گوگل کی جانب سے اس کی چند بڑی ویب ایپس بشمول جی میل اور گوگل ڈاکس میں نئے فیچر اور پہلے سے بہتر تجربہ فراہم کیا جارہا ہے، مگر اس کے ساتھ ساتھ انسٹنٹ میسجنگ ایپس کو بھی بدلا جارہا ہے۔
گوگل کی جانب سے 2 بڑی تبدیلیاں اس سال کی جارہی ہیں۔
پہلی تبدیلی تو یہ ہے کہ گوگل چیٹ اور گوگل میٹ ہینگ آؤٹ کی جگہ لے رہے ہیں، ویب پر جی میل کے کارنر پر، فون میں اور ہر جگہ۔
پرانی ہینگ آؤٹ کی چیٹس اب گوگل چیٹ میں دیکھی جاسکیں گی۔
گوگل چیٹ کو جی میل پر ایکٹیویٹ کیا جاسکتا ہے، فون پر ایپ انسٹال کی جاسکتی ہے اور ہینگ آؤٹ کی جگہ اسے لوگوں سے رابطے کے لیے استعمال کیا جاسکتا ہے۔
گوگل کی جانب سے چند نئے رفیچرز کا اضافہ بھی کیا جارہا ہے، جیسے اب ڈاکومینٹس میں کانٹیکٹس کو @مینشن کیا جاسکے گا یا بات چیت کو ملٹی پل تھریڈز میں کیا جاسکے گا۔
دوسری بڑی تبدیلی یہ ہے کہ بزنس ورک اسپیس پیکج کا لائٹ ویٹ ورژن آنے والے مہینوں میں ہر ایک کی رسائی میں ہوگا، بس ایک گوگل اکاؤنٹ کی ضرورت ہوگی۔
گوگل چیٹ اور گوگل میٹ دوستوں، رشتے داروں، دفتری یا کاروباری ساتھیوں سے رابطے کے لیے اہم ذریعہ بن جائیں گے۔
جی میل، گوگل کیلنڈر، گوگل ڈرائیڈ اور متعدد سروسز تک ایک ہی جگہ رسائی بہت بڑی تبدیلی ہوگی۔
گوگل چیٹ کے نئے فنکشنز اس سروس کو مزید بہتر بنادیں گے اور جی میل پر گوگل چیٹ کو ٹرن آن کرکے آپ گوگل ورک اسپیس کو اپنے اکاؤنٹ پر بھی ایکٹیویٹ کرسکتے ہیں۔
اس مقصد کے لیے جی میل کے سیٹنگز پیج میں گوگل چیٹ کو سلیکٹ کریں۔
یہ تبدیلی ہر ایک کے لیے مفت ہے مگر سال کے آخر تک فری لانسرز اور اداروں کے لیے 10 ڈالر ماہانہ سبسکرائپشن بھی متعارف کرائی جائے گی جس میں چند اضافی ٹولز موجود ہوں گے۔
منبع: ڈان نیوز
پاکستان ٹیلی کمیونیکیشن اتھارٹی (پی ٹی اے) کے ڈائریکٹر ٹیکنیکل نے پشاور ہائیکورٹ کو بتایا ہے کہ شارٹ ویڈیو شیئرنگ ایپلکیشن ٹک ٹاک سے 98 لاکھ غیراخلاقی ویڈیوز ہٹادی گئی ہیں۔
پشاور ہائی کورٹ کے چیف جسٹس قیصر رشید خان کی سربراہی میں عدالتی بینچ نے ٹک ٹاک پر اپ لوڈ ہونے والے مواد سے متعلق درخواست پر سماعت کی۔
سماعت کے دوران پی ٹی اے کے ڈائریکٹر ٹیکنیکل، اسسٹنٹ ڈائریکٹر اور وکیل جہانزیب محسود عدالت میں پیش ہوئے۔
دورانِ سماعت ڈائریکٹر ٹیکنیکل پی ٹی اے نے بتایا کہ پشاور ہائی کورٹ کے احکامات کے بعد اب تک ٹک ٹاک سے 98 لاکھ غیر اخلاقی ویڈیوز کو ہٹادیا گیا ہے۔
انہوں نے کہا کہ عدالتی حکم کی تعمیل کرتے ہوئے اب تک غیر اخلاقی مواد اپلوڈ کرنے والے 7 لاکھ 20 ہزار ٹک ٹاک اکاؤنٹس کو بلاک کردیا گیا ہے۔
ڈائریکٹر ٹیکنیکل نے بتایا کہ پاکستان کے لیے ٹک ٹاک کانٹینٹ ماڈریٹر کی تعداد بڑھائی گئی ہے۔
علاوہ ازیں پی ٹی اے کے وکیل جہانزیب محسود ایڈووکیٹ نے بتایا کہ عدالتی حکم کے بعد ٹک ٹاک نے پہلی مرتبہ پاکستان کے لیے فوکل پرسن مقرر کیا ہے۔
انہوں نے کہا کہ پی ٹی اے نے غیر اخلاقی ویڈیوز اپ لوڈ ہونے سے پہلے سنسر کرنے کے لیے مختلف ممالک سے رابطے کیے لیکن ٹک ٹاک ویڈیو سنسر کرنے کے لیے کوئی ڈیوائس موجود نہیں ہے۔
اس پر چیف جسٹس قیصر رشید خان نے ریمارکس دیے کہ جو کام آپ کررہے ہیں اس کو جاری رکھیں، ہم نہیں چاہتے کہ تفریح کے لیے ٹک ٹاک کو بند کیا جائے۔
چیف جسٹس قیصر رشید خان نے کہا کہ جو غیر اخلاقی مواد اپ لوڈ ہوتا ہے اس کے ہمارے معاشرے پر برے اثرات پڑتے ہیں ہمیں صرف اس کی فکر ہے۔
پشاور ہائی کورٹ کے چیف جسٹس نے کہا کہ جو غیر اخلاقی ویڈیوز اپ لوڈ ہوتی ہیں، اس کو فلٹر کیا جائے۔
بعدازاں عدالت نے پی ٹی اے کو ٹک ٹاک سے غیر اخلاقی مواد ہٹانے کا کام جاری رکھنے کا حکم دیتے ہوئے سماعت 22 دسمبر تک ملتوی کردی۔
خیال رہے کہ رواں برس مارچ میں پشاور ہائی کورٹ نے ٹک ٹاک کے خلاف درخواست پر سماعت کرتے ہوئے ایپ کو ملک بھر میں بند کرنے کا حکم دیا تھا جسے بعدازاں اپریل میں بحال کیا گیا تھا۔
چیف جسٹس پشاور ہائی کورٹ قیصر رشید خان نے ٹک ٹاک کے خلاف دائر درخواست پر سماعت کے دوران ریمارکس دیے تھے کہ ٹک ٹاک پر جو ویڈیوز اپ لوڈ ہوتی ہیں وہ ہمارے معاشرے کے لیے قابل قبول نہیں ہیں۔
ان کا کہنا تھا کہ ٹک ٹاک ویڈیوز سے معاشرے میں فحاشی پھیل رہی ہے لہذا اسے فوری طور پر بند کیا جائے۔
چیف جسٹس پشاور ہائی کورٹ نے ریمارکس دیے تھے کہ ٹک ٹاک سے سب سے زیادہ نواجون متاثر ہو رہے ہیں۔
جس کے بعد پاکستان ٹیلی کمیونی کیشن اتھارٹی (پی ٹی اے) نے عدالت کے حکم کی تعمیل کرتے ہوئے ٹک ٹاک کو بلاک کرنے کی ہدایات جاری کی تھیں۔
خیال رہے کہ پاکستان ٹیلی کمیونی کیشن اتھارٹی نے گزشتہ برس 9 اکتوبر کو فحش مواد کو نہ ہٹائے جانے پر ٹک ٹاک کو ملک بھر میں بند کردیا تھا جسے بعدازاں ٹک ٹاک انتظامیہ کی یقین دہانی پر بحال کیا گیا تھا۔
منبع: ڈان نیوز
گزشتہ ہفتے ٹیسلا کے بانی ایلون مسک کی ٹوئٹس کے بعد بٹ کوائن کی قیمت میں اضافہ سامنے آیا تھا لیکن چین کی جانب سے بٹ کوائن کے حوالے سے کریک ڈاؤن میں توسیع کی وجہ سے اس کی قیمت میں بھی پھر کمی آگئی۔
برطانوی خبررساں ادارے ‘رائٹرز’ کی رپورٹ کے مطابق کرپٹو کرنسی مارکیٹ میں پیر کے روز بٹ کوائن کی قیمت میں 9 فیصد کمی دیکھی گئی۔
بٹ کوائن کی قیمت اس وقت 12 روز کی کم ترین سطح پر پہنچ گئی ہے اور یہ اب 32،288 ڈالرز میں فروخت ہورہا ہے۔
اگر بٹ کوائن کی قیمت میں یہ کمی برقرار رہتی ہے تو یہ رواں ماہ میں کرپٹو کرنسی کی قدر میں سب سے زیادہ کمی ہوگی۔
18 جون کو چین کے جنوب مغربی صوبے سیچوان میں حکام نے کریپٹوکرنسی مائننگ کے پروجیکٹس کو بند کرنے کا حکم دیا تھا۔
گزشتہ ماہ چین کی کابینہ، ریاستی کونسل نے مالی خطرات پر قابو پانے کے اقدامات کے تحت بٹ کوائن کی مائننگ اور تجارت پر پابندی عائد کرنے کا عزم کیا تھا۔
لندن میں مقیم کرپٹو فرم بی سی بی گروپ کے بین سیبلی نے کہا کہ چینی مائنرز کے خلاف کریک ڈاؤن کا مطلب یہ ہوسکتا ہے کہ وہ کوائن کا ذخیرہ کم کررہے ہیں اور ہمیں نچلی سطح پر لے کرجارہے ہیں’۔
خیال رہے کہ چین میں بٹ کوائن کی پیداوار، بٹ کوائن کی عالمی پیداوار کے نصف حصے سے زیادہ ہے۔
یونیورسٹی آف کیمبرج کے مرتب کردہ اعداد و شمار کے مطابق، بٹ کوائن مائننگ کے لحاظ سے سیچوان چین کا دوسرا بڑا صوبہ ہے۔
برسات کے موسم میں کچھ مائنرز اس کی پیداوار کو سیچوانمنتقل کرتے ہیں تاکہ پن بجلی کے وسائل سے مستفید ہوسکیں۔
وہ کمپنیاں جو بٹ کوائن کی مائننگ کرتی ہیں عام طور پر کرپٹوکرنسی کی بڑی فہرست کی حامل ہوتی ہیں اور ان کا کوئی بھی قدم قیمتوں میں بڑی کمی کا باعث بنتا ہے۔
یہاں یہ بات مدِنظر رہے کہ گزشتہ 6 روز میں بٹ کوائن کی قیمت پانچویں بار کم ہوئی ہے اور اپریل میں 65 ہزار ڈالر کی بلند ترین سطح پر پہنچنے کے بعد اس کی قیمت نصف ہوگئی ہے۔
اس کے باوجود رواں برس بٹ کوائن کی قیمت میں مجموعی طور پر 10 فیصد سے زیادہ اضافہ ہوا ہے۔
دوسری جانب بٹ کوائن کی حریف دوسری بڑی کرپٹوکرنسی ایتھر کی قدر می 12 فیصد کمی آئی ہے۔
خیال رہے کہ بٹ کوائن کی قیمتوں میں اس طرح کا اتار چڑھاؤ نیا نہیں، 2017 میں بھی ایسا دیکھنے میں آیا تھا۔
2017 میں اس کرنسی کی قدر میں 900 فیصد سے زیادہ اضافہ ہوا تھا اور وہ 20 ہزار ڈالرز کے قریب پہنچ گئی تھی، مگر اس موقع پر مالیاتی ماہرین نے انتباہ کیا تھا کہ یہ قیمت بہت تیزی سے نیچے جاسکتی ہے۔
پھر ایسا ہوا بھی اور فروری 2018 میں قیمت 7 ہزار ڈالرز سے بھی نیچے چلی گئی تھی۔
منبع: ڈان نیوز
واٹس ایپ کی جانب سے کافی عرصے سے اپنے پلیٹ فارم پر ایک اکاؤنٹ بیک وقت کئی ڈیوائسز میں استعمال کرنے کی سپورٹ فراہم کرنے کے لیے کام کیا جارہا ہے۔
جون 2021 کے آغاز میں پہلی بار واٹس ایپ کی جانب سے اس فیچر پر کام کی تصدیق بھی کی گئی۔
یہ تصدیق واٹس ایپ کے سربراہ ول کیتھکارٹ اور فیس بک کے بانی مارک زکربرگ نے کرتے ہوئے بتایا کہ بہت جلد اس میسجنگ سروس میں ملٹی ڈیوائس سپورٹ کو صارفین استعمال کرسکیں گے۔
تاہم انہوں نے یہ واضح نہیں کیا تھا کہ ایسا کب تک ہوگا مگر اب رواں سال کے اس سب سے بڑے فیچر کے حوالے سے زیادہ تفصیلات لیک ہوکر سامنے آئی ہیں۔
ان تفصیلات سے عندیہ ملتا ہے کہ ملٹی ڈیوائس سپورٹ کی حدود کیا ہوسکتی ہیں اور کن ڈیوائسز پر بیک وقت ان کو استعمال کیا جاسکے گا۔
اب تک اس بارے میں زیادہ معلوم نہیں ہوسکا ہے کہ ملٹی ڈیوائس فیچر کس طرح متعدد ڈیوائسز پر کام کرے گا۔
واٹس ایپ فیچرز کی تفصیلات لیک کرنے والی سائٹ WABetaInfo نے اب اس حوالے سے تفصیلات جاری کی ہیں۔
رپورٹ کے مطابق صارفین اپنے واٹس ایپ اکاؤنٹ سے بیک وقت 4 ڈیوائسز کو لنک کرسکیں گے، مگر یہ ڈیوائسز واٹس ایپ ویب، واٹس ایپ ڈیسک ٹاپ اور فیس بک پورٹل تک محدود ہوں گی۔
رپورٹ میں بیٹا ورژن کے اسکرین شاٹ کو شیئر کیا گیا جس میں یہ تفصیلات موجود تھیں مگر اس میں لنکڈ ڈیوائسز سے لاگ آؤٹ کے بارے میں کچھ نہیں یا شاید اسے بعد میں متعارف کرایا جائے گا۔
واٹس ایپ صارفین اس فیچر میں کیا نہیں کرسکیں گے؟
رپورٹ کے مطابق جو صارفین اس وقت بیٹا میں اس فیچر کو استعمال کررہے ہیں وہ ایسے افراد کو میسجز نہیں بھیج سکتے ہیں جن کے فون میں واٹس ایپ کا پرانا ورژن موجود ہے۔
صارفین کیا کچھ کرسکتے ہیں؟
جو صارفین واٹس ایپ ملٹی ڈیوائس بیٹا کا حصہ ہیں وہ ایک فون اور 4 دیگر ڈیوائسز سے اکاؤنٹ کو لنک کرسکتے ہیں، یعنی اپنے فون کے ساتھ واٹس ایپ ویب، واٹس ایپ ڈیسک ٹاپ اور فیس بک پورٹل۔
ایک بار لنک ہونے کے بعد واٹس ایپ ان ڈیوائسز پر کام کرتی رہے گی چاہے مرکزی ڈیوائس یعنی فون بیٹری چارجنگ ختم ہونے پر بند ہوجائے یا اس پر انٹرنیٹ تک رسائی نہ بھی ہو۔
متعدد ڈیوائسز کی سپورٹ کے فیچر کے بارے میں سب سے پہلے جولائی 2019 میں خبر سامنے آئی تھی اور WABetainfo نے اس وقت بتایا تھا کہ واٹس ایپ کی جانب سے ایک نئے پلیٹ فارم (یونیورسل ونڈوز پلیٹ فارم)کی تشکیل پر کام کیا جارہا ہے جو ایک اکاﺅنٹ کو بیک وقت کئی ڈیوائسز پر لاگ ان ہونے میں مدد دے گا۔
بعدازاں جو رپورٹس سامنے آئی تھیں ان کے مطابق ملٹی ڈٰوائس سپورٹ کے دوران مین ڈیوائس کو واٹس ایپ ویب کی طرح متحرک انٹرنیٹ کنکشن کی ضرورت بھی نہیں ہوگی۔
آسان الفاظ میں اگر فون آپ کے پاس موجود نہ ہو تو بھی واٹس ایپ اکاؤنٹ کو ویب یا دیگر ڈیوائسز میں استعمال کرنا ممکن ہوگا بالکل فیس بک میسنجر کی طرح۔
اس فیچر کو لنکڈ ڈیوائسز کا نام دیا جائے گا اور واٹس ایپ کی جانب سے ملٹی ڈیوائس سپورٹ کے لیے ڈیسک ٹاپ ورژن کا نیا یوزر انٹرفیس بھی متعارف کرایا جائے گا۔
منبع: ڈان نیوز
امریکا کے فیڈرل کمیونیکشنز کمیشن (ایف سی سی) نے ہواوے سمیت مختلف چینی کمپنیوں پر نئی پابندیوں کی تجویز پیش کی ہے۔
ہواوے، زی ٹی ای اور دیگر چینی کمپنیوں پر نئی پابندیوں کا مقصد ان کی جانب سے تیار کردہ 5 جی وائرلیس اور دیگر ٹیکنالوجیز کے استعمال کو مزید محدود کرنا ہے۔
ایف سی سی نے متفقہ طور پر مجوزہ پابندیوں کو آگے بڑھانے کی منظوری دی جس کے اطلاق کی صورت میں ہواوے سمیت 5 کمپنیوں کے تیار کردہ ٹیلی کمیونیکشنز اور ویڈیو سرویلنس آلات کا استعمال مستقبل میں ممنوع ہوگا۔
ان تمام کمپنیوں کو امریکا کی جانب قومی سلامتی کے لیے خطرہ قرر دیا جاتہا ہے اور اس نئی تجویز کے تحت اس وقت تمام نیٹ ورکس میں موجود ان کمپنیوں کے آلات کو نکالا جائے گا۔
ایف سی سی کی قائم مقام سربراہ جیسیکاا روزن ورسل نے ایک بیان میں کہا کہ ہم نے ناقابل اعتبار آلات اور کمپنیوں کے خلف براہ راست اقدام کی تجویز دی ہے۔
دوسری جانب ہواوے کے ایک ترجماان نے اس نئے فیصلے کو گمراہ کن اور غیرضروری قرار دیتے ہوئے کہا کہ کسی مخصوص ملک کی کمپنی یا برانڈ کے آلات کی خریداری کو بلاجواز بلاک کرنے سے امریکا کے کمیونیکشنز نیٹ ورکس یا سپلائی چینز کو کوئی تحفظ نہیں ملے گا۔
زی ٹی ای کی جانب سے فی الحال اس حوالے سے کوئی بیان جاری نہیں کیا گیا۔
ٹرمپ انتظامیہ کی جانب سے صدر جو بائیڈن کی جانب سے ہواوے کے خلف سخت مؤقف اختیار کیا گیا ہے اور چینی کمپنی کی مشکلات میں کوئی کمی نہیں آسکی ہے۔
خیال رہے کہ امریکی حکومت نے مئی 2019 میں ہواوے کو قومی سلامتی کے لیے خطرہ قرار دیتے ہوئے بلیک لسٹ کردیا تھا جس کے بعد بتدریج پابندیوں کو سخت کیا گیا۔
امریکی پابندیوں کے نتیجے میں ہواوے کی اسمارٹ فونز کی فروخت گوگل سروسز کی محرومی کے باعث بہت زیادہ متاثر ہوئی اور وہ اب دنیا کی سرفہرست اسمارٹ فون کمپنیوں میں شامل نہیں۔
ایف سی سی کی مجوزہ پابندیوں پر پہلے عوامی رائے حاصل کی جائے گی اور پھر حتمی ووٹنگ کی جائے گی۔
منبع: ڈان نیوز
اگر آپ کو انگلش یا کوئی بھی زبان بولنے میں مشکل کا سامنا ہوتا ہے، تو اب گوگل آپ کی مدد کرنے کے لیے تیار ہے۔
گوگل کی جانب سے حالیہ برسوں میں ایسی متعدد سروسز جیسے گوگل اسسٹنٹ اور ٹرانسلیٹ پر کام کی گی ہے جو مختلف زبانوں کے ترجمے میں مدد فراہم کرتی ہیں۔
مگر اب گوگل کی جانب سے ایک ایسی سروس کو متعارف کرنے پر غور کی جارہا ہے جو آرٹی فیشل (اے آئی) ٹیکنالوجی کو استعمال کرکے گوگل سرچ کی مدد سے صارفین کو مختلف زبانیں بولنے یا سیکھنے میں مدد فراہم کرے گی۔
دی انفارمیشن کی رپورٹ کے مطابق اس منصوبے کو ٹیوولی کا نام دیا گیا ہے اور رواں سال کسی وقت سے متعارف کرایا جاسکت ہے۔
اس سروس کو تشکیل دینے کا کا آغاز 2 سال قبل ہوا تھاا اور اس کے لیے مینا نیورل کنورزیشن ماڈل کو استعمال کیا گیا جس کو بتدریج ایل اے ایم ڈی ے (لینگوئج مڈل فر ڈائیلاگ اپلیکشنز) کی شکل دی گئی۔
گوگل کی جانب سے ایل اے ایم ڈی ے کا مظاہرہ مئی 2021 میں سالانہ آئی او کانفرنس کے دوران بھی کیا گیا تھا۔
ایسا مانا جارہا ہے کہ ابتدا میں ٹیوولی صرف تحریر پر کام کرنے والی سروس ہوگی جس کو گوگل سرچ کا حصہ بنایا جائے گا، مگر گوگل کی جانب سے ایسے ذرائع کی جانچ پڑتال کی جارہی ہے جس سے اسے گوگل اسسٹنٹ اور یوٹیوب پر لایا جاسکے۔
رپورٹ میں مزید بتایا گیا کہ ٹیوولی میں ایک اے آئی پاور سروس صارف کو نئی زبان سیکھانے میں مدد فراہم کرتی ہے اور بہت معمولی غلطیاں اب تک سامنے آئی ہیں۔
اس سے قبل گوگل نے بھارت میں بولو نامی ایک ایپ متعارف کرائی تھی جس کا مقصد بچوں کو مختلف زبانیں سیکھنے میں مدد فراہم کرنا تھا، بعد ازاں اس ایپ کو ریڈ آلانگ کے نام سے 180 سے زیادہ ممالک میں گزشتہ سال پیش کیا گیا۔
ٹیوولی اس سے بھی ایک قدم آگے جائے گی اور اس میں زیادہ غیرملکی زبانوں کو سیکھنے کا موقع فراہم کیا جائے گا۔
اس کی مدد سے گوگل ڈولینگو اور ایسی دیگر ایپس کو ٹکر دے سکے گی جو لوگوں کو مختلف زبانیں بولنے یا لکھنے میں مدد فراہم کرتی ہیں۔
گوگل کو دیگر ایپس پر گوگل سرچ کی بدولت بھی سبقت حاصل ہوگی جس کا استعمال اربوں افراد کرتے ہیں۔
منبع: نیوز
فیس بک ایسا سوشل نیٹ ورک ہے جس میں ہر نئی پراڈکٹ کو مدغم کردیا جاتا ہے اور اب اس میں پوڈ کاسٹ کا اضافہ کیا جارہا ہے۔
کمپنی کی جانب سے پیجز کے مالکان کو پوڈ کاسٹس اپ لوڈ کرنے کی سہولت دی جارہی ہے جس کا آغاز 22 جون سے ہوگا۔
ایک رپورٹ کے مطابق فیس بک کی جانب سے پیجز کے مالکان کو ای میلز ارسال کرکے اس فیچر کے بارے میں آگاہ کیا گیا ہے۔
اگر آپ فیس بک پر کسی پیج کو چلارہے ہیں تو پوڈ کاسٹ اقساط کی آر ایس ایس فیڈ کو پیج پر لنک کرسکتے ہیں جو بتدریج لوگوں کی نیوزفیڈ پر شو ہوں گی۔
کمپنی نے یہ بھی بتایا کہ بہت جلد ایک اور فیچر کلپس بھی متعارف کرایا جائے گا۔
اس فیچر سے تمام سننے والے کسی پوڈ کاسٹ قسط کے اپنے پسندیدہ لمحات دوستوں کے ساتھ نیوزفیڈ پر شیئر کرسکیں گے۔
یہ غیرمتوقع اعلان نہیں، اس سے قبل اپریل میں فیس بک نے پوڈ کاسٹس سمیت متعدد آڈیو پراڈکٹس متعارف کرانے کا اعلان کیا تھا۔
حال ہی میں فیس بک کے بانی مارک زکربرگ نے رئیل ٹائم میں بات چیت کی پراڈکٹ کا مظاہرہ بھی کیا تھا۔
رواں سال کسی وقت فیس بک میں ساؤنڈ بائٹس نامی فیچر کا بھی اضافہ ہوگا۔
اس فیچر میں مختصر آڈیو کلپس کو نیوزفیڈ پر پوسٹ کیا جاسکے گا۔
یوں سمجھ لیں کہ یہ فیس بک ٹائم لائن میں وائس میسجز کا کام کرنے والا فیچر ہوگا۔
منبع: ڈان نیوز
لگ بھگ 5 سال بعد چین کی جانب سے صحرائے گوبی سے ایک اسپیس کرافٹ سے 3 خلابازوں کو بالائی خلا میں بھیجا گیا اور وہ نئے تیانگ اونگ اسپیس اسٹیشن پر پہنچ گئے ہیں۔
لانگ مارچ 2 ایف راکٹ نے شینزو 12 اسپیس کرافٹ میں سوار 3 خلابازوں کو چین کے نئے خلائی اسٹیشن پر 7 گھنٹے میں پہنچایا، جس سے چین نے نئی تاریخ رقم کردی۔
ان خلابازوں میں 56 سالہ نائی ہیشہینگ، 54 سالہ لیو بومنگ اور 45 سالہ تانگ ہونگ بو شامل ہیں۔
17 جون کو اپنے اسپیس سوٹ پہنے ہوئے خلا بازوں کو خلائی عہدیداروں و دیگر وردی میں ملبوس فوجی اہلکاروں نے الوداع کیا اور بچوں کا ہجوم پھول اور چین کا پرچم لہراتے اور گیت گاتے ہوئے نظر آئے۔
تینوں خلا بازوں نے جھنڈا لہراتے ہوئے لوگوں کے مجمع کو آخری الوداع کیا پھر لفٹ میں داخل ہوئے تاکہ انہیں شمال مغربی چین میں جیوکوان لانچ سینٹر جہاز کے ذریعے پہنچ سکیں۔
خلاباز گوبی صحرا کے کنارے واقع لانچ سینٹر میں صبح بجکر 22 منٹ پر لانگ مارچ 2 ایف وائی 12 راکٹ کے ذریعے لانچ کیے گئے شینزہو 12 اسپیس شپ میں سفر کیا۔
دو تجربہ کار خلابازوں کے ہمراہ ایک نیا خلا باز اپنا پہلا سفر کر رہا ہے جو اگلے سال دو لیبارٹری ماڈیولز کے لانچ ہونے سے قبل تجربات، سامان کی جانچ اور اسٹیشن کو توسیع کے لیے تیار کرنے کے لیے تین ماہ تک ٹیانہے یا ہیونلی ہارمنی میں رہیں گے۔
راکٹ نے اپنے بوسٹرز کو پرواز کے تقریباً دو منٹ بعد گرایا جس کے تقریباً 10 منٹ کے بعد شینزہو 12 کے آس پاس لگی کوائلنگ الگ ہوا جس سے اس کے شمسی پینل پھیلے کچھ ہی دیر بعد یہ شپ مدار میں داخل ہوگیا۔
یہ چین کا 2016 کے بعد پہلا انسانی خلائی مشن ہے اور اب تک کا سب سے طویل ترین بھی ہے، کیونکہ یہ تینوں اس اسپیس اسٹیشن میں 3 ماہ تک قیام کریں گے۔
اس سے قبل چینی مشنز کا دورانیہ ایک ماہ سے زیادہ نہیں تھا۔
چین کے اس نئے اسپیس اسٹیشن کی تعمیر کا آغاز اپریل 2021 میں ہوا تھا اور اب 3 افراد کا عملہ سلینڈر کی ساخت کے موڈیول میں قیام کرے گا، تاکہ تعمیراتی کام کو آگے بڑھا سکے۔
اس موڈیول میں تینوں کے لیے الگ الگ رہائش کا انتظام کیا گیا ہے، ورزش کے لیے آلات بھی اس میں موجود ہیں جبکہ زمین سے ای میل اور ویڈیو کالز کی مدد سے رابطہ کیا جاسکے گا۔
16 جون کو ان تینوں نے میڈیا نمائندوں سے بات کرتے ہوئے کہا تھا کہ مشن پیچیدہ ہونے کا امکان ہے۔
نائی ہیشہینگ اس ٹیم کے سربراہ ہیں جو پہلے بھی 2 بار خلا میں جاچکے ہیں جبکہ لیو کو ایک بار جانے کا موقع ملا۔
نائی ہیشہینگ سابق ایئرفورس پائلٹ ہیں اور ین کے معمر ترین خلا باز بھی، ان کا کہنا تھا کہ وہاں متعدد کام کرنا ہوں گے جن میں سے کچھ مشکل ہوں گے۔
خلابازوں کے مشن کو چینی میڈیا پر براہ راست ٹیک آف سے زمین کے مدار میں داخل ہونے تک نشر کیا گیا۔
اس مشن کے دوران خلاباز 2 بار اسپیس میں چہل قدمی بھی کریں گے اور متعدد تجربات بھی کریں گے۔
اس مشن کی تیاری کے لیے عملے کو 6 ہزار گھنٹے کی تربیت فراہم کی گئی تھی جس کے دوران انہوں نے زیرآب سیکڑوں سمرسالٹس مکمل خلائی لباس میں کیے۔
چین کا نیا اسپیس اسٹیشن انٹرنیشنل اسپیس اسٹیشن کے مقابلے بہت چھوٹا ہے جس کی زندگی کم از کم 10 سال کی ہوگی۔
منبع: ڈان نیوز
مائیکرو سافٹ کی جانب سے ونڈوز کے لیے سپورٹ ختم کیے ایک سال سے زیادہ عرصہ ہوگیا اور کمپنی کی خواہش ہے کہ صارفین اپنی ڈیوائسز پر ونڈوز 10 کو اپ گرید کرلیں۔
یہ اس لیے بھی اہم ہے کیونکہ رواں سال کے آخر تک ونڈوز 11 آپریٹنگ سسٹم ممکنہ طور پر صارفین کو دستیاب ہوگا۔
اگر آپ ایک پرانے ڈیسک ٹاپ کمپیوٹر یا لیپ ٹاپ کو استعمال کررہے ہیں جس پر ونڈوز 7 انسٹال ہے تو ونڈوز 10 ہوم آپریٹنگ سسٹم کو مائیکرو سافٹ کی ویب سائٹ پر 139 ڈالرز میں خرید سکتے ہیں۔
مگر سی نیٹ کی رپورٹ کے مطابق ضروری نہیں کہ آپ کو اس کے لیے پیسے خرچچ کرنا پڑیں، مائیکرو سافٹ کی جانب سے ونڈوز 10 مفت اپ گریڈ کرنے کی سہولت تیکنیکی طور پر 2016 میں ختم کردی گئی تھی مگر وہ اب بھی متعدد افراد کے لیے کارآمد ہے۔
جولائی 2015 میں جب پہلی بار ونڈوز 10 کو جاری کیا گیا تھا تو مائیکرو سافٹ نے ونڈوز 7، 8 اور 8.1 کے صارفین کے لیے مفت اپ گریڈ کی سہولت جولائی 2016 تک فراہم کی گئی۔
رپورٹ کے مطابق اگرچہ یہ پیشکش اب ختم ہوچکی ہے مگر اب بھی متعدد افراد اس سے فائدہ اٹھاسکتے ہیں یا اٹھا رہے ہیں۔
ونڈوز 7 میں اب سیکیورٹی اپ ڈیٹس یا بگز فکسز یا دیگر تیکنیکی سپورٹ فراہم نہیں کی جارہی ہے جس سے کمپیوٹرز کو وائرسز اور میل ویئر سے بہت زیادہ خطرہ ہے۔
اگرچہ ونڈوز 10 کے صارفین کو بھی حالیہ برسوں میں متعدد بگز کا سامنا ہوا مگر اب بھی اس پر سوئچ کرنا کمپیوٹر کو محفوظ رکھنے کے لیے بہترین آپشن ہے۔
مئی 2021 میں مائیکرو سافٹ نے بتایا تھا کہ اس وقت دنیا بھر میں ونڈوز 10 کے ایک ارب 30 کروڑ سے زیادہ متحرک صارفین ہیں۔
اگر آپ ونڈوز 10 کو مفت اپ گریڈ کرنا چاہتے ہیں تو آپ کے کمپیوٹر میں ونڈوز ، 8 یا 8.1 ہوم یا پرو کی لائسنس کاپی ایکٹو ہونی چاہیے۔
پھر ونڈوز 10 ڈاؤن لوڈ ویب سائٹ پر جائیں۔
وہاں Create Windows 10 installation media کے نیچے ڈاؤن لوڈ ٹول ناؤ پر کلک کرکے رن کریں۔
پھر اپ گریڈ دس پی سی ناؤ کا انتخاب کریں اور پروموٹس کو فالو کریں۔
جب اپ گریڈ مکمل ہوجائے تو سیٹنگز اپ ڈیٹ اینڈ سیکیورٹی میں ایکٹیویشن پر جائیں، جہاں آپ ونڈوز 10 کا ڈیجیٹل لائسنس دیکھ سکیں گے۔
خیال رہے کہ اگر آپ کے کمپیوٹر پر ونڈوز 7 یا 8 ہوم کا لائسنس ہوگا تو آپ ونڈوز 10 ہوم اپ ڈیٹ کرسکیں گے جبکہ 7 یا 8 پرو صارفین ونڈوز 10 پرو اپ گریڈ کرسکیں گے۔
منبع: نیوز
Newer Posts