20 ویں صدی کی سب سے بڑی سمجھی جانے والی نسل کشی جس میں ایک اندازے کے مطابق ہلاک ہونے والے 70,000 نمیبائی باشندوں کی باقیات اب بھی سیع و عریض صحرائے نمیب کے ٹیلوں کے نیچے پڑی ہیں۔
بہت سے دوسرے جنوبی بحر اوقیانوس کے برفانی ٹھنڈے پانیوں کی گہرائیوں میں دفن ہوگئے۔
نوآبادیاتی دور کی یہ نسل کشی جرمن افواج نے 1904 اور 1908 کے درمیان مقامی ہیرو اور ناما لوگوں پر کی تھی۔
جیسا کہ انڈونیشیا کے آنجہانی صدر سوکارنو نے کہا تھا، "تاریخ کو کبھی مت بھولنا۔ یہ جو کچھ ہم ہیں ہمیں بنائے گی اور بدلے گی۔”
2021 میں، برسوں کے مذاکرات کے بعد، جرمنی نے باضابطہ طور پر اپنی نوآبادیاتی تاریخ کے دھبے کو "نسل کشی” کے طور پر تسلیم کیا۔
تلافی کے طور پر، یورپی قوم نے نمیبیا میں بڑے پیمانے پر قتل عام میں اس کے کردار کے لیے 30 سالوں کے دوران 1.3 بلین امریکی ڈالر کے منصوبوں کو فنڈ دینے پر اتفاق کیا۔
لیکن اس سے پہلے کہ 120 سال پہلے کی انصافیاں دھول کے نیچے دب جاتیں، جرمنی نے ایک ایسا فیصلہ کر دیا جس نے نمیبیا کو چونکا دیا اور پرانے زخموں کو دوبارہ کھول دیا۔جرمن حکومت نے غزہ میں فلسطینیوں کے قتل عام کو "نسل کشی” قرار دینے اور اسے رکوانے کے ، دی ہیگ میں واقع بین الاقوامی عدالت انصاف (آئی سی جے) میں جنوبی افریقہ کی طرف سے لائے گئے مقدمے میں اسرائیل کی جانب سے مداخلت کرنے کا وعدہ کیا۔
دوہرا معیار
نمیبیا کوموقف ہے کہ یہ جرمنی کے اپنی گھٹیا تاریخ پر شرمسار نہ ہونے کی عکاسی کرتاہے۔
ایک بیان میں، نمیبیا کے صدر Hage Geingob نے کہا کہ "جرمن حکومت نے ابھی تک نمیبیا کی سرزمین پر ہونے والی نسل کشی کا مکمل کفارہ ادا نہیں کیا ہے”۔
انہوں نے کہا کہ "جرمنی، اگر غزہ میں نسل کشی، جو ہولوکاسٹ کے مترادف ہے کی حمایت کرتا ہے تو وہ نسل کشی کے خلاف اقوام متحدہ کے کنونشن کے ساتھ اخلاقی طور پر وابستگی کا اظہار نہیں کر سکتا، جس میں نمیبیا میں نسل کشی کا کفارہ بھی شامل ہے۔”
گینگوب کے جذبات کی بازگشت کرتے ہوئے، مصنفہ اور اداکارہ گرلی جازمہ کا استدلال ہے کہ جرمنی کی طرف سے غزہ میں ہونے والی نسل کشی کو تسلیم کرنے سے انکار کا مطلب یہ ہے کہ "آپ (جرمنی) نے 1904 سے 1908 تک نمیبیا کے لوگوں کے ساتھ جو کچھ کیا اس پر اپنی خوداحتسابی نہیں کی”۔
"تو پھر ہم لوگوں کو ان کے اعمال کے لیے جوابدہ کیسے ٹھہرائیں گے؟ کیا ہم ایک طرف بیٹھ کر یہ سب کچھ ہونے دیں؟ کیا اس کا مطلب یہ ہے کہ کیا جرمنی کو بھولنے کی بیماری ہے؟ کیا انہوں نے ابھی تک اپنے ماضی سے سبق نہیں سیکھا؟” اس نے حیران کن لہجے میں سوال کیا۔
اگرچہ نمیبیا اور غزہ میں جو کچھ ہوا اسے ایک صدی سے زیادہ کا عرصہ گزر چکا ہے، جازمہ کو افسوس ہے کہ اتنا لمبا عرصہ گزر جانے کے باوجو بہت کم تبدیلی آئی ہے۔
"یہ میرے لیے بہت عجیب ہے کہ 2024 میں، یہ اب بھی ہو رہا ہے،” وہ TRT افریقہ کو بتاتی ہیں۔ "میں حیران ہوں کہ جرمنی یہ نہیں دیکھ رہا کہ اسرائیل کیا کر رہا ہے نسل کشی کے طور پر۔”
تاریخ سے پوشیدہ
جازمہ ہیرورو کے آباؤ اجداد کو ان کی زمین پر جرمن قبضے کے خلاف مزاحمت کرنے پر پھانسی دے دی گئی تھی۔
وہ کہتی ہیں، "میرے لوگوں کے خلاف قتل عام کا حکم تھا، اور ہمیں بھوکا پیاسا مرنے کے لیے صحرا میں بھگا دیا گیا تھا۔ آج یہ غزہ میں چل رہا ہے، جہاں فلسطینیوں کی مکمل ناکہ بندی کی گئی ہے۔”
نمیبیا میں صحرا کی ہولناکیوں سے بچ جانے والے تقریباً 13,000 ہیرو رو لوگوں کو حراستی کیمپوں میں منتقل کر دیا گیا، جہاں انہیں بعد ازاں بےدردی سے مار دیا گیا تھا۔
"عجیب بات ہے کہ، بہت سے لوگ نمیبیا کی نسل کشی کے بارے میں نہیں جانتے،” جازمہ کہتی ہیں۔ "یہ تاریخ سے پوشیدہ ہے۔”کچھ مورخین یہاں تک دلیل دیتے ہیں کہ نمیبیا کے حراستی کیمپ، جرمنی میں نازی حراستی کیمپوں کے نمونے پربنائے گئے تھے، جہاں ایڈولف ہٹلر کے دور حکومت میں لاکھوں یہودی مارے گئے تھے۔
جرمنی میں ہولوکاسٹ کے تناظر میں، برطانیہ نے اعلان بالفور کے تحت فلسطین میں یہودیوں کے لیے ایک قومی گھر قائم کرنے کا وعدہ کیا۔
ہولوکاسٹ کے بعد کی مہم
جیسے ہی فلسطین میں یہودیوں کی نقل مکانی میں تیزی آئی، 1918 اور 1947 کے درمیان فلسطین میں ان کی آبادی 6% سے بڑھ کر 33% ہو گئی۔
فلسطینی آبادی کی تبدیلی سے گھبرا گئے، اور تناؤ بڑھ گیا، جس کے نتیجے میں فلسطینی اسرائیل تنازعہ شروع ہوا، جو اس کے بعد سے دنیا کا سب سے پیچیدہ تنازعہ بن گیا ہے۔
گزشتہ سال 7 اکتوبر سے غزہ پر اسرائیلی حملوں کے تازہ ترین دور میں 27,000 سے زائد فلسطینی ہلاک ہو چکے ہیں، جن میں سے نصف کے قریب بچے ہیں۔ اسرائیل کا دعویٰ ہے کہ اس کے بے دریغ فضائی اور زمینی حملے فلسطینی گروپ حماس کے مہلک حملے کا بدلہ ہیں۔
غزہ میں اسرائیلی مظالم نے جنوبی افریقہ کو اسرائیل کو بین الاقوامی عدالت انصاف (آئی سی جے) کے کٹہرے میں کھڑا کرنے پر مجبور کردیا۔لیکن جرمنی نے نسل کشی کے الزامات کو سختی سے مسترد کرتے ہوئے کہا کہ اسرائیل صرف "اپنا دفاع” کر رہا ہے۔
مکرر مجرم
جازمہ کی نظروں میں جرمنی ایک مکمل دائرے میں سفر کیا ہے۔ نمیبیا اور اس کی سرزمین پر دو نسل کشیوں کے ارتکاب کے بعد، اب اسے اسرائیل کے لیے کور فراہم کرنے کے طور پر دیکھا جا رہا ہے کیونکہ مؤخر الذکر کو غزہ میں نسل کشی کے الزامات کا سامنا ہے۔
کچھ ماہرین جرمنی کے موقف کو ایک طرح سے غزہ کی نسل کشی میں ملوث ہونے کے طور پر دیکھتے ہیں۔
"اس کی تشریح یہ ہے کہ جرمنی کی نظر میں نامہ، ہیرورو(نمیبائی باشندے) اور فلسطینی انسان نہیں ہیں۔ صرف یہودی اور دیگر کاکیشین ہی انسان ہیں اور اس لیے جرمن معافی اور حمایت کے لائق ہیں،” ایوریسٹو بینی را، یونیورسٹی آف ساؤتھ افریقہ کے پروفیسرنے ٹی آڑ ٹی ورلڈ میں اظہار خیال کرتے ہوئے کہا۔
وہ اس پورے واقعہ کو "بین الاقوامی فوجداری انصاف کے میدان میں نسل پرستی کے ایک نصابی مقدمہ” کے طور پر دیکھتے ہیں۔
بینی را کا کہنا ہے کہ اسرائیل کے خلاف جنوبی افریقہ کے مقدمے کا نتیجہ "خود بین الاقوامی نظام انصاف کا امتحان” ہو گا۔
وہ کہتے ہیں کہ یہ کیس ایک بہت بڑی نظیر قائم کرتا ہے، اور آئی سی جے کو خود کو "غیر جانبدار” ثابت کرنا ہوگا۔
"اگر عدالت جنوبی افریقہ کے حق میں فیصلہ دیتی ہے، تو یہ ہمارے لیے بھی جرمنی کو آئی سی جے میں لے جانے کا دروازہ کھول سکتا ہے،” جازمہ کہتی ہیں، یہ نوٹ کرتے ہوئے کہ ان کے لوگوں کو انصاف فراہم کرنا ابھی باقی ہے۔
شفقنا اردو
پیر، 26 فروری 2024
نوٹ: شفقنا کا اس تحریر کے مندرجات سے متفق ہونا ضروری نہیں
