گزشتہ تین روز کے دوران سازگار ماحول کی وجہ سے جنوب مغربی بحیرہ عرب میں موجود ڈیپ ڈپریشن سمندری طوفان میں تبدیل ہوا جو ہفتے کی شام تک شدید سمندری طوفان کی شکل اختیار کر گیا ہے۔
ڈان اخبار کی رپورٹ کے مطابق سمندری طوفان سے متعلق یہ تفصیلات محکمہ موسمیات پاکستان کی ایڈوائزری میں بتائی گئیں۔
رپورٹ میں بتایا گیا کہ ’تیج‘ نامی اس طوفان سے پاکستان کے ساحلی علاقوں کو کوئی خطرہ نہیں ہے۔
چیف میٹرولوجسٹ ڈاکٹر سردار سرفراز نے کہا کہ مون سون سے قبل اور بعد کا دورانیہ سازگار حالات کی وجہ سے سمندری طوفانوں کی تشکیل کے لیے موزوں ترین ہے۔
بشکریہ: ڈان نیوز
