شفقنا اردو: امریکہ کی قومی موسمیاتی سروس نے خبردار کیا ہے کہ خلیج میکسیکو سے ریاست فلوریڈا کی جانب آنے والا سمندری طوفان ملٹن گزشتہ 100 سالوں میں سب سے طاقتور ہو سکتا ہے۔
وفاقی اور مقامی حکام سمندری طوفان ملٹن کے بارے میں انتباہ جاری کر رہے ہیں، جو فلوریڈا کے ساحل کی طرف بڑھ رہا ہے اور اس کی رفتار 230 کلومیٹر فی گھنٹہ تک ہے۔
بیان میں کہا گیا ہے کہ اگر ملٹن اسی رفتار پر رہا تو یہ 100 سالوں میں ٹامپا بے سے ٹکرانے والا سب سے طاقتور سمندری طوفان ہوگا۔
بیان میں اندازہ لگایا گیا تھا کہ طوفان سے سب سے زیادہ متاثر ہونے والے علاقے 3 سے 4.5 میٹر تک زیر آب آسکتے ہیں جہاں سمندر کی بڑی لہریں اٹھ سکتی ہیں۔
فلوریڈا کے گورنر رون ڈی سانتوس نے اپنے تازہ ترین بیان میں کہا ہے کہ ریاستی حکومت سمندری طوفان ملٹن کے بعد سے نمٹنے کے لیے وسائل وقف کر رہی ہے۔
موسم پر نظر رکھنے والی ویب سائٹ ویدر چینل کا کہنا ہے کہ توقع ہے کہ سمندری طوفان بدھ کی رات یا جمعرات کی صبح امریکی ساحلوں تک پہنچے گا اور فلوریڈا کے گنجان آباد علاقے بشمول ٹامپا، سرسوٹا اور فورٹ مائرز کو متاثر کرے گا۔
نیشنل ہریکین سینٹر نے اطلاع دی ہے کہ سمندری طوفان ملٹن خلیج میکسیکو میں تیزی سے بڑھ رہا ہے اور بالآخر تیز رفتار ی سے کیٹیگری 4 تک آ گیا اور فلوریڈا کے ساحل کی طرف بڑھ رہا ہے۔
