قرون وسطی کی ایک عربی کہاوت ہے، "دانائی یمن میں ہے”۔
اگر آپ یہ طے کرنے کی کوشش کر رہے ہیں کہ غزہ میں اسرائیل فلسطین تصادم نے مشرق وسطیٰ کو کس طرح ہلا کر رکھ دیا ہے . تو یہ بھی یاد رکھیں کہ بحیرہ احمر میں اسرائیل سے منسلک بحری جہازوں کے خلاف یمن کے جاری حملے خطے کی حالیہ دنوں کی اہم ترین سیاسی حرکیات میں سے ایک کو واضح کرتے ہیں۔
حالیہ ہفتوں میں اسرائیل کے زیر ملکیت یا جانے والے بحری جہازوں پر راکٹ اور ڈرون حملے انصار اللہ (حوثی) کی طرف سے غزہ میں محصور فلسطینیوں کی حمایت کا ایک مظہر ہیں، جو شمالی یمن کے بیشتر حصے پر قابض ہیں۔ انصار اللہ کا کہنا ہے کہ وہ ان حملوں کو اسی وقت روکیں گے جب اسرائیل اپنا نسل کشی کا محاصرہ اور فلسطینی علاقوں پر بمباری ختم کر دے گا۔
یہ حملے ایران کی زیرقیادت اسرائیل مخالف (اور مغرب مخالف) "مزا:حمتی محور” کے تین بنیادی عرب ارکان حزب اللہ، حماس اور انصار اللہ کی طرف سے فلسطینیوں پر اسرائیل کے تازہ حملے پر ایک مربوط فوجی ردعمل کا حصہ ہیں۔
پچھلے ہفتے ایک موقع پر، اسرائیل اور امریکہ نے بیک وقت غزہ اور فلسطین کے مغربی کنارے، لبنان، شام، عراق اور یمن میں مزاحمتی قوتوں کے محور کے ساتھ براہ راست فائرنگ کا تبادلہ کیاجسے ایران کے ساتھ کم شدت کے مخصوص ، براہ راست تصادم کے طور پر بھی دیکھا جاسکتا ہے۔
7 اکتوبر کے بعد سے خطے میں کس طرح حالات اگے بڑھے ہیں ، اور آگے کیا ہونے کا امکان ہے، اس کے کسی بھی جائزے کے لیے مزاحمت کے علاقائی نیٹ ورک کے محور، فوجی صلاحیتوں اور رفتار سے متعلق تین اہم نکات کو تسلیم کرنا چاہیے۔
مرکزی دھارے میں شامل امریکی میڈیا اور سیاسی اشرافیہ ان تینوں نکات کو نظر انداز کرتے ہیں، جو یہ ہیں: محور کے اندر موجود گروپ پورے خطے میں آپس میں مربوط ہوسکتے ہیں اور متحدہ محاذ کے طور پر اسرائیل کا سامنا کر سکتے ہیں۔
مغرب میں وسیع پیمانے پر یہ خوف کہ اسرائیل اور حماس کا یہ تازہ ترین تصادم امریکہ اسرائیل اور نصف درجن عرب ایرانی افواج کے درمیان ایک مکمل علاقائی جنگ کو جنم دے گا، بھی تک عملی شکل اختیار نہیں کرسکا ہے – تا ہم تصادم صرف غزہ تک محدود نہیں رہا ، اس نے پورے خطے میں مزاحمت کے محور کی طرف سے پہلی سنجیدہ مربوط جنگی کارروائی کو جنم دیا ہے۔ یہ حزب اللہ کی "محاذوں کے اتحاد” کے بارے میں سال بھر کی گفتگو کی عکاسی کرتا ہے، یعنی محور کے ارکان اب جنگ میں، یا لڑائیوں کے درمیان، تیاری کے وقت ایک دوسرے کے ساتھ ارتباط اور مدد کرتے ہیں۔
انصار اللہ اسرائیل کو چیلنج کر سکتی ہے ؟
کئی دہائیوں تک، حزب اللہ اور حماس ہی دو عرب طاقتیں تھیں جنہوں نے اسرائیل کا عسکری طور پر مقابلہ کیا، اور اسے جنگ بندی، قیدیوں کے تبادلے اور دیگر مراعات پر مجبور کیا۔ بحیرہ احمر کے جہاز رانی کے راستوں پر انصار اللہ کے جاری ڈرون اور میزائل حملے ممکنہ طور پر اسی طرح اسرائیل کو چیلنج کریں گے۔ یہ حملے بالآخر یمنی گروہ کو اپنے مغربی مخالفین کے خلاف اہم فائدہ فراہم کر سکتے ہیں، خاص طور پر اگر توقع کے مطابق، امریکہ اور اسرائیل یمن میں زمینی فوج نہیں بھیجتے ہیں، بلکہ تجارتی راستوں کی حفاظت کے لیے اپنی کوششوں میں مکمل طور پر فضائی طاقت پر انحصار کرتے ہیں۔
مزاحمت کے محور کے تینوں سرکردہ عرب ارکان نے گزشتہ دو دہائیوں میں اپنی فوجی صلاحیتوں میں نمایاں بہتری لائی ہے۔
حزب اللہ پہلا محور رکن تھا جس نے اسرائیل کے خلاف اپنی فوجی صلاحیت کو ثابت کیا۔ 2006 کی جنگ میں لبنان میں مقیم گروپ اور اسرائیل کے درمیان تعطل کے نتیجے میں باہمی ڈیٹرنس پر مبنی غیر رسمی جنگ بندی ہوئی۔ دونوں جماعتوں نے محسوس کیا کہ ایک مکمل جنگ سے قومی اثاثوں کو شدید نقصان پہنچے گا اور اس کے نتیجے میں دونوں طرف سے شہری ہلاکتوں کی تعداد ناقابل قبول د ہو گی۔ اس کے بعد سے انہوں نے اپنے تصادم کو محدود جوابی حملوں تک محدود رکھا ہے جس کے نتیجے میں محدود جانی نقصان ہوتا ہے۔ 7 اکتوبر کو اسرائیل پر غیر معمولی پیمانے پر حملہ کر کے اور پھر آج تک اپنے اثاثوں کا دفاع کرنے میں کامیاب ہو کر حماس نے یہ بھی ثابت کر دیا ہے کہ اس نے نمایاں فوجی صلاحیت پیدا کر لی ہے۔ انصار اللہ کی صلاحیتیں بھی بہتر ہو رہی ہیں – سعودی عرب اور متحدہ عرب امارات کو یمن کے خلاف اپنی جنگ ختم کرنے پر مجبور کرنے کے بعد، گزشتہ ماہ اس نے بحیرہ احمر میں کم از کم 100 بحری جہازوں پر اعلیٰ کارکردگی کے ساتھ حملہ کیا۔ ایک سینئر امریکی فوجی اہلکار نے اسے "حملوں کی ایک بہت بڑی وسعت” قرار دیا جو کم از کم "دو نسلوں” میں نہیں دیکھا گیا۔
ہم ابھی یہ اندازہ نہیں لگا سکتے کہ مستقبل کے لیے اس کا کیا مطلب ہے، لیکن یہ بہت واضح ہے: اسرائیل پر حملہ کرنے اور اپنے اثاثوں کا دفاع کرنے میں حماس کی نئی صلاحیت اسے حزب اللہ کی قابلیت کے قریب لاتی ہے۔ اور سعودی عرب، متحدہ عرب امارات اور بحیرہ احمر کے جہازوں کے خلاف ڈرون اور میزائل حملوں میں انصار اللہ کی ثابت شدہ قابلیت اس کی فوجی مہارت کو بڑھاتی ہے۔
ابھرتی ہوئی حقیقت یہ ہے کہ مزاحمت کا محور جو ایران کو نصف درجن بڑے اور چھوٹے عرب غیر ریاستی، مسلح اداکاروں کے ساتھ متحد کرتا ہے مضبوط ہو رہا ہے، اور ممکنہ طور پر ایسا جاری رہے گا اگر شراکت داری کو آگے بڑھانے والے محرکات کا انجام نہیں ہوجاتا – خاص طور پر فلسطین-اسرائیل تنازعات-امریکی جارحیت، عرب فریقوں کے خلاف دھمکیاں یا پابندیاں۔ یمن میں سابق امریکی سفارت کار ڈاکٹر نبیل خضری، جو اب عرب سینٹر واشنگٹن کے سینئر فیلو ہیں، نے بھی ایک انٹرویو میں وضاحت کی کہ یمن میں جنگ کے خاتمے کے بعد اب انصار اللہ علاقائی سطح پر کارروائی کے لیے تیار نظر آتے ہیں۔
پھر بھی آپ اس سے لاعلم ہوں گے اگر خطے کے بارے میں آپ کا علم مین اسٹریم امریکی میڈیا سے آتا ہے۔ امریکی عوام ، میڈیا کے لیے بڑی حد تک امریکی سیاسی اشرافیہ کی پیروی کرتے ہیں، اور دونوں مشرق وسطیٰ کی حقیقتوں کو نظر انداز کرتے ہیں جو "کمزور” عربوں کے بارے میں مغرب کے پہلے سے قائم شدہ تصورات سے میل نہیں کھاتیں ۔ حالانکہ اب وہ اسرایئلی امریکی فوجوں کو طاقت کے استعمال کا جواب دیتے ہیں۔یہ فلسطین، لبنان اور یمن کے حالیہ واقعات کو بھی نظر انداز کرتے ہیں جنہوں نے ایسے نسل پرستانہ خیالات کو خاک میں ملا دیا ہے۔
مزاحمت کے محور کی بڑھتی ہوئی طاقت، انضمام، اور اثر و رسوخ کو پچھلی نصف صدی میں مشرق وسطیٰ میں سب سے اہم جیو اسٹریٹجک پیش رفتوں میں شمار کیا جاتا ہے۔
امریکی اور اسرائیلی اشتعال انگیزیوں کے خلاف ایران کی مزاحمت کے ساتھ ساتھ، حزب اللہ (لبنان)، حماس (فلسطین) اور انصار اللہ (یمن) کی طرف سے ریاستی قوت کے ساتھ عرب عسکریت پسندی کے امتزاج کو ان کی "مزاحمت” اور "سرکشی” کی مشترکہ بنیادی اقدار کی روشنی میں بخوبی سمجھا جاسکتا ہے۔ امریکی میڈیا اور سیاسی طبقہ اور بیشتر مغرب ابھی تک اس کو دیکھنے یا تسلیم کرنے سے انکاری ہیں کیونکہ اسرائیل، امریکہ اور ان کے عرب اتحادی اسے سمجھنے میں رکاو ٹ ہیں۔ وہ اسلای انتہا پسندی کے اپنے زہنی تصورات کے ذریعے خطے میں ہونے والی پیش رفت کا جائزہ لینے کو ترجیح دیتے ہیں جو آنکھیں بند کرکے امریکہ اور اسرائیل کی مخالفت میں ہے۔ اور وہ فرض کرتے ہیں کہ وہ اسرائیلی امریکی فوجی حملوں، پابندیوں یا دھمکیوں کے ذریعے مشرق وسطیٰ کے کسی بھی چیلنج سے نمٹ سکتے ہیں۔
یہ حیرت کی بات نہیں، دانشور معمول کے مطابق اس کی تصدیق کرتے ہیں کہ، امریکی اور مغربی میڈیا زیادہ تر مسخ شدہ سوچ کے ذریعے غزہ پر رپورٹنگ کرتے ہیں، جو عام طور پر اسرائیل اور امریکی پالیسیوں کی عکاسی کرتی ہے۔ لہٰذا ہمیں ان سے یہ توقع کرنی چاہیے کہ وہ یمن اور بڑھتے ہوئے مزاحمتی محور کے بارے میں ، بنیادی طور پر مغرب اور اسرائیل کے ایرانی اثر و رسوخ کے خوف کی روشنی میں رپورٹنگ کریں گے۔ اس میں خطے میں امریکی بحری بیڑہ بھیجنے اور بحیرہ احمر، آبنائے باب المندب اور خلیج عدن میں مشترکہ گشت کرنے اور انٹیلی جنس فراہم کرنے کے لیے 10 ملکی ٹاسک فورس بنانے کے حال ہی میں اٹھائے گئے اقدامات شامل ہیں۔ اس کا مقصد سمندری ٹریفک کو رواں دواں رکھنا ہے، حالانکہ ڈنمارک کے AP Moller-Maersk اور جرمنی کے Hapag-Lloyd جیسے عالمی بیڑے نے پہلے ہی اپنے جہازوں کو دوسرے راستوں کی طرف موڑ دیا ہے۔
واشنگٹن انصار اللہ کے خلاف فوجی حملوں پر بھی فعال طور پر غور کر رہا ہے، حالانکہ مزاحمت کے محور کی طاقت اور یمنی تاریخ – اپنے سرکشیدہ رویہ کے مطابق – یہ بتارہے ہیں کہ یہ مستقبل میں بحری جہازوں کے خلاف حملوں کو روک نہیں سکے گا۔
شفقنا اردو
جمعتہ المبارک، 29 دسمبر 2023
نوٹ: شفقنا کا اس تحریر کے مندرجات سے متمفق ہونا ضروری نہیں
