: پاکستان نے سہ ملکی ٹی ٹوئنٹی سیریز کے پہلے میچ میں زمبابوے کو 5 وکٹوں سے شکست دے دی

شفقنا کھیل: پاکستان نے سہ ملکی ٹی ٹوئنٹی سیریز کے پہلے میچ میں زمبابوے کو 5 وکٹوں سے شکست دے دی۔

پاکستان نے زمبابوے کا 148 رنز کا ہدف با آسانی 5 وکٹوں کے نقصان پر آخری اوور میں حاصل کرلیا۔

راولپنڈی میں کھیلے گئے میچ میں پاکستان کے کپتان سلمان علی آغا نے ٹاس جیت کر زمبابوے کو بیٹنگ کی دعوت دی۔

پاکستان ٹیم میں صائم ایوب، صاحبزادہ فرحان، فخر زمان، بابر اعظم، سلمان علی آغا، عثمان خان، محمد نواز، فہیم اشرف، سلمان مرزا، شاہین آفریدی اور ابرار احمد شامل تھے۔

زمبابوے کی اننگز

پاکستان کےخلاف زمبابوے کا اغاز کافی اچھا رہا اور اوپنرز کے درمیان 72 رنز کی شاندار شراکت قائم ہوئی لیکن پھر مارومانی 30 رنز بناکر آؤٹ ہوگئے۔

زمبابوے کو دوسرا نقصان برینڈن ٹیلر کی صورت میں اٹھانا پڑا، وہ 14 رنز بناکر رن آؤٹ ہوئے۔اس کے بعد سیٹ بیٹر برائن بنیٹ 49 بناکر آؤٹ ہوئے۔

اس کے علاوہ ریان برل 8، کپتان سکندر رضا 34 رنز بناسکے۔زمبابوے نے مقررہ اوورز میں 8 وکٹوں پر 147 رنز بنائے۔

پاکستان کی جانب سے محمد نواز نے 2، صائم ایوب، ابرار احمد،سلمان مرزا اور شاہین آفریدی نے ایک ایک وکٹ لی۔

پاکستان کی اننگز

پاکستان نے زمبابوے کا 148 رنز کا ہدف 4 گیندوں قبل 5 وکٹوں کے نقصان پر حاصل کیا۔ فخر زمان 44 رنز کے ساتھ نمایاں رہے۔

صائم ایوب نے 22 اور صاحبزادہ فرحان نے 16رنز بنائے۔بابر صفر اور کپتان سلمان علی آغا ایک رن بناکر آؤٹ ہوئے۔

عثمان خان 37 اور محمد نواز 20 رنز بناکر ناٹ آؤٹ رہے اور پاکستان ٹیم کو جیت دلوائی۔

زمبابوے کی جانب صے بریڈ ایونز نے 2 کھلاڑیوں کو آؤٹ کیا۔

واضح رہے کہ سہ ملکی سیریز میں پاکستان، زمبابوے اور سری لنکا کی ٹیمیں حصہ لے رہی ہیں۔