شفقنا اردو: سوڈان میں ہیضے کی وباء کے نتیجے میں اموات کی تعداد 473 تک پہنچ گئی ہے۔
سوڈان وزارت صحت نے جاری کردہ بیان میں کہا ہے کہ ہیضہ کیسوں کی کُل تعداد 14 ہزار 944 تک اور ہیضے کی وجہ سے اموات کی تعداد 473 تک پہنچ گئی ہے۔
ملک میں جون سے جاری بارشیں اور سیلاب ہیضے کے پھیلاؤ کا سبب بن رہے ہیں۔
واضح رہے کہ سوڈانی حکام نے ملک میں ہیضے کے مریضوں کی تعداد میں مستقل اضافے کی وجہ سے 12 اگست کو ہیضے کو وبا قرار دے دیا تھا۔
ملک میں جنگ کی وجہ سےایک طرف تو صحت کا نظام مؤثر طریقے سے کام نہیں کر رہا دوسری طرف وبائی امراض کا پھیلاؤ لوگوں کی زندگی کو مزید دشوار بنا رہا ہے۔
