے اور دونوں نے ساتویں وکٹ کے لیے 63 رنز جوڑے جس کے بعد رابنسن 42 رنز بنا کر ساؤدھی کا پانچواں شکار بن گئے جبکہ 4 رنز کے اضافے مارک وڈ بھی پویلین لوٹ گئے۔
— ICC (@ICC) June 5, 2021