پینٹاگون کی مشرق وسطی میں امریکی دستوں اور فوجی سازو سامان میں کمی بائیڈن انتظامیہ کی جانب سے خطے میں نئی ترجیحات کی طرف اشارہ واشنگٹن مشرق وسطی خاص طور پر سعودی عرب سےسے بعض اہم فوجی سازو سامان بشمول پیٹریاٹ میزائل واپس نکال رہا ہے۔ اسی طرح پینٹاگون کے مطابق امریکہ مشرق وسطی میں خاص طور پر عراق میں تعینات فوجی دستوں میں بھی کمی لا رہا ہے۔ اس کے ساتھ ساتھ کویت، عراق اور اردن سے بھی انخلا سے یہ بحث شروع ہوگئی ہے کہ امریکہ سعودی عرب کو ایران کے رحم وکرم پر چھوڑ کر کیوں جارہا ہے۔ ایران اور امریکہ 2018 کے ایٹمی معاہدے کی تجدید کے لیے کوشاں ہیں۔
ایران مختلف خطی تنازعات جیسا کہ یمن سے لبنان اور عراق سے شام تک سعودی عرب کے خلاف برسر پیکار ہے۔ 2019 میں حوثی انصارا للہ کے ایک ڈرون حملے میں سعودی عرب کے تیل کے ذخائر کو نقصان پہنچنے کے بعد امریکی صدر ڈونلڈ ترمپ نےسعودی عرب میں امریکی میزائل سسٹم ںصب کر دیا تھا جس کا مقصد سعودی دفاع کو مضبوط بنانا تھا۔ ایران اور سعودی عرب یمن میں ایک دوسرے کے خلاف برسرپیکار ہیں۔ ایڈورڈ ایرکس جو کہ سابقہ فوجی آفیسر اور میرین کوپ یونیورسٹی میں وار سٹڈٰیز کے شعبہ کے ساتھ منسلک ہیں کا کہنا تھا کہ امریکہ اپنی فوج کے انخلا سے ایران کو مثبت سیاسی پیغام دینا چاہتا ہے تاکہ دونوں ممالک میں کشیدگی میں کمی آئے اور ایٹمی معاہدے مٰٰیں واپسی کی راہ ہموار ہو۔
پروفیسر کا کہنا تھاکہ میں اس بات پر یقین رکھتا ہوں کہ یہ ایران کو مثبت پیغام کے لیے کیا گیا ہے ۔ میزائلوں کا ہٹا لینا درحقیقت ایران کو ساتھ لانے کی سفارتی کوشش ہے۔ ان کا یہ بھی کہنا ہے کہ 2019 میں سعودی عرب میں میزائلوں کی تنصیب مستقلا نہیں تھی بلکہ جزو وقتی تھی۔ اس کے علاوہ اٹرمپ انتظامیہ کا مقصد ایران کو حوثی انصار اللہ کی حمایت سے باز رکھنا اور سعودی عرب کو اپنی حمایت کا یقین دلانا بھی تھا۔ پروفیسر ایرکسن کا یہ بھی کہنا تھا کہ خلیجی خطے میں نصب پیٹریات اور تھاڈ میزائل ڈرونز اور کروز میزائلوں کے مقابلے میں مفید نہیں ہیں۔ حوثی انصار اللہ سعودی اثاثوں کو نشانہ بنانے کے لیے اکثر ڈرونز کا استعمال کرہیں اور امریکی سسٹم ان حملوں کے سامنے بے بس ہے۔
بائیڈن انتظامیہ کی سربراہی میں امریکہ سابق صدر باراک اوبامہ کی ایران پالیسی کو جاری رکھے ہوئے ہیں اور خلیج وسطیٰ میں تناؤ کم کرنے کی مستقل کوششوں میں مصروف ہے یہی وجہ ہے کہ بائیڈن انتظامیہ ایران کے ساتھ ایٹمی معاہدے کی بحالی اور ورکنگ ریلیشن شپ کی خواہاں ہے۔ اپنے فوجی سازو سامان کی واپسی سے امریکہ ایران کو یہ باور کرانا چاہتا ہے کہ اسے امریکہ سے کوئی خطرہ نہیں اس لیے ممکنہ طور پر ایران اس کو خیر سگالی کے طور پر لے گا اور ایٹمی معاہدے میں واپسی کی راہ ہموار ہوگی۔
جمہوری بائیڈن انتظامیہ نے اقتدار میں آتے ہی یمن میں امریکی مصروفیات کے خاتمے کا اعلان کرتے ہوئے سعودی عرب اور حوثیوں پر دباؤ ڈالا کہ وہ مذاکرات کے ذریعے اپنے معاملات حل کریں۔ اس کے علاوہ کشیدگی میں کمی کے لیے ایران اور سعودی عرب کے مابین بھی بات چیت کا عمل جاری ہے۔ اگر امریکی دستے اور فوجی سازو سامان سعودی عرب سے نکل جاتا ہے تو ممکنہ طور پر سعودی عرب ایران کے ساتھ مذاکرات کے لیے مزید تیار ہوجائے کیونکہ اب اس کو ایران کے خلاف امریکی حمایت شاید ہی حاصل ہو۔
پروفیسر ایرکسن کا کہنا تھا ک امریکی میزائلوں کی واپسی کا یہ مطلب ہرگز نہیں سعودی عرب روس سے ایس 400 میزائل سسٹم خریدے گا کیونکہ سعودی عرب کا تمام تر انحصار امریکی ہتھیاروں پر ہے اور وہ اس معاملے میں خود پر پابندیاں نہیں لگوا سکتا۔ نفتالی بینٹ کی نئی اسرائیلی حکومت بھی ایران کے ساتھ کشیدگی میں کمی چاہتی ہے جس ایک مقصد بائیڈن انتظامیہ کی خارجہ پالیسی کے ساتھ خود کو منطبق کرنا ہے ۔ سابقہ اسرائیل وزیر اعظم نتین یاہو ایران کے سخت مخالف تھے۔ خلیج وسطٰی سے انخلا پر اپنا رد عمل دیتے ہوئے پینٹا گون کا کہنا تھا کہ ابھی تک شام اور عراق میں ہماری افواج موجود ہیں اور وہ کہیں نہیں جا رہیں۔ پنٹا گون نے مزید کہا کہ حلیف خلیجی ممالک میں ابھی تک ان کے اڈے موجو دہیں اور ہم انہیں بند نہیں کر رہے ۔
امریکی محور چین
خلیج وسطیٰ سے امریکی انخلاخطی صورتحال سے زیادہ بین الاقوامی تصویر میں زیادہ بہتر بیٹھتا ہے۔ اس کو روس اور چین کے خلاف امریکہ کی نئی صف بندی بھی سمجھا جا سکتا ہے۔ امریکہ اس وقت چین کی جانب سے درپیش تزویراتی چیلنجز پراپنی توجہ مرکوزکررہا ہے اور اس کے لیے وہ دنیا دیگر حصوں سے اپنا فٹ پرنٹ کم کر رہا ہے۔ امریکہ جنوبی اور مشرقی بحیرہ چین کی جانب سے درپیش چیلنجز سے نمٹنا چاہتا ہے۔ مزید برآں پروفیسر ایرکنس کا کہنا ہے کہ ہم امریکی ذرائع کی محدودیت سے بھی بخوبی آگاہ ہیں ہمیں یہ بات ذہن میں رکھنی چاہیے کہ امریکہ کے پاس تھاڈ اور پیٹریاٹ میزائلوں کی محدود مقدار موجود ہے اور ہمیں یہ میزائل چین اور شمالی کوریا کے خلاف ضرورت پڑ سکتے ہیں۔
منگل، 22 جون 2021
شفقنا اردو
ur.shafaqna.com
چین بین الاقوامی پلیٹ فارمز جیسا کہ اقوام متحدہ وغیرہ پر فلسطینیوں کی مشکلات پر ہمیشہ آواز اٹھاتا رہا ہے لیکن معاشی اور خطی مفادات کی وجہ سے یہ بات طے ہے کہ چین کی فلسطین کےلیے یہ آواز بیان بازی سے بڑھ کر کچھ بھی نہیں۔ ڈونلڈ ٹرمپ کے دور حکومت میں ” امریکہ پہلے” جیسی خارجہ پالیسیوں کی وجہ سے امریکہ اقوام متحدہ جیسے بین الاقوامی اداروں سے خود کو پیچھے ہٹانا شروع ہوگیا جس کا فائدہ چین نے اٹھایا اور وہ بین الاقوامی معاملات جیسا کہ اسرائیل فلسطین تنازعے میں اقوام متحدہ میں امریکہ پر سبقت لے گیا۔ چین نے ہمیشہ خطی تنازعات اور زمینی و سیاسی دشمنیوں میں سائیڈ لینے سے گریز کیا ہے۔ خلیج وسطٰی کے ممالک کے لیے ایک محتاط خارجہ پالیسی کی وجہ سے چین نے مشرق وسطائی ممالک کے مختلف تنازعوں اور جنگوں جیسے معاملات میں اچھے تعلقات کمائے ہیں۔ اگر اسرائیل فلسطین تنازعے کی بات کی جائے تو چین کے یہودی ریاست کے ساتھ اچھے تعلقات ہیں تاہم اس نے دوسری جانب سفارتی سطح پر مغربی کنارے میں فلسطینی اتھارٹٰ اور غزہ کی پٹی میں حماس کے ساتھ تعلقات برقرار رکھے ہیں۔
مشرق وسطٰی کے امور کے ماہر ماہر چینی سکالر سن ڈیگانگ نے ایک مرتبہ لکھا کہ بیجنگ کی فلسطین کے حوالے سے پوزیشن اس کی اخلاقی سپریمیسی ہے جبکہ اسرائیل کے ساتھ تعاون کی سپریمیسی ہے ۔ سن ڈی گانگ کی بیان کردہ تعریف درحقیقت اسرائیل فلسطین تنازعے میں چین کی پوزیشن کی مکمل تصویر کشی ہے۔ اسرائیل اور فلسطین کے تنازعے میں متوازن اپروچ چین کی اولین ترجیح ہے ۔ سفارتی دروازے کھلے رکھنے کی وجہ سے نہ اسرائیل اور نہ ہی فلسطین چین کو یکسر نظر انداز کر سکتے ہیں۔
مودی سے زی تک
ماؤزے تنگ کے عہد میں چین نے مشرق وسطٰی میں اعلی سطح پر نظٰریاتی خارجہ پالیسی اپنائی جس میں انہوں نے جزیرہ نما عرب، مصر، لیبیا اور شام میں سامراج مخالف، عرب قومیت پرست ، مارکسسٹ حکومتوں اور الجیریا میں باغیوں کی حمایت کی۔ ثقافتی انقلاب کے دوران چین نے فلسطین لبریشن آرگنائزیشن کو اسلحہ بھی فراہم کیا۔ تاہم 1967 میں ماؤ کی وفات کے بعد چن نے کم نظریاتی انداز میں یہودی ریاست تک رسائی کا عمل شروع کر دیا جس کے نتیجے میں چین کی فلسطین حامی خارجہ پالیسی میں سفارتی اور استعاراتی بن کر رہ گئی۔ 1992 میں چین اور یہودی ریاست نے اپنے سفارتی تعلقات کو رسمی شکل دی اور چین اور اسرائیل کے مابین ٹیکنالوجی، دفاع ، سرمای کاری اور تعلیم کے شعبوں میں تعاون کا آغاز ہوگیا۔ دونوں ممالک کے مابین تعلقات اس قدر آگے بڑھ گئے تھے کہ مجبورا امریکہ کو اسرائیل کو یہ باور کرانا پڑا کہ وہ جنوبی ایشیائی طاقت کے ساتھ اپنے تعلقات کو تھوڑا ٹھنڈا رکھے۔
اس سب کے باوجود جب بھی فلسطینی ریاست کے گرد گھومتی سیاست کی بات آتی ہے تو چین اپننے مؤقف پر کھڑا دکھائی دیتا ہے۔ بین الاقوامی ضمیر کے ساتھ ، بیجنگ نے دوریاستی حل کی حمایت کی جس کے تحت اسرائیل کو 1967 کی سرحدوں پر واپس جانا پڑتا۔ چینی حکام اکثر اوقات فلسطینی سرزمین پر اسرائیلی قبضے اور یہودی بستیوں کی ناجائز تعمیر پر تنقید کرتے نظر آتے ہیں۔ مزید برآں چین حماس کو ایک جائز سیاسی گروپ سمجھتا ہے اور اس کو دہشت گرد تنظیم سمجھے پہ تیار نہیں اور بیجنگ اور تل ابیب کے مابین یہ ایک بڑی وجہ تنازع ہے۔ فلسطین کی عوام چین کی اس حمایت کو اکثر مواقع پر دیکھتی آئی ہے جیسا کہ گزشتہ برس اقوامی متحدہ میں چینی نمائندے ذانگ جون نے اقوام متحدہ کی سیکورٹی کونسل میں فلسطینیوں کے حقوق کے لیے آواز بلند کی تھی۔ حال میں مئی 2021 میں اسرائیل کی غزہ پر وحشیانہ جارحیت پر بھی بیجنگ نے اسرائیل کی سخت مزمت کی اور بائیڈن انتظامیہ سے مطالبہ کیا کہ وہ اس معاملے کے حل میں اپنا کردار ادا کرے کیونکہ اقوام متحدہ کے 15 رکن ممالک میں سے صرف ایک امریکہ تھا جس نے اس جارحیت کے خاتمے کو مخالفت کی تھی۔
فلسطین کو چین میں کیا نظر آتا ہے؟
فلسطینیوں نے ہمیشہ چین کے فلسطین حمایتی مؤقف کو سراہا ہے۔ جولائی 2019 میں حماس نے چین کی تعریف کی تھی کہ اس نے اسرائیل کی جانب سے یروشلم کے علاقے سر باہر میں فلسطینی گھروں کو مسمار کرنے پر اسرائیل کی سخت مزمت کی تھی جس پر چین نے اقوام متحدہ کے مستقل ممبران سے نمائندوں سے مطالبہ کیا کہ وہ اس نوٹس لیں اور فلسطینیوں کے خلاف تشدد پر آواز اٹھائیں۔ لیکن سوال یہ ہے کہ کیا حماس اور دیگر فلسطینی دھڑے چین کو محض بیان بازی سے آگے لے کر جاسکتے ہیں کہ وہ اس مسئلے پر دنیاکو متحرک کرے۔ ولسن سنٹر میں کام کرنے والے ماہرین جیسا کہ لوسل گریر کا کہنا ہے کہ چین فلسطین کے معاملے میں محض بیانات جاری کرتا ہے اور اسے آگے کچھ نہیں کیوں کہ اس کے اسرائیل کے ساتھ اچھے تعلقات ہیں۔
چین اسرائیل تعلقات کا مالی پہلو چین کے لیے فلسطین کی نسبت زیادہ اہمیت کا حامل ہے اور یہی وہ رکاوٹ ہے جو چین کو اس تنازع میں ایک متحریک کردار ادا کرنے سے روکتی ہے۔ بیجنگ میں بیٹھے حکام مشرقی بحیرہ روم میں اپنے وسیع تر مفادات کو مد نظر رکھتے ہیں جو کہ دولت مند، تعلیم یافتہ اور جدید ٹیکنالوجی سے مزین ہے اور یہ سب چین کے لیے بہت اہم ہے۔ مزید برآں بہت سارے اسرائیلی چین کو اچھی نظر سے دیکھتے ہیں۔ اس لیے فلسطین پر سیاسی اختلاف کے باوجود چین اسرائیل کے ساتھ چلنے پر تیار رہتا ہے۔
اس کے لیے چین فلسطین کے مسئلے میں امریکہ کو نیچا دکھا سکتا ہے اور اقوام متحدہ میں مسئلہ فلسطین پر امریکہ کو تنہا کردیتا ہے کیونکہ چین کا مؤقف تقریبا پوری دنیا میں تسلیم کیا جاتا ہے۔ دوسرا غزہ میں انسانی حقوق کی خلاف ورزیاں چین کو بھی یہ چھپر فراہم کرتی ہیں کہ وہ زنجیانگ میں مسلمانوں کے خلاف جرائم پر پردہ ڈال سکے جس کو حال ہی میں ایمنسٹی انٹرنیشنل نے انسانیت کے خلاف جرائم قرار دیا ے۔
اسرائیل اور فلسطین کے مابین پل
بعض اشارے یہ بتاتے ہیں کہ چین فلسطین اور اسرائیل کے درمیان ایک منصفانہ حل چاہتا ہے ۔ 2017 کے اواخر میں صدر زی جن پنگ نے فلسطینی اور اسرائیلی امن کاروں کے مابین ایک سمپوزیم کا انعقاد کیا تھا جب کہ اس طرح کے سمپوزیم 2003 اور 2006 میں بھی منعقد کیے گئے تھے۔ تاہم یہ بات کہنا مشکل ہے کہ چین امریکہ کی نسبت کچھ الگ کر رہا ہے جس طرح امریکہ دونوں ممالک کے مابین فریق ثالب بن کر اپنی اجارہ داری قائم رکھے ہوئے ہے چین بھی اسی طرح کا کردار ادا کر رہا ہے۔ کیونکہ اگر چین امریکہ کو مسئلہ فلسطین پر چیلنج کرتا ہے یا اسرائیل اور فلسطین کے مابین توازن کو چھیڑتا ہے تو اس سے بیجنگ اور تل ابیب کے مابیین تعلقات خطرے میں پڑ سکتے ہیں۔
اگر چین سفارتی طور پر یہ اس تنازع کو حل کرنے کی کوشش کرتا ہے اور ناکام ہوجاتا ہے تو اس طرح چین کی ابھرتی ہوئی طاقت کے خیال پر ایک گہری ضرب پڑ سکتی ہے۔ یہی وجہ ہے چین اس تنازع میں کبھی بھی پل کا کردار ادا نہیں کرسکتا اور چین کی تمام تر توجہ معاشی معاملات پر مرکوز ہے نہ کہ خطے میں پیدا ہونے والے تنازعات پر۔ جب اسرائیل کے ساتھ مل کر کام کرنے پر بات آتی ہے تو چین اپنے تعلقات کا زیادہ سے زیادہ فائدہ اٹھاکر دونوں فریقین کے مابین بات چیت کا سلسلہ شروع کر دیتا ہے۔ لیکن کوئی ایسی وجہ نہیں ک چین مستقبل میں اسرائیل پر فلسطین کے حوالے سے کسی قسم کا دباؤ ڈالے گا۔
اتوار، 20 جون 2021
شفقنا اردو
ur.shafaqna.com
ایران کے نومنتخب صدر سید ابراہیم رئیسی نے صحافیوں کو انٹرویو دیتے ہوئے کہا کہ ہم ملکی مسائل کو حل کرنے کی ضرور کوشش کریں گے۔ انھوں نے کہا کہ ہم عوام کے اندر مستقبل کے سلسلے میں پیدا ہونے والی امید کو بڑھائیں گے اور حکومت کے تئیں ان کے اعتماد میں روز بروز اضافہ ہوگا۔
سید ابراہیم رئیسی نے کہا کہ ہم ملک کے تمام عوام ، محترم امیدواروں اور سب سے بڑھ کر رہبر انقلاب اسلامی کا تہہ دل سے شکریہ ادا کرتے ہیں جنھوں نے نئی حکومت کی تشکیل کے لئے عوام کی بھرپور شرکت کی زمین ہموار کرنے میں کردار ادا کیا ۔
ایران کے نو منتخب صدر نے امید ظاہر کی ہے کہ پولنگ مراکز پر عوامی کی موجودگی آئندہ حکومت کی تشکیل میں نہایت موثر کردار ادا کرے گی۔
نئے اسرائیلی صدر نفتالی بینیٹ اپنے پیش رو نتین یاہو کے برعکس ایران کے خلاف سخت پالیسی ترک کر کے واشنگٹن کی طرز پر کم محاذ آرائی پر مبنی پالیسی کو اپنائیں گے۔ سابقہ اسرائیلی صدر نتین یاہو کے لیے جنگ کا آپشن ہر وقت مدنظر تھا کیونکہ ایران کے خلاف جنگی جنون سے وہ سیاسی مفادات حاصل کرتے تھے یہی وجہ ہے کہ انہوں نے متعدد بار ایران کو حملے کی دھمکی دی۔گذشتہ چند برسوں میں نتین یاہو ایران کی واشنگٹن اور دنیا کی دیگر طاقتوں کے ساتھ ایٹمی معاہدے کے سخت نقاد تھے۔ تاہم ایران کے خلاف اس سخت گیر موقف کو بالاخر تین انتخابات بعد شکست کا سامنا کرنا پڑا اور کینسٹ نے نفتالی بینیٹ کوفاتح قرار دے کر ان کی حکومت کی توثیق کر دی۔ نتین یاہو جنہوں نے واشنگٹن کو اپنی شکست کا ذمہ دار قرار دیا ہے اور واشنگٹن کو حماس اور ایران کا ہم پلہ قرار دے کر ان کو اسرائیل کے لیے خطرہ قرار دیا ہے ، کے برعکس نفتالی بینیٹ کی سربراہی میں چلنے والی نئی حکومت بائیڈن انتظامیہ کے ساتھ اپنی پالیسی کو منطبق کر رکے ایران کے معاملے میں اپنی پالیسی کو تبدیل کرنے کا عندیہ دیا ہے۔
کیا اسرائیل ایران کے حوالے سے نرم رویہ اختیار کرے گا؟
بین الاقوامی قانون کے ماہر ممتاز امریکی پروفیسر رچرڈ فالک کا کہنا ہے کہ مجھے توقع ہے بینیٹ حکومت ایران کے ساتھ ایٹمی معاہدے کے احیا کی مخالفت کرے گا۔ اس معاہدے کے احیا سے ایران پر مرحلہ وار پابندیوں کا خاتمہ ہوگا اورٹرمپ حکومت کی ایران پر زیادہ سے زیادہ دباو کی پالیسی کو ترک کیا جائے گا۔ان کا کہنا تھا کہ اگر ایران بائیڈن حکومت کی اعلی ترجیح ہوئی تو بینیٹ کسی صورت اس ڈیل کے احیا کی مخالفت کر کے اپنے سیاسی اثاثے کو داو پر نہیں لگائے گا۔ اور اس صورت میں اسرائیل کو ایران کے حوالے سے نرم رویہ اختیار کرنا پڑے گا۔
اسرائیل انٹیلی جنس کمیونٹی کے سابقہ ممبر یورم شوٹزر جو اس وقت نیشنل سیکورٹی سٹڈیز کے دہشت گردی اور کم درجے کی محاذ آرائی پروگرام کے سربراہ ہیں ، خیال کرتے ہیں نئی حکومت ایران کے حوالے سے اپنے موقف میں نرمی لائیں گی۔خاص کر مرکزیت پسند وزیر خارجہ یائر لپیڈ اور عمومی طور پر نفتالی بینیٹ کی حکومت ایران پر بات سے گریز کرے گی جس کا مقصد بائیڈن کی پالیسی کے ساتھ اسرائیلی پالیسی کو منطبق کرنا ہے۔ سابق اسرائیلی جاسوس نے مزید کہا کہ ایران کے معاملے پر خاموشی اختیار کرنے کے لیے بینیٹ حکومت کو خاموش رہنے کے لیےسخت اور خفیہ کوششیں کرنا ہوں گی۔ تاہم اس بات کا شائبہ ہے کہ اسرائیل کا ایران کی طرف نرم رویہ ایران کے خلاف کم بولنا مگر سابقہ پالیسیوں کو جاری رکھنا ہے۔ بائیڈن ایران کے حوالے سے پالیسی کا تعین کریں گے۔ لیکن اس بات کی بھی کوئی یقین دہانی نہیں ہے کہ امریکہ اور ایران کے مابین جلد کوئی معاہدہ طے پاجائے گا۔
فالک کو بھی دائیں بازو کے بینیٹ سے اسی طرح کی توقعات ہیں ، ان کا کہنا ہے کہ اسرائیل کی ایران کی جانب آزادانہ پالیسی سخت اور محاذ آرائی پہ ہی مشتمل رہے گی تاہم نتین یاہو کی نسبت وہ بیان بازی میں نرمی اختیار کریں گے۔ نتیجتا ماہرین اسرائیل کی ایران پالیسی میں زیادہ تبدیلیاں نہیں دیکھتے ۔ تاہم دیکھنا یہ ہے کہ بینیٹ کی حکومت میں شامل منصور عباس جو کہ یونائیٹڈ عرب کے رہنما ہیں اور فلسطینی سیاست دان ہیں، وہ کیا اثر ڈال سکتے ہیں۔ شویٹزر کا کہنا ہے کہ غالب امکان یہی ہے کہ ایران کے حوالے سے اسرائیل کی پالیسی میں کوئی تبدیلی نہیں آئے گی۔ شویٹزر کا کہنا تھاکہ اسرائیل کا ایران کے حوالے سے بنیادی موقف ہرگز تبدیل نہیں ہوگا کیونکہ دونوں ممالک کے مابین مشرق وسطٰی سے لے کر فلسطین اور حزب اللہ کی حمایت تک بہت سارے تنازعات موجود ہیں۔
اسرائیل کا سب سے بڑا مسئلہ
رواں ہفتے کینسٹ میں نتین یاہو اور نئی حکومت کے مابین ہونے والے سخت جملوں کے تبادلے سے یہ بات تو بالکل واضح ہے کہ تل ابیب کی سیکورٹی خدشات میں اول ترین خدشہ ایران ہے۔ نتین یاہو نے بینٹ پر الزام لگایا تھا کہ میں نے ایران سے متعلق بینیٹ کے خیالات کو سنا ہے اور میں یقین سے کہتا ہوں کہ بینٹ جو کہتا ہے وہ اس کے برعکس کرتا ہے۔ یاد رہے کہ نتین یاہو اور ان کی اہلیہ پر بدعنوانی کے الزامات ہیں۔ فالک کا کہنا ہے کہ یہ قدرتی بات ہے کہ بینیٹ کے لیے پہلا ٹیسٹ ایران ہوگا نہ کہ فلسطین۔ 1979 کے انقلاب کے بعد سے فلسطینی مسئلے پر ایران کے ملوث ہونے سے دونوں ممالک کے مابین سخت دشمنی کی فضا ہے۔ یائر لپیڈ جو کہ اسرائیل کے نئے وزیر خارجہ ہیں وہ ایران اور فلسطین کے مابین تعلق کے باخوبی آگاہ ہیں۔
گزشتہ برس ایک اعلی سطحی کانفرنس نے یائر نے سوال کیا تھا کہ کیا ہم ایران کے مسئلے کو فلسطین سے الگ کر کے دیکھ سکتے ہیں۔ انہوں نے اس موقع پر نتین یاہو کے فلسطین پر سخت مؤقف پر بھی تنقید کرتے ہوئے کہا تھا کہ فلسطینیوں کو ان کے حقوق کو محروم رکھنے سے ایران اسرائیل کے لیے مسائل پیدا کرسکتا ہے۔ اور میں اس بات پر یقین رکھتا ہوں کہ مسئلہ ایران پر کسی بھی بریک تھرو کا انحصار فلسطین کے مسئلے پر ہے۔ یائر نے مزید کہا تھا کہ ہمیں فلسطین سے سفارتی معاہدے کے لیے آگے بڑھنا چاہیے اور تہران کے ساتھ مشترکہ مفادات سے بات چیت کا آغاز کرنا چاہیے۔
نتین یاہو کیا سوچتے ہیں؟
نتین یاہو جو کہ لکوئیڈ پارٹی کے سربراہ ہیں اور اس وقت بڑے اپوزیشن رہنام ہیں نے حکوت پر الزام لگایا ہے کہ نئی حکومت بائیڈن کی پالیسی کے ساتھ چل کر اسرائیل کی سیکورٹی کو داؤ پر لگا رہی ہے۔ اسرائیل وزیر اعظم کو ایسے مسئلے پر جس سے اسرائیل کی بقا کو خطرہ ہو یک بینی ودو گوش نا بول دینی چاہیے۔ نتین یاہو کا اشارہ ایران امریکہ ایٹمی معاہدے کی طرف تھا۔ جب 2015 میں ایران اور دنیا کی بڑٰ طاقتوں بشمول امریکہ کے مابین ایٹمی معاہدہ ہوا تھا تو نتین یاہو نے امریکی کانگریس سے خطاب کرتے ہوئے اس معاہدے کی شدید مزمت کی تھی۔ نتین یاہو کی تقریر نے اوبامہ انتظامیہ کو خفگی سے دوچار کر دیا تھا۔ نتین یاہو نے مزید کہا کہ بینیٹ حکومت امریکی مخالفت کے قابل نہیں ہے اور نہی اس میں امریکی مخالفت کی جرات ہے۔
نتین یاہو کی طرح بینیٹ بھی اس ڈیل کے خلاف تھے اور کہتے تھے کہ ایران کے ساتھ ایٹمی ڈیل کا احیا بہت بڑی غلطی ہے تاہم حلف اٹھانے کے دو گھنٹے بعد انہوں نے جوبائیڈن سے فون پر بات چیت کرتے ہوئے امریکہ کو تمام خطی اور سیکورٹی معاملات بشمول ایران پر اپنے تعاون کی مکمل یقین دہانی کروائی۔ جس سے ثابت ہوتا ہے کہ دونوں ممالک اپنی خارجہ پالیسی کو منطبق کرنا چاہتے ہیں۔
ایران کا رد عمل
تہران ایران کے ساتھ جلد تعلقات کی بحالی کی توقع نہیں کرتا۔ شیوٹزر کے مطابق چونکہ ایران کے حوالے سے اسرائیل کی سیاست میں کوئی حقیقی تبدیلی نہیں آئے گی اس لیے تہران کے دل میں تل ابیب کی دشمنی اسی طرح باقی رہے گی اس لیے کوئی ملک بھی اپنی حکمت عملی تبدیل نہیں کرے گا۔ ایران کے دشمن مٹٰی میں مل گئے ہیں اور ایران ابھی تک قائم ہے۔ ایران کے وزارات خارجہ کے ترجمان سعید خطیب زادہ کا کہان تھا کہ میرا خیال نہیں کہ ایران کے حوالے سے اسرائیل کی پالیسی میں کوئی تبدیلی آئے گی۔ نتین یاہو کے مطابق ایران اس بات کی خوشی منا رہا ہے کہ اس کی جان اسرائیل کے طویل عرصے تک حکومت کرنے والے وزیر اعظم سے جان چھوٹ گئی ہے کیونکہ وہ یہ سمجھتے ہیں اب اسرائیل میں ایک کمزور حکومت آگئی ہے جو کہ بین الاقوامی برادری کے احکامات کے مطابق عمل کرے گی۔
بدھ، 16 جون 2021
شفقنا اردو
ur.shafaqna.com
غزہ اور مغربی کنارے پر صیہونی ریاست کے ظالمانہ تشدد سے پوری دنیا میں مظاہروں کا سلسلہ شروع کر دیا اور اس کے ساتھ ساتھ فلسطینی مزاحمت نے ان احتجاجوں کو ایک نئی جہت عطا کی جبکہ بعض حلقوں نےاسے تیسرے انتفادہ کا نام بھی دیا۔دوسری جانب مغربی سامراجی قوتوں اور مسلمان ریاستوں بشمول پاکستان نے سوائے تشدد کے خاتمے کے بیانات جاری کرنے کے علاوہ کچھ نہیں کیا۔ جس سے ہمیں یہ بات سمجھ میں آئی کہ ہمارے حکمران بھی اسرائیل ساتھ شریک جرم ہیں۔ سخت تناو میں ہونے والا یہ سیز فائر پوری دنیا کی مقبول قوتوں کی ایک چھوٹی سی فتح ہے۔تاہم یہ بات ہرگز نہیں بھولنی چاہیے کپ غزہ پر اسرائیلی حملوں میں تعطل کا مطلب ہرگز نہیں کہ مقبوضہ قوت فلسطینیوں کی روزانہ کی بنیاد پر تذلیل کا عمل بند کردے گی۔ شیخ جراح اور مغربی کنارے کے نواح میں یہودی آبادکاریوں کا سلسلہ بلا تعطل جاری ہے۔
فلسطینی عوام 1880 سے مشکلات کا شکار ہیں اور اس کی وجہ 1916 کا بیلفور اعلامیہ تھی جس کا نتیجہ 1948 میں مغربی طاقتوں کی جانب سے فلسطین کے ساتھ اسرائیل کا زبردستی الحاق تھا۔ 1967 میں عرب ریاستوں کی اسرائیل کے ساتھ جنگ میں بدترین شکست کے بعد اسرائیل نے غزہ اور مغربی کنارے کو ایک منظم اپارتھائیڈ کا نشانہ بنایا ہے۔ جب فلسطینی عوام نے دونوں انتفادہ 1987 تا 1993 اور 2000 تا 2005 کے دوران سخت مزاحمت کی تو نتیجے میں اسرائیل نے ان کا قتل عام شروع کر دیا۔ گزشتہ 73 برسوں سے مغربی سامراجیت اور کٹھ پتلی مسلمان حکمرانوں بشمول پاکستان نے فلسطینی قومی آزادی کی جدوجہد کو کچلنے کے لیے صیہونی مظالم کا پس پردہ ساتھ دیا ہے۔ اس حوالے سے صرف 1950 سے 1970 کا عرصہ منفرد تھا کیونکہ اس دوران بین الاقوامی انقلابیت کا عمل اپے عروج پر تھا اورپوردی دنیا میں نو آبادیات سامراجی اور سرمایہ دار آقاؤں سے آزادی طلب کر رہی تھی ۔
بدقستمی سے پاکستان اور دیگر مسلم ممالک نے فلسطین کاز کی اسی طرح حمایت کی جس طرح انہوں دیگر سامراجیت مخالف کازز کی کی تھی جیسا کہ ہو چی منہ کی سربراہی میں ویتنام کی قومی آزادی کی تحریک کی حمایت، احمد بن بیلا کی سربراہی میں الجیریا کی آزادی کی تحریک ، پیٹرس لوممبا کی کوششوں سے کانگو کی آزادی کی تحریک اور چی گویرا اور فیدل کاسترو کی کیوبا کے انقلاب کی تحریک کی حمایت وغیرہ۔ جبکہ دوسری جانب پاکستان کی نوجوان نسل کے ذہن میں یہ بات راسخ کر دی گئی ہے کہ تمام سیاسی مقاصد کو مسلمان آئینے میں دیکھنا چاہیے۔ حقیقت یہ ہے کہ پاکستان کی اسٹیبلشمنٹ سرد جنگ کے دوران مغربی سامراجیت کے ساتھ کھڑی رہی ہے۔ پاکستان نے افغانستان، فلسطین اور دیگر مسلم اکثریتی علاقوں میں دائیں بازو کے انتہا پسندوں کی سرپرستی کی تاکہ بائیں بازو کی ترقی پسند تحریکوں کا رستہ روکا جاسکے۔
درحقیقت پاکستان کی اسٹیبلشمنٹ ، اس کی بڑی سیاسی جماعتوں اور اس کی راسخ العقیدہ انٹلیجینشیا تذلیل اور استحصال کے سیاسی و معاشی نظام کے ساتھ ایمانداری سے جڑے ہیں اور یہ دراصل آباد کنندہ نوآبادیت کی ہی قسم ہے۔ سابقہ فاٹا، سندھ، گلگت بلتستان ، بلوچستان اور ایسے شہری علاقوں کا تصور ذہن میں رکھیں جس کو ملک ریاض جیسے بزنس ٹائیکون پاؤن تلے روند دیتے ہیں، کیا یہ سب آباد کنندہ نوآبادیات کا حصہ نہیں۔ سرمایہ دارانہ سامراج کے مقامی اور بین الاقوامی اظہار کے مابین چلتا یہ نظام درحقیقت فلسطین کی قومی جدوجہد کی نفی ہے اسی اثنا میں اگر دیکھا جائے تو اسرائیلی دہشت گردی کے خلاف علامتی مزاحمت کا اظہار دراصل اسرائیل میں بسنے والے یہودیوں کی جانب سے ہی کیا جاتا ہے۔ اگر ماضی پر نظر دوڑائی جائے تو ہم دیکھتے ہیں کہ کس طرح جنگی جنون میں مبتلا امریکہ کو اپنے ملک میں جاری مقبول بغاوتی تحریک کی وجہ سے ویتنام سے نکلنے پر مجبور کر دیاگیا تھا۔
حتی کہ سرد جنگ اور نظریاتی جنگ کے اختتام پر جنوبی افریقہ میں اپارتھائید کے خلاف ترقی پسندوں کے خیالات کا پرچار پوری دنیا میں ہوتا نظر آیا۔ الغرض 1994 میں ایک عالمی جدوجہد جس نے سفید اکثریت افریقن حکومت کو اسکے گھٹنوں پر جھکنے پر مجبور کر دیا اور نیلسن منیڈٰال اور ان کی افریقن نیشل کانگریس نے ملک کی باگ ڈور سنبھال لی۔ 21 ویں صدی کی تیسری دہائی میں فلسطین انسانی ضمیر پر سب سے بڑا دھبہ ہے۔ آج فلسطین کی آزادی کے لیے کھڑے ہونے کا مطلب دراصل تمام مقاصد کے لیے ، تمام طبقوں کی آزادی ، نسلی اور قومی جبر و بربیرت کے خؒلاف کھڑا ہونا ہے. آج بھی افریقہ دنیا کے سب سے بڑا غیر غیر منصفانہ اور عدم مساوات پر مشتمل معاشرہ ہے۔ پاکستان بھی دنیا کی سب سے زیادہ عسکری پسند اور نیو کالونیل ریاست ہے۔ اس کے ساتھ ساتھ سرمایہ دارانہ سامراجیت پوردی دنیا میں کام کرنے والے افراد کا بلا تفریق استحصال کر رہی ہے۔ جب تک ہم سب آزاد نہیں ہوجاتے تب تک ہم میں سے کوئی بھی آزاد نہیں۔
پیر، 14 جون 2021
شفقنا اردو
ur.shafaqna.com
ایک اور واقعے میں بھارت میں غیر ایک غیر مجاذ شخص سے ایٹمی مواد کی برآمدگی نے بھارتی میڈیا کی ہیڈلائنز میں نمایاں جگہ پائی مگر بین الاقوامی میڈیا نے اسے مکمل طور پر نظر ا داز کر دیا۔ 4جون 2021 کو بھارتی میڈیا نے رپورٹ کیا کہ حکام نے مشرقی ریاست جھاڑ کھنڈ سے سات افراد کو گرفتار کر کے ان کے قبضے سے 4۔6 کلوگرام یورینیم برآمد کی۔ ایک مہینے میں یہ دوسری مرتبہ ہے کہ بھارتی حکام نے ایک ایسے گینگ کو گرفتار کیا جو غیر قانونی طریقے سے یورینیم بیچنے کی کوشش کی ہے۔ اسی طرح کا ایک حادثہ مئی 2021 میں رپورٹ کیا گیا تھا جس میں ایک شخص 7 کلو گرام یورینیم بلیک مارکیٹ میں فروخت کرنے کی کوشش کر رہا تھا۔ بھارتی حکام اس بات پر یقین رکھتے ہیں کہ یہ ایک بڑا گینگ ہے جو یورینیم کی غیر قانونی تجارت کرنا چاہتا ہے۔
یہ بہت سنجیدہ معاملہ ہے کیونکہ اس کا مطلب دو چیزیں ہیں پہلی چیز بھارت کا مقامی یورینیم ریزرو اور ریڈیو ایکٹو نیوکلیر میٹریل ہےاور اس کی ایٹمی سہولیات کا محفوظ نہ ہونا ہے اور پھر بلیک مارکیٹنگ کے لیے آسان شکار ہونا ہے۔ دوسرا یہ صورتحال تب پیدا ہوئی ہے کہ بھارت ایٹمی مواد کی حفاظت کے بین الاقوامی قوانین کا پابند نہیں ہے جیسا کہ اقوام متحدہ کی قرارداد 540 اور آئی اے ای اے کے قانون سی پی پی این ایم جو کہ ایٹمی مواد ، ایٹمی ریزروز اور سہولیات کی حفاظت کے متعلق ہے اس کا پابند نہ ہونا ہے۔لیکن اس سارے کھیل میں سب سے خطرناک چیز بین الاقوامی دنیا کا امتیازانہ رویہ ہے جو کہ بھارت کی جانب سے ایٹمی قوانین، طور طریقوں اور ریگولیشنز کی خلاف ورزی ،پر خاموش تماشائی بنی ہوئی ہے۔ دنیا نے بھارت کے ایٹمی اثاثوں کے تحفظ پر مکمل خاموشی اختیار کر رکھی ہے۔
اگرچہ ان دونوں واقعات میں یورینیم قدرتی حالت میں ملی ہے جو کہ بم بنانے کے لیے استعمال نہیں ہو سکتی تاہم یہ بہت خدشے کی بات ہے کیوں کہ قدرتی حالت میں بھی یورینیم کو روایتی دھماکہ خیز مواد کے لیے استعمال کیا جا سکتا ہے۔مزید بر آں بھارتی حکام اس بات پر غور کر رہے ہیں کہ یہ ایک مقامی گینگ ہے جو کہ یورینیم کی غیر قانونی سپلائی میں ملوث ہے۔ اس سے یہ سوال پیدا پوتا ہے کہ اب تک بلیک مارکیٹ میں کتنی یورینیم فروخت ہو چکی ہے۔یہ تو وہ حادثات ہیں جو کہ میڈیا نے رپورٹ کیے پیں مگر ایسے کوئی واقعات ہوں گے جن رپورٹ ہی نہیں ہوئے ہوں گے۔ یہ گینگ اس علاقے سے گرفتار ہوا ہے جہاں جھاڑ کھنڈ کی یورینیم کی کانیں موجود ہیں جس سے نان سٹیٹ ایکٹرز کے ملوث ہونے کو نظر انداز نہیں کیا جا سکتا۔
یہ واقعات بین الاقوامی سیکورٹی اور استحکام کے لیے بہت خطرناک ہیں کیونکہ بلیک مارکیٹ میں فروخت ہونے والا یہ مواد نان سٹیٹ ایکٹرز کے علاوہ ایٹم بم کی تیاری کی خواہاں ممالک بھی خرید سکتے ہیں۔ بدقسمتی سے اس موقع پر ایٹمی مواد کے پھیلاؤ کے لیے کی جانے والی تمام تر کوششوں کو نقصان پہنچے گا۔ بھارت کے سی پی پی این ایم کے مبمبر ہونے کے باوجود ایٹمی مواد کے اس طرح بار بار مارکیٹ میں پھیلاؤ انہتائی خطرے کا سبب ہے۔ سی پی پی این ایم ک علاوہ بھارت نے اقوام متحدہ کی قرارداد نمبر 1540 پر بھی دستخط کیے ہیں جس کے تحت ریاستوں کے لیے لازم ہیں کہ وہ ایٹمی مواد کی سیکورٹی ، ریگولیشن، میکانزم، اور سامان کی ہر طرح سے حفاظت یقینی بنائیں تاکہ ایٹمی ہتھیار نا سٹیٹ ایکٹرز کی دسترس سے محفوظ رہیں۔ لیکں حیران کن طور پر اب تک اقوام متحدہ یا کسی اور بین الاقوامی ادارے نے اس بات کا نوٹس تک نہیں لیا بلکہ بھارتی حکومت نے ان واقعات پر بھر پور انداز میں پردہ ڈالنے کی کوشش کی ہے۔ اس طرح کے واقعات بھارت میں بار بار وقوع پزیر ہورہے ہیں۔ یہ واقعات، 2003، 2008، 2009، 2013، 2016 ، 2019 اور پھر 2021 میں رپورٹ ہوئے۔
نیوکلیر سیفٹی اور سیکورٹی کسی بھی ریاست کا اندرونی معاملہ ہے تاہم یہ ہتھیار جس طرح کے بڑا نقصان پہنچانے کی صلاحیت رکھتے ہیں اس حساب سے یہ مقامی نہیں بلکہ بین الاقوامی خدشے کا سبب ہے۔ خاص طو رپر جس طرح بعض ریاستوں پر تنقید کی جاتی ہے اور بعض کی تعریف اور جس طرح ان کو نوازا جاتا ہے اس تناظر میں یہ واقعات بہت اہم ہیں۔ اس حوالے سے بھارت ایک منفرد کیس ہے کیونکہ جہاں نیوکلیر سپلائر گروپ مستقبل میں اس طرح کے واقعات کی روک تھام کی بات کرتا ہے وہیں پریہ 1974 میں بھارت کے ایٹمی دھماکے کو پر امن دھماک قرار دیتا ہے۔ بدقسمتی سے اسی نیوکلیر سپلائر گروپ نے کچھ سال قبل بھارت کو نیوکلیر برآمدات کی اجازت بھی دی تھی۔
مزید برآں بھارت کو دیگر معاہدوں مثلا میزائل ٹیکنالوجی کنٹرول رجیم آسٹریلیا گروپ اور وسینار ارینجمنٹ کا حصہ بھی بنایا گیا ہے۔ اگرچہ یہ فیصلے زمینی و خطی حقائق کو مدنظر رکھ کر کیے گئے ہیں کیونکہ مغرب چین کے خلاف بھارت کو توازن سمھتا ہے اس لیے اس نے بھارت کو مکمل آزادی دے رکھی ہے۔ حتی کہ امریکہ سے جاری ایک نیوکلیر سیکورٹی انڈیکس کے حوالے سے جاری ایک رپورٹ کے مطابق بھارت پاکستان کے مطابق میں ایٹمی مواد کے حوالے سے بہت ہی غیر محفوظ ملک ہے۔ کیونکہ حال ہی میں ایٹمی مواد کی چوری کے بے تحاشا واقعات بھارت میں رپورٹ ہوچکے ہیں تاہم بھارت پھر بھی بے شرمی سے نیوکلیر سپلائر گروپ کا حصہ بننے کا خواہاں ہے۔
ایٹمی مواد کی مسلسل چوری کے واقعات نے بھارت کی ایٹمی سیکورٹی کی قلعی کو کھول کر رکھ دیا ہے۔ اگر مستقبل میں اقوام متحدہ کی قرارداد 540 اور سی پی پی این ایم جیسے قوانین بھارت پر سختی سے لاگو نہیں کیے جاتے تو نہ صرف جنوبی ایشیا بلکہ پوری دنیا کی سیکورٹی کو خطرات لاحق ہیں۔ مزید برآں بین الاقوامی عدم پھیلاؤ جیسے الفاظ بھارت جیسے ممالک کے لیے بے اثر ہیں کیونکہ جس طرح بھارت کے معاملے پر خاموشی اختیار کی جارہی ہے اس سے دنیا کا امتیازانہ رویہ واضح طور پر نظر آرہا ہے۔ اس تمام عمل سے یوں بھی لگتا ہے کہ دنیا نے اس حوالے سے جان بوجھ کر آنکھیں بند کر رکھی ہیں اور کی واضح مثال نیوکلیر عدم پھیلاؤ کی گزشتہ دو سالوں میں کسی میٹنگ کا نہ ہونا ہے اور نہ ہی یہ میٹنگ اس سال منعقد ہوگی۔
اتوار، 13 جون، 2021
شفقنا اردو
ur.shafaqna.com
جنوبی ایشیا میں چین سرمایہ کاری کے لیے دوسری بڑی منزل ہے۔ سری لنکا کی بندرگاہ ہمنبٹوٹا کے سانحے کی طرف اشارہ کرتے ہوئے، تنقید نگار کہتے ہیں کہ چین کا بنگلہ دیش پر بڑھتا ہوا انحصار ملک کو چین کے قرضے کے جال میں جکڑ لے گا۔کیا بنگلہ دیش واقعی چین کے قرضوں کے جال میں جکڑا جائے گا۔ بنگلہ دیش 2015 میں کم آمدن والےمتوسط ممالک میں شامل ہوا جبکہ بنگلہ دیش نے دوسری مرتبہ کم تر ترقی یافتہ ملک کے معیار کو حاصل کرنے کے قریب ہےاور اگر پر چیز درست سمت میں جاری رہی تو بالاخر 2026 میں بنگلہ دیش ترقی یافتہ ممالک کی صف میں شامل ہوجائے گا۔ اسی طرح سری لنکا 1997 میں متوسط آمدن والا ملک بن گیا۔ اس وقت سری لنکا غلط پالیسیوں کی وجہ سے معاشی مشکلات کا شکار ہے۔
حال ہی میں بنگلہ دیش قرض میں پھنسے سری لنکا کو 200 ملین ڈالر فراہم کرے گا تاکہ وہ زر مبادلہ کے ذخائر کو بہتر بنا سکے۔ بلا شبہ یہ بنگلہ دیش کے لیے فخر کی بات ہے۔ اس کے ساتھ ساتھ بنگلہ دیش کو معاشی بحران سے بچنے کے لیے سری لنکا سے سبق سیکھنا چاہیے۔ بنگلہ دیش اور سری لنکا کے یکساں معاشی کمزور نکات ہیں۔ دونوں مالک میں ٹیکس اور جی ڈی پی کی نسبت متوقع فیصدی سے کم ہے۔ دنوں ممالک کی معیشت ایک ہی پیداوار پر کھڑی ہے مثال کے طور پر بنگلہ دیش کی معیشت کا انحصار ریڈی میڈ گارمنٹس پر ہے جبکہ سری لنکا کی تمام تر معیشت کا انحصار سیاحت پر ٹکا ہے۔ بنگلہ دیش کے لیے اچھی خبر ی ہے کہ اگرچہ سری لنکا معیشت کی بہتری کے لیے جدوجہد کر رہا ہے لیکن بنگلہ دیش کے پاس مستقبل کے چیلنجز کے لییے بہت وقت پڑا ہے۔
فوائد جیسا کہ شرح سود میں کمی، طویل رعایتی مدت کے ساتھ بنگلہ دیش مختلف دہندگان تنظیموں جیسا کہ ورلڈ بنک ، آئی ایم ایف ، جاپان بین الاقوامی تعاون کی ایجنی وغیرہ سے کم ترقی یافتہ ملک ہونے کی وجہ سے امداد حاصل کرتا ہے اور یہ مدد اسے 2 فیصد سے بھی کم شرح سود پر ملتی ہے۔ اور اس کے ساتھ ساتھ ان کا عرصہ بھی بہت طویل ہوتا ہے یعنی اکثر اوقات پچیس سے چالیس سال اور رعایت مدت عموما دس سے بارہ سال کے عرصۃ پر محیط ہوتی ہے۔ 2027 کے بعد بنگلہ دیش کو بلند شرح سود ادا کرنا پڑے گا۔ جیسا کہ سری لنکا ایک متوسط آمدن والا ملک ہے اس لیے اس کو قرض دینے والے ممالک کی جانب سے زیادہ بلند شرح سود ادا کرنا پڑتی ہے اور اس کی رعایتی مدت بھی کم ہوتی ہے۔ اس کے علاوہ سری لنکا بین الاقوامی مارکیٹ سے چھ فیصد سود پر بانڈز کے ذریعے ادھار لیتا ہے۔ سری لنکا کے مرکزی بنک کے مطابق سری لنکا کی جانب سے بانڈز پر ادھار لی جانے والی رقم اس کے بیرونی قرضوں کا پچاس فیصد ہے۔
ڈونر ایجنسیوں کی جانب سے لیے جانے والے قرض اور آزادانہ بانڈز کی مد میں لیے جانے والے قرض میں ایک بہت بڑا فرق موجود ہے۔ ڈونر ایجنسیاں کم شرح سود اور طویل عرصے کے لیے قرض دیتی ہیں اور اس قرض کی شرائط بھی نرم ہوتی ہے جبکہ مدت رعایت بھی دس سے بارہ سال پر محیط ہوتی ہے۔ اس قرض کی دوبارہ ادائیگی اگلے تیس سے چالیس سال کے دوران ہوتی ہے۔ دوسری جانب بانڈز کے زریعے قرض کی شرح سود بلند ، کم مدت اور رعایتی عرصہ بھی مختصر ہوتا ہے۔ عام طورپر یہ قرض دس سال کے اندر ادا کرنا ہوتا ہے اور اس کے ساتھ ساتھ پہلے دن سے ہی سود کی رقم بھی ساتھ ہی ادا کرنا پڑتی ہے۔
بنگلہ دیش کو کم ترقی یافتہ ملک سے ترقی یافتہ ممالک کی فہرست میں شامل ہونے کے لیے درست منصوبوں کی ضرورت ہے۔ یہ منصوبے ترقی کے پروجیکٹس کے لیے بھی لازم ہیں بصورت دیگر مستقبل میں بنگلہ دیش کو سری لنکا کی طرز کے معاشی بحران کا سامنا ہوسکتا ہے۔ یہاں ایک غلط فہمی پائی جاتی ہے کہ بنگلہ دیش بیرونی قرضون کے نیچے دبا ہوا ہے۔ لیکن حقیقت اس کے بالکل برعکس ہے۔ معاشی تعلقات کے ڈپارٹمنٹ کی رپورٹ کے مطابق بنگلہ دیش پر واجب قرض کی رقم 4409 کروڑ امریکی ڈالر کے لگ بھگ ہے جو کہ بنگلہ دیشی ٹکہ کے مقابلے میں 374898 کروڑ کے برابر ہے۔ ان اعداد و شمار کے مطابق بنگلہ دیش کے ہر فرد پر 23425 بنگلہ دیشی ٹکے قرض ہے۔
آئی ایم ایف اور عالمی بینک کے معیاد کے مطابق، کسی بھی معیشت کے لیے یہ خطرناک ہے کہ اس کا بیرونی قرض اس کی جی ڈی پی سے 40 فیصد بڑھ جائے۔ تاحال بنگلہ دیش کا کل بیرونی قرض اس کی جی ڈی پی کا 15 فیصد ہے جو کہ خطرے کی حد سے بہت دور ہے ۔ دلچسپ بات یہ ہے کہ دنیا کا سب بے بڑا بیرونی قرض امریکہ پر ہے جو کہ اس کی جی ڈی پی کا 102 فیصد ہے تاہم ڈالر کے استحکام کی وجہ سے ملک کی معیشت مضبوط ہے۔ بنگلہ دیش کے خلاف ایک پروپیگنڈا یہ بھی ہے کہ یہ چین کے قرض تلے دبا ہے اور اس کے نتائج سری لنکا کی طرزپر نکلیں گے ۔ حالیہ مالی سال میں بنگلہ دیش نے ورلڈ بینک سے 38 فیصد، ایشیائی ترقیاتی بنک سے 24فیصد، جاپان سے 17 فیصد ، چین سے 3 فیصد اور بھارت سے ایک فیصد قرض لیا ہے ۔2016 میں بنگلہ دیش اور چین نے اپنے تعلقات کو سٹریٹیجک پارٹنر شپ میں بدل دیا ۔ حالیہ عرصہ میں ایشیاکے دیگر علاقوں کی طرح چین بنگلہ دیش کو تیزی سے فنڈ کر رہا ہے جو کہ بنگلہ دیش جیسی ابھرتی ہوئی معیشت کے لیے بہت مفید ہے۔ اب اس صورتحال میں یہ کہہ دیناکہ بنگلہ دیش چین کے قرضون کے بوجھ تلے دب رہا ہے محض پروپیگنڈا ہے۔
ہفتہ، 12 جون 2021
شفقنا اردو
ur.shafaqna.com
افغانستان میں داخلے کے بیس برس بعد، امریکہ جنگ زدہ افغانستان کو چھوڑنے پر تیار ہے۔ ان دو دہائیوں میں امریکہ افغانستان مین قریبا 2 ٹریلین روپے تین مقاصد کے لیے خرچ کیے، ان مقاصد میں فوج کے موجودگی، افغان فوج اور پولیس کی تربیت اور جمہوری اداروں کا قیام شامل تھے۔ اس عمل میں 2000 کے قریب امریکی فوجی جان سے ہاتھ دھو بیٹھے۔ افغانستان میں تعینات امریکی فوجیوں کی تعداد 775000تھی۔ ان میں سے تیس ہزار نے پانچ سال سے زائد افغانستان میں خدمات سر انجام دیں۔ اتنے بڑے پیمانے پر فوجی دستوں کی تعیناتی سے نہ صرف ان کی اپنی ذات بلکہ پیچھے ان کے خاندانوں کو بھی شدید اذیت کا سامنا کرنا پڑا۔
دوسری جانب اس جنگ یں کئی ہزار افغان فوجی بھی اپی جانتیں گنوا بیٹھے جبکہ سویلینز کی بھی ایک بہت بڑی تعداد اس جنگ کا ایندھن بن گئی اور جو لوگ زخمی یا معذور ہوئے ان کا کوئی شمار ہی نہیں۔ اس سے قبل ہم اس بات پر بحث کریں کہ گیارہ ستمبر میں امریکہ کی اس خطے سے رخصتی کے بعد کیا ہوگا ہمیں ایک دفعہ ماضی میں ضرور جانا چاہیے۔ دسمبر 1979 میں کرسمس کے موقع پر سویت یونین نے افغانستان پر حملہ کر دیا اور دعوٰی کیا کہ اس نے افغانستان کو فتح کر لیا ہے۔ اس جنگ میں امریکہ نے براہ راست روس سے پنگا نہیں لیا کیونکہ دنوں ایٹمی قوتیں تھیں۔
امریکہ نے اس جنگ میں پاکستان اور سعودی عرب کو بطور پراکسی استعمال کیا ۔ پاکستان نے اس جنگ میں مجاہدین بھرتی کیے اور ان کی جنگی طرز کی گوریلا تربیت کر کے انہیں میدان جنگ میں دھکیل دیا۔ اس عمل میں سعودی عرب نے مکمل مالی معاونت کی ۔ جوں جوں وقت گزرتا گیا روسی دستوں کی حالت خراب ہوتی گئی اور ایک دہائی بعد روس نے واپسی کی راہ لے لی۔ 1989 میں روس کی واپسی کے بعد کیا ہوا؟ کیا افغانستان میں امن ہوگیا؟ نہں بلکہ ملک میں مجاہدین کے مابین ایک سول جنگ پھوٹ پڑی اور روسی شکست کی خوشی تادیر نہ منائی جاسکی۔ 1996 میں ایک جنگجو گروپ طالبان نے اقتدار پر قبضہ کر لیا اور پاکستان ان کی حمایت کر رہا تھا۔ پاکستان درحقیقت بھارت کے حملے کی صورت میں تذویراتی گہرائی کی تلاش میں تھا جو اسے افغانستان کی صورت میں نظر آئی۔ اس سارے عمل میں اہم بات یہ تھی کہ طالبان افغانستان میں امن قائم کرنے میں کامیاب ہوگئے اور بزور قوت شریعہ قوانین کے نفاذ میں بھی کامیاب رہے۔
گیار ستمبر 2001 کے حملوں کے جواب میں اکتوبر 2001 میں امریکہ نے افغانستان پر حملہ کر دیا کیونکہ طالبان نے القاعدہ رہنما اسامہ بن لادن کو امریکہ کے حوالے کرنے سے انکار کر دیا تھا ۔ تاہم اس دوران طالبان نے امریکہ سے بات چیت کا عمل جاری رکا ۔ یہ زیادہ حیرانی کی بات نہیں تھی کہ صرف دو ماہ میں طالبان کو اس جنگ میں شکست ہوگئی ۔ تاہم طالبان مکمل طور پر ختم نہیں ہوئے اور وہ الگ الگ ہوکر پہاڑوں اور مختلف علاقوں میں بکھر گئے۔ 15 سال بعد طالبان دوبارہ منظر عام پر آگئے۔ ایک امریکی جنرل نے ایک میگزین کو انٹرویو میں بتایا کہ جب بھی ہم نے ایک بے گناہ افغانی کو قتل کیا اس کے جواب میں ہمارے دس دشمن پیدا ہوئے۔ انہوں کہا کہ امریکہ لوگوں کو قتل کر کے دہشت گردی کے خلاف یہ جنگ نہیں جت سکتا کیونکہ روس دس لاکھ افراد کو ہلاک کر کے بھی یہ جنگ ہار گیا تھا۔
اپنی کتاب ” ٹائم ٹو اینڈ افغان وار” میں سکاٹ ہارٹن نے لکھا ہے کہ امریکہ افغانستان کی تاریخ، اس کی ثقافت اور اس کے خط وخال کو سمجھنے میں مکمل ناکام رہا ہے ۔ امریکہ صرف افغان سیاسی رہنماؤں کو ہی سمجھ سکا ہے جو مغربی طرز کی جمہوریت کی حمایت کا بہانہ کر کے رقم بٹورتے ہیں۔ ہورٹن کے مطابق جیسے ہی امریکہ افغانستان سے نکلے امریکہ کی بنائی ہوئی یہ جمہوری حکومت ریزہ ریزہ ہوجائے گی۔ انہوں نے مزید کہا کہ امریکہ کی جنگ درحقیقیت ایک پھندہ تھی ، امریکہ نے نہ صرف اس جنگ میں اپنے دشمنوں کوشکست دی بلکہ خود کو بھی تباہ کر لیا اوریہی کچھ اسامہ بن لادن اور القاعدہ چاہتی تھی۔ یہ تلخ حقیقت اس وقت سامنے آگئی جب امریکہ اس بدترین جنگ میں پھنس گیا۔ اور اس جنگ سے نکلنے کے لیے بالاخر اسے طالبان کے ساتھ ایک معاہدہ کرنا پڑا۔
اس امن معاہدے میں طالبان نے وعدہ کیا کہ وہ افغانستان کے اندر اور باہر دہشت گردی کو ختم کر دیں گے ، سول اور انسانی حقوق کی تعظیم کریں گے بشمول عورتوں کے حقوق اور ایک جمہوری نظام کی بنیاد رکھیں گے ۔ دوسرے الفاظ میں انہوں اپنے ہی بنیادی اصولں کو اپنانے سے انکار کردیا۔ ایک بے وقوف مشاہد کار ہی اس طرح کے مثالی نتائج کو تسلیم کر سکتا ہے۔ مغربی صحافیوں سے بات چیت کرتے ہوئے ایک طالبان کمانڈر نے کہا کہ امن تبھی قائم ہوسکتا ہے جب شریعہ قوانین نافذ ہوجائیں۔ ایک ایسا فریق جو جنگ جیت چکا ہو وہ اپن بنیادوں پر سمجھوتہ کیوں کرے گا؟
اسی خوف کی بناء پر بعض فریقین چاہتے ہیں کہ امریکہ ابھی افغانستان میں مزید کچھ عرصے کے لیے رہے۔ اگر افغانی امریکہ کے زیر سایہ گزشتہ بیس برسوں میں جمہوری ادارے نہیں بنا سکے تو چند مزید سالوں میں یہ کام کیسے کریں گے؟ افغانی کب تک امریکہ کے سر پر جیتے رہیں گے اور بالاخر ایک دن انہیں اپنے ہی قدموں پر کھڑا ہونا پڑے گا۔ اس بات کے بہت سارے اور ٹھوس ثبوت موجود ہیں کہ طالبان ایک ضلع کے بعد دوسرے پر قبضہ کرتے جار ہے ہیں حتی کہ سی آئی کا یہ تک کہنا ہے کہ بہت جلد کابل بھی طالبان کے قبضے میں ہوگا۔
سوال یہ ہے کہ افغانستان کے پڑوسی اس قبضے پر کیا رد عمل دیں گے؟ پاکستان ، جس کا طالبان کی پیدائش میں اہم ہاتھ ہے ، وہ بھی پاکستان میں طالبان کے احیاء کو ہرگز نہیں چاہتا۔ پاکستان نے تزویراتی گہرائی کی پالیسی کو ترک کر دیا ہے۔ چین جو کہ اس کو سنہری موقع کے طور پر دیکھ رہا وہ کابل تک بیلٹ اور روڈ منصوبے کو پھیلا دے گا۔ بھارت بھی طالبان کے ساتھ اپنے تعلقات کی بحالی کی کوشش کرے گا۔ اور یہی صورتحال روس کی ہوگی۔ جبکہ امریکہ انسانی امداد کی مدد کے وعدے کرے گا۔ بیرونی دنیا میں ہونے والی ہی تبدیلیاں طالبان کو یہ بات سوچنے پر مجبور کرتی ہیں کہ دنیا بہت بدل چکی ہے اور افغانستان کے ساتھ دوستی کا ہاتھ بڑھانا چاہتی ہے۔ اگر افغانستان یہ ہاتھ نہیں تھامتا تو افغانستان، ثقافتی، سماجی اور معاشی ترقی میں کہیں پیچھے رہ جائے گا۔
جمعتہ المبارک، 11 جون 2021
شفقنا اردو
ur.shafaqna.com
اگر تاریخ ایک طرح کی گائیڈ ہوتی تو روس اور امریکہ کے رہنما دنیا کے مختلف حصوں میں اپنے اپنے اثرورسوخ کو وسیع کرنے کی کوشش کرتے۔روس اور امریکہ کے رہنما کئی مواقع پر دنیا کو درپیش مسائل پر بحث کے لیے اکٹھے ہوئے۔اور ان میں ان کے اپنے اپنے زیر اثر علاقوں کو درپیش مسائل بھی شامل تھے۔ 2019 میں آخری مرتبہ روسی صدر ولادی میر پیوٹن نے اپنے ہم۔منصب ڈونلڈ ٹرمپ سے ملاقات کی تھی۔
لیکن صدر پیوٹن اور جو بائیڈن کے مابین مستقبل میں ہونے والی ملاقات کو بعض ماہرین دونوں قوتوں کے مابین تیس سال قبل ہونے والی خفیہ میٹنگ سے تشبیہہ دے رہے ہیں۔ 1985 میں سرد جنگ کے اختتام کے قریب روسی صدر میخائل گورباچوف اور امریکی صدر رونالڈ ریگن نے سوئٹزر لینڈ کے شہر جنیوا میں ملاقات کی تھی۔ اس ملاقات میں انہوں نے اسلحے کی دوڑ، ایٹمی ہتھیاروں کی کمی اور اپنے اپنے اثرو رسوخ والے علاقوں کے از سر نو خطوط کھینچے۔
اس وقت گورباچوف ہر حوالے سے زوال پذیر روس کو سنبھالنے کی کوشش کر رہے تھے جبکہ امریکہ رونالڈ ریگان کی قیادت میں ایک سافٹ اور ہارڈ طاقت بشمول معاشی، جغرافیائی ، نظریاتی اور فوجی طاقت کے طور پر ابھر رہا تھا۔اگر گورباچوف اور پیوٹن کا موازنہ کیا جائے تو پیوٹن نے ایک کمزور روس کو طاقتور بنایا ہے جبکہ گورباچوف کے دور میں روس ریزہ ریزہ ہونے کے قریب پہنچ چکا تھا۔ پس اگر جینیوا میںگورباچوف اور ریگن کی ملاقات کو دیکھا جائے اور اس کا موازنہ بائیڈن اور پیوٹن کی ملاقات کے ساتھ کیا جائے تو اس وقت تک دونوں ایک دوسرے کے مکمل مخالف نہیں ہیں۔
پیوٹن اور بائیڈن کی ملاقات کا پس منظر قطعی مختلف بین الاقوامی سیاسی پس منظر سے ہے کیونکہ ماسکو مشرق وسطٰی میں ایک جنگجوانہ خارجہ پالیسی کو لے کر آگے بڑھ رہا ہے اور یوکرین اور بیلارس کے اندرونی معاملات میں پوری طرح ملوث ہے۔
بائیڈن پیوٹن ملاقات سے کیا توقع کی جاسکتی ہے؟
ماہرین توقع کررہے ہیں کہ بہت سارے رکے ہوئے معاملات جیسا کہ یوکرین اور شام کے تنازعات جس میں ماسکو اور واشنگٹن ایک دوسرے کے مخالف ہیں ، پر بات چیت ممکن ہے۔ ماہرین کا یہ بھی کہنا ہے کہ سفارتی رکاوٹیں بہرحال موجود رہیں گی کیونکہ امریکہ شام جیسے ممالک میں روس کے اثرورسوخ کو کم کرنے کے لیے کوشاں ہے ۔ شام میں ماسکو نے بشار الاسد کی افواج کی کھل کر مدد کی ہے۔ اسی طرح روس کے حمایتی مسلح گروہوں نے مشرقی یوکرین کےبہت سارے علاقے پر قبضہ کر رکھا ہے۔ بیلا رس دونوں ممالک کے مابین ایک اور جنگی میدان ہے جہاں دونوں ممالک ایک دوسرے کے خلاف برسرپیکار ہیں۔
ماسکو میں مقیم یوریشیا کے امور پر سیاسی تجزیہ نگار ایسرف یلنکلی کا کہنا تھا کہ روس مشرقی یورپین ریاستوں یں امریکہ کو کسی صورت کوئی رعایت دینے پہ تیار نہیں ہے جہاں جمہوریت کے حامی مظاہرین ماسکو کے حمایت یافتہ صدر سے استعفی طلب کر رہے ہیں۔ ان کہنا تھاکہ روس بیلارس کو دوسرا یوکرین نہیں بننے دینا چاہتا۔ ان کا اشارہ جمہوریت پسند تحریک کی طرف تھا جہاں 2014 میں کیو میں روسی حمایت یافتہ حکومت وجود میں آئی تھی۔روس اور امریکہ کے مابین حال ہی میں ایک اور تنازعے نے جنم لیا ہے جس میں امریکہ نے روس پر الزام لگایا تھا کہ اس نے امریکی انتخابات میں مداخلت کی ہے۔ بائیڈن انتظامیہ نے حال ہی میں ماسکو پر دباؤ بڑھانے کے لیے اس پر پابندیاں عائد کی ہیں جس کی وجہ روسی کارکن الیکسی نولنی کو زہر دینا تھا۔
ذہانت کا مقابلہ
اگر الفاظ رہنما ہوتے تو ہم کہ سکتے ہیں کہ بائیڈن اور پیوٹن کے مابین ذہانت کا مقابلہ ہے۔ دونوں رہنما اس سے قبل 2011 میں بھی ملاقات کر چکے ہیں جس وقت جو بائیڈن امریکہ کے نائب صدر کے عہدے پر فائز تھے اور اوبامہ ملک کے صدر تھے جبکہ پیوٹن روس کے وزیر اعظم تھے۔ اس ملاقات کے دوران جو کہ کریملن میں ہوئی بائیڈن نے ان کے شاندار دفتر کے دورے کے بعد پیوٹن کا مذاق اڑایا ۔ یہ بات حیران کن ہے کہ سرمایہ داری نظام کیا کرے گا؟ کیا ایسا نہیں ہے ، جس پر بائیڈن نے ایک زور دار قہقہہ لگایا تھا ۔ بائیڈن نے یہ بھی کہا تھا کہ مسٹر صدر میں آپ کی آنکھوں یں دیکھ رہاہوں اور میرا خیال نہیں ہے کہ آپ کے اندر روح موجود ہے۔جس پر پیوٹن نے کہا تھا کہ ہم ایک دوسرے کو سمجھتے ہیں۔
حال ہی میں بائیڈن نے پیوٹن کے لیے سخت الفاظ کا استعمال کیا ہے اور انہیں قاتل کہا ہے اور کہا ہے کہ انہیں امریکی انتخابات میں مداخلت کا خمیازہ بھگتنا پڑے گا۔ جس پر پیوٹن نے سخت جواب دیا او رکہا کہ وہ جو دوسروں کو غلط ناموں سے پکارتا ہے وہ دراصل خود کو پکار رہا ہوتا ہے ۔ جب سے بائیڈن اقتدار میں آئے ہیں تب سے امریکہ اور روس کے مابین کوی بات چیت آگے نہیں بڑھی اور بہت سارے مسائل لااینحل ہیں تام دونوں ممالک نے سٹارٹ نامی معاہدہ کیا ہے جس کے تحت 2026 تک سٹریٹیجک ہتھیاروں کی تیاری میں کمی لائی جائے گی۔ کم توقعات کے باوجود روس امریکہ کےساتھ سیکورٹی کے معاملات پر کسی معاہدے پر پہنچنے کی کوشش کرے گا۔
جمعرات، 10 جون 2021
شفقناا ردو
ur.shafaqna.com
Newer Posts