امریکہ ریاستی انتخابات: ریاست ورجینیا اور نیو جرسی میں ڈیموکریٹس نے میدان مار لیا

شفقنا اردو: امریکا  میں  ریاستی انتخابات کے لیے بھی ووٹنگ ہوئی، ریاست  ورجینیا اور  نیو جرسی میں ڈیموکریٹس نے میدان مار لیا۔

ریاست ورجینیا میں گورنر اور لیفٹینینٹ گورنے کے لیے پولنگ کا وقت ختم ہوگیا، امریکی میڈیا کے مطابق ورجینیا میں ڈیموکریٹس نے تاریخی کامیابی حاصل کرلی۔

ایگزٹ پولز  کے مطا بق ڈیموکریٹ امیدوار ‘ایبی گیل اسپین برجر’ ورجینیا کی پہلی خاتون گورنر منتخب ہوگئیں۔

ورجینیا میں ہی ڈیموکریٹ پارٹی کی امیدوار غزالہ ہاشمی نائب گورنر منتخب ہوگئیں، غزالہ ہاشمی پہلی بھارتی نژاد اور پہلی مسلم نائب گورنر ہیں۔

غزالہ ہاشمی پچھلے برس اس ریاست کی دوسری بار سینیٹر بنی ہیں، انہیں ریاست کی پہلی مسلم اور جنوب ایشیائی امریکن خاتون سینیٹر  بننے کا اعزاز  بھی حاصل ہے۔

نیوجرسی میں گورنر کے انتخاب میں ڈیموکریٹ امیدوار ‘میکی شیرل’ کامیاب ہوگئیں۔ مائیکی شیریل کا مقابلہ ری پبلکن حریف اور ریاست کے سابق رکن اسمبلی جیک چیٹریلی سے تھا۔

 ریاست نیوجرسی کے شہر جرسی میں مصعب علی مئیر کا الیکشن لڑرہے ہیں۔

لاہور میں پیدا مصعب علی سن دو ہزار  میں والدین کے ساتھ جرسی سٹی منتقل ہوئے، نان الیون کے بعد مصعب کے والد کو نوکری سے نکال دیا گیا اور  انکی ٹیچر  والدہ کو حجاب کرنے  پر شدید تعصب کا نشانہ بنایا گیا۔

امریکی میڈیا کا بتانا ہے کہ اٹلانٹا کے میئر کے انتخاب میں آندرے ڈکنز دوسری مدت کے لیے میئر منتخب ہوگئے ہیں۔