چین بین الاقوامی پلیٹ فارمز جیسا کہ اقوام متحدہ وغیرہ پر فلسطینیوں کی مشکلات پر ہمیشہ آواز اٹھاتا رہا ہے لیکن معاشی اور خطی مفادات کی وجہ سے یہ بات طے ہے کہ چین کی فلسطین کےلیے یہ آواز بیان بازی سے بڑھ کر کچھ بھی نہیں۔ ڈونلڈ ٹرمپ کے دور حکومت میں ” امریکہ پہلے” جیسی خارجہ پالیسیوں کی وجہ سے امریکہ اقوام متحدہ جیسے بین الاقوامی اداروں سے خود کو پیچھے ہٹانا شروع ہوگیا جس کا فائدہ چین نے اٹھایا اور وہ بین الاقوامی معاملات جیسا کہ اسرائیل فلسطین تنازعے میں اقوام متحدہ میں امریکہ پر سبقت لے گیا۔ چین نے ہمیشہ خطی تنازعات اور زمینی و سیاسی دشمنیوں میں سائیڈ لینے سے گریز کیا ہے۔ خلیج وسطٰی کے ممالک کے لیے ایک محتاط خارجہ پالیسی کی وجہ سے چین نے مشرق وسطائی ممالک کے مختلف تنازعوں اور جنگوں جیسے معاملات میں اچھے تعلقات کمائے ہیں۔ اگر اسرائیل فلسطین تنازعے کی بات کی جائے تو چین کے یہودی ریاست کے ساتھ اچھے تعلقات ہیں تاہم اس نے دوسری جانب سفارتی سطح پر مغربی کنارے میں فلسطینی اتھارٹٰ اور غزہ کی پٹی میں حماس کے ساتھ تعلقات برقرار رکھے ہیں۔
مشرق وسطٰی کے امور کے ماہر ماہر چینی سکالر سن ڈیگانگ نے ایک مرتبہ لکھا کہ بیجنگ کی فلسطین کے حوالے سے پوزیشن اس کی اخلاقی سپریمیسی ہے جبکہ اسرائیل کے ساتھ تعاون کی سپریمیسی ہے ۔ سن ڈی گانگ کی بیان کردہ تعریف درحقیقت اسرائیل فلسطین تنازعے میں چین کی پوزیشن کی مکمل تصویر کشی ہے۔ اسرائیل اور فلسطین کے تنازعے میں متوازن اپروچ چین کی اولین ترجیح ہے ۔ سفارتی دروازے کھلے رکھنے کی وجہ سے نہ اسرائیل اور نہ ہی فلسطین چین کو یکسر نظر انداز کر سکتے ہیں۔
مودی سے زی تک
ماؤزے تنگ کے عہد میں چین نے مشرق وسطٰی میں اعلی سطح پر نظٰریاتی خارجہ پالیسی اپنائی جس میں انہوں نے جزیرہ نما عرب، مصر، لیبیا اور شام میں سامراج مخالف، عرب قومیت پرست ، مارکسسٹ حکومتوں اور الجیریا میں باغیوں کی حمایت کی۔ ثقافتی انقلاب کے دوران چین نے فلسطین لبریشن آرگنائزیشن کو اسلحہ بھی فراہم کیا۔ تاہم 1967 میں ماؤ کی وفات کے بعد چن نے کم نظریاتی انداز میں یہودی ریاست تک رسائی کا عمل شروع کر دیا جس کے نتیجے میں چین کی فلسطین حامی خارجہ پالیسی میں سفارتی اور استعاراتی بن کر رہ گئی۔ 1992 میں چین اور یہودی ریاست نے اپنے سفارتی تعلقات کو رسمی شکل دی اور چین اور اسرائیل کے مابین ٹیکنالوجی، دفاع ، سرمای کاری اور تعلیم کے شعبوں میں تعاون کا آغاز ہوگیا۔ دونوں ممالک کے مابین تعلقات اس قدر آگے بڑھ گئے تھے کہ مجبورا امریکہ کو اسرائیل کو یہ باور کرانا پڑا کہ وہ جنوبی ایشیائی طاقت کے ساتھ اپنے تعلقات کو تھوڑا ٹھنڈا رکھے۔
اس سب کے باوجود جب بھی فلسطینی ریاست کے گرد گھومتی سیاست کی بات آتی ہے تو چین اپننے مؤقف پر کھڑا دکھائی دیتا ہے۔ بین الاقوامی ضمیر کے ساتھ ، بیجنگ نے دوریاستی حل کی حمایت کی جس کے تحت اسرائیل کو 1967 کی سرحدوں پر واپس جانا پڑتا۔ چینی حکام اکثر اوقات فلسطینی سرزمین پر اسرائیلی قبضے اور یہودی بستیوں کی ناجائز تعمیر پر تنقید کرتے نظر آتے ہیں۔ مزید برآں چین حماس کو ایک جائز سیاسی گروپ سمجھتا ہے اور اس کو دہشت گرد تنظیم سمجھے پہ تیار نہیں اور بیجنگ اور تل ابیب کے مابین یہ ایک بڑی وجہ تنازع ہے۔ فلسطین کی عوام چین کی اس حمایت کو اکثر مواقع پر دیکھتی آئی ہے جیسا کہ گزشتہ برس اقوامی متحدہ میں چینی نمائندے ذانگ جون نے اقوام متحدہ کی سیکورٹی کونسل میں فلسطینیوں کے حقوق کے لیے آواز بلند کی تھی۔ حال میں مئی 2021 میں اسرائیل کی غزہ پر وحشیانہ جارحیت پر بھی بیجنگ نے اسرائیل کی سخت مزمت کی اور بائیڈن انتظامیہ سے مطالبہ کیا کہ وہ اس معاملے کے حل میں اپنا کردار ادا کرے کیونکہ اقوام متحدہ کے 15 رکن ممالک میں سے صرف ایک امریکہ تھا جس نے اس جارحیت کے خاتمے کو مخالفت کی تھی۔
فلسطین کو چین میں کیا نظر آتا ہے؟
فلسطینیوں نے ہمیشہ چین کے فلسطین حمایتی مؤقف کو سراہا ہے۔ جولائی 2019 میں حماس نے چین کی تعریف کی تھی کہ اس نے اسرائیل کی جانب سے یروشلم کے علاقے سر باہر میں فلسطینی گھروں کو مسمار کرنے پر اسرائیل کی سخت مزمت کی تھی جس پر چین نے اقوام متحدہ کے مستقل ممبران سے نمائندوں سے مطالبہ کیا کہ وہ اس نوٹس لیں اور فلسطینیوں کے خلاف تشدد پر آواز اٹھائیں۔ لیکن سوال یہ ہے کہ کیا حماس اور دیگر فلسطینی دھڑے چین کو محض بیان بازی سے آگے لے کر جاسکتے ہیں کہ وہ اس مسئلے پر دنیاکو متحرک کرے۔ ولسن سنٹر میں کام کرنے والے ماہرین جیسا کہ لوسل گریر کا کہنا ہے کہ چین فلسطین کے معاملے میں محض بیانات جاری کرتا ہے اور اسے آگے کچھ نہیں کیوں کہ اس کے اسرائیل کے ساتھ اچھے تعلقات ہیں۔
چین اسرائیل تعلقات کا مالی پہلو چین کے لیے فلسطین کی نسبت زیادہ اہمیت کا حامل ہے اور یہی وہ رکاوٹ ہے جو چین کو اس تنازع میں ایک متحریک کردار ادا کرنے سے روکتی ہے۔ بیجنگ میں بیٹھے حکام مشرقی بحیرہ روم میں اپنے وسیع تر مفادات کو مد نظر رکھتے ہیں جو کہ دولت مند، تعلیم یافتہ اور جدید ٹیکنالوجی سے مزین ہے اور یہ سب چین کے لیے بہت اہم ہے۔ مزید برآں بہت سارے اسرائیلی چین کو اچھی نظر سے دیکھتے ہیں۔ اس لیے فلسطین پر سیاسی اختلاف کے باوجود چین اسرائیل کے ساتھ چلنے پر تیار رہتا ہے۔
اس کے لیے چین فلسطین کے مسئلے میں امریکہ کو نیچا دکھا سکتا ہے اور اقوام متحدہ میں مسئلہ فلسطین پر امریکہ کو تنہا کردیتا ہے کیونکہ چین کا مؤقف تقریبا پوری دنیا میں تسلیم کیا جاتا ہے۔ دوسرا غزہ میں انسانی حقوق کی خلاف ورزیاں چین کو بھی یہ چھپر فراہم کرتی ہیں کہ وہ زنجیانگ میں مسلمانوں کے خلاف جرائم پر پردہ ڈال سکے جس کو حال ہی میں ایمنسٹی انٹرنیشنل نے انسانیت کے خلاف جرائم قرار دیا ے۔
اسرائیل اور فلسطین کے مابین پل
بعض اشارے یہ بتاتے ہیں کہ چین فلسطین اور اسرائیل کے درمیان ایک منصفانہ حل چاہتا ہے ۔ 2017 کے اواخر میں صدر زی جن پنگ نے فلسطینی اور اسرائیلی امن کاروں کے مابین ایک سمپوزیم کا انعقاد کیا تھا جب کہ اس طرح کے سمپوزیم 2003 اور 2006 میں بھی منعقد کیے گئے تھے۔ تاہم یہ بات کہنا مشکل ہے کہ چین امریکہ کی نسبت کچھ الگ کر رہا ہے جس طرح امریکہ دونوں ممالک کے مابین فریق ثالب بن کر اپنی اجارہ داری قائم رکھے ہوئے ہے چین بھی اسی طرح کا کردار ادا کر رہا ہے۔ کیونکہ اگر چین امریکہ کو مسئلہ فلسطین پر چیلنج کرتا ہے یا اسرائیل اور فلسطین کے مابین توازن کو چھیڑتا ہے تو اس سے بیجنگ اور تل ابیب کے مابیین تعلقات خطرے میں پڑ سکتے ہیں۔
اگر چین سفارتی طور پر یہ اس تنازع کو حل کرنے کی کوشش کرتا ہے اور ناکام ہوجاتا ہے تو اس طرح چین کی ابھرتی ہوئی طاقت کے خیال پر ایک گہری ضرب پڑ سکتی ہے۔ یہی وجہ ہے چین اس تنازع میں کبھی بھی پل کا کردار ادا نہیں کرسکتا اور چین کی تمام تر توجہ معاشی معاملات پر مرکوز ہے نہ کہ خطے میں پیدا ہونے والے تنازعات پر۔ جب اسرائیل کے ساتھ مل کر کام کرنے پر بات آتی ہے تو چین اپنے تعلقات کا زیادہ سے زیادہ فائدہ اٹھاکر دونوں فریقین کے مابین بات چیت کا سلسلہ شروع کر دیتا ہے۔ لیکن کوئی ایسی وجہ نہیں ک چین مستقبل میں اسرائیل پر فلسطین کے حوالے سے کسی قسم کا دباؤ ڈالے گا۔
اتوار، 20 جون 2021
شفقنا اردو
ur.shafaqna.com
لاہور پولیس نے مدرسے کے طالب سے مبینہ بدفعلی کی ویڈیو وائرل ہونے کے بعد جمعیت علمائے اسلام لاہور کے نائب امیر اور جامعہ منظور الاسلامیہ کے برطرف عہدیدار مفتی عزیز الرحمٰن کے خلاف مقدمہ درج کرلیا۔ سوشل میڈیا پر وائرل ہونے والی ویڈیو میں مفتی عزیز الرحمٰن کو ایک لڑکے سے مبینہ بدفعلی کرتے دیکھا جاسکتا ہے۔ 17 جون کو درج پہلی انفارمیشن رپورٹ (ایف آئی آر) کے مطابق متاثرہ طالب علم نے بتایا کہ اسے جامعہ منظور الاسلامیہ میں 2013 میں داخلہ ملا تھا۔ انہوں نے کہا کہ امتحانات کے دوران مفتی عزیز الرحمٰن نے ان پر اور ان کے دوست طالب علم پر امتحان کے دوران کسی اور کو امتحان دلانے کا الزام لگایا تھا۔ انہوں نے شکایت میں کہا کہ اس کے ساتھ ہی مجھ پر وفاق مدارس میں 3 سال تک امتحانات دینے پر پابندی عائد کردی گئی۔ شکایت کنندہ نے کہا کہ انہوں نے مفتی عزیز الرحمٰن سے معاف کردینے کی التجا کی۔ متاثرہ لڑکے نے کہا کہ مفتی عزیز الرحمٰن نے کہا کہ اگر جنسی حرکتوں سے انہیں ‘خوش’ کردوں تو کچھ سوچ سکتے ہیں۔ شکایت کنندہ نے مزید کہا کہ ان کے پاس جنسی زیادتی کا نشانہ بننے کے سوا کوئی چارہ نہیں تھا۔ ان تمام الزامات کے جواب میں مفتی صاحب کا مؤقف یہ ہے کہ انہیں نشہ پلا کر یہ کام کیا گیا ہے۔
تاہم لال مسجد کے خطیب جو کہ خود بھی دہشت گرد کارروائیوں میں ملوث رہے ہیں کا کہنا ہے کہ مولانا عزیز الرحمان صاحب کی جو ویڈیو شائع ہوئی ہے، اگرچہ انہوں نے کہا ہے کہ مجھے نشہ پلا کر یہ سب کچھ کیا گیا ہے، لیکن جو ویڈیو کے اندر ہم نے مجبوراً دیکھی، علما نے بھی دیکھی، مفتیان کرام نے بھی دیکھی، وہ بھی یہ بات کہہ رہے ہیں کہ ایسا نہیں ہے۔ یہ ویڈیو نشہ پلا کر نہیں ہے۔ ان کی حرکات و سکنات بتا رہی ہیں کہ وہ گندے کام میں خود شریک ہیں۔ “اس لیے ہمارا مطالبہ یہ ہے کہ پہلے پاکستان میں قرآن و سنت کو نافذ کیا جائے۔ اور شرعی عدالتیں پورے ملک میں قائم کی جائیں۔ اور سب سے پہلے سزا مولانا عزیز الرحمان کو دی جائے۔ اور شرعی سزا۔ مختلف سزائیں ہیں ایک یہ کہ اوپر عمارت سے گرایا جائے تو ہمارا مطالبہ یہ ہے کہ ان کو مینار پاکستان سے نیچے گرا دیا جائے۔ مولانا صاحب کے اس طرح کی سزا دینے کے مطالبے کو داد نہ دینا سراسر زیادتی ہوگی مگر اس کے ساتھ ساتھ مولانا صاحب نے جو اپنا مدعا بیان کیا ہے وہ بھی قابل غور ہے ۔ خیر کاش مفتی صاحب نشہ آور چائے پہ الزام دھرنے سے پہلے کسی صاحب عقل ودانش سے مشورہ ہی کر لیتے جو انہیں بتاتے کہ نشہ آور اشیا اس قسم کی سرگرمیوں کے لئے سم قاتل ہوتی ہیں۔ حسیات کا یہ کھیل ہوش اور جوش کے ساتھ ہی کھیلا جا سکتا ہے سو آپ کا یہ بیان دوسرے لفظوں میں آپ کی بدنیتی کا اقرار ہی ہے۔
مفتی عزیز الرحمان کے سکینڈل نے مدارس میں بچوں کے تحفظ کو نکتہ بحث بنا دیا ہے۔ اس معاملے پر عوامی ردعمل نہایت شدید تھا مگر علمائے کبار کی جانب سے ایک مکمل اور مہیب خاموشی دکھائی دی۔ دینی حلقوں سے جڑے نوجوانوں نے اس معاملے پر عوام کے ساتھ کھڑے ہو کر سخت سزا کا مطالبہ کیا۔ ان کی رائے یہی دکھائی دی کہ وہ مسجد و مدرسے کو یوں بدنام کرنے پر مفتی عزیز الرحمان سے شدید ناراض ہیں۔ لبرل کیمپ کا ردعمل اس پر یہ تھا کہ اگر صبا قمر کے مسجد وزیر خان میں فوٹو شوٹ پر اسے توہین مسجد اور توہین شعائر کا مرتکب گردان کر بلاسفیمی کا مقدمہ درج کیا گیا تھا تو کیا مفتی عزیز الرحمان کا فعل اس سے کئی گنا بڑی توہین نہیں ہے؟ مقدس اوراق ہاتھ میں پکڑ کر ایسا فعل کرتے ہوئے کیا شعائر اللہ کی توہین نہیں ہوئی؟ ملالہ کے ایک جملے پر جیسا طوفان اٹھایا گیا تھا ویسا ردعمل مفتی عزیز الرحمان کے معاملے پر کیوں دکھائی نہیں دے رہا؟ کیا وجہ تھی کہ طالب علم کے بیان کو سنجیدگی سے نہیں لیا گیا، اس کی ویڈیو دیکھنے کے باوجود بھی وفاق المدارس عربیہ اور جامعہ منظور الاسلامیہ والے یہی کہتے رہے کہ انہیں ویڈیو پر نہیں مفتی عزیز الرحمان کی پاکدامنی پر یقین ہے حتیٰ کہ سکینڈل سوشل میڈیا پر پھٹ پڑا۔
لیکن مدارس اور علما کو یوں کٹہرے میں کھڑا کر دینے والے واقعے پر علمائے کبار کی خاموشی مایوس کن ہے۔ نہ تو مفتی اعظم پاکستان کہلانے والے مولانا رفیع عثمانی کا کوئی بیان دکھائی دیا، نہ ان کے جلیل القدر بھائی مولانا تقی عثمانی کچھ بولے، نہ خود کو شیخ الاسلام قرار دینے والے علامہ طاہر القادری کہیں دکھائی دیے، نہ جمعیت علمائے اسلام کی مرکزی قیادت نے اس معاملے پر بات کی، نہ جماعت اسلامی کی صف اول کی لیڈر شپ کا موقف سنائی دیا، نہ ہی مولانا ساجد میر نے اپنا بیان دیا۔ اہل تشیع کو تو چلیں شک کا فائدہ دیا جا سکتا ہے کہ اس معاملے کے فرقہ وارانہ رنگ اختیار کرنے کے خوف سے انہوں نے خاموشی بہتر سمجھی، مگر سنی علمائے کبار کیوں نہیں بتاتے کہ وہ مدارس کے طلبا اور پاکستان کے بچوں کے ساتھ کھڑے ہیں یا مفتی عزیز الرحمان کے؟ کیا وہ مفتی عزیز الرحمان کو بچانا چاہتے ہیں یا بچوں کو؟ انہوں نے مفتی شہاب الدین پوپلزئی اور علامہ ہشام الہی ظہیر جیسی جرات کیوں نہیں دکھائی؟ یہ تو گویا ایک مجرمانہ سی خاموشی ہے۔
سوال یہ ہے کہ یہ تو ایک سکینڈل تھا جو منظر عام پر آگیا۔ ایک طالب علم نے جرات کی اور معاملہ سامنے آگیا۔ ایسے کتنے ہی کیسز دبا دیے جاتے ہیں۔ کے پی کے کے ایک مدرسے کا واقعہ آج بھی تازہ ہے جس میں بچوں کو جنسی دردندگی کےد وران ایک ملا نے قتل کر دیا تھا مگر کیا ہوامعاملہ دبا دیا گیا۔ سوال یہ ہے کہ مدارس میں بسنے والے ان مذہبی ٹھیکیداروں کو کون پوچھے گا؟ بات یہی ہے کہ علما کی اس پر خاموشی کیوں ہے؟ کیا اس طرح کا فعل کسی اور سے ذد ہوا ہوتا تو یہی علما اب تک خاموش بیٹھے ہوتے۔ مذہبی اجارہ داری کو قائم رکھنے کے لیے یہی علما فتوے بانٹتے ہیں، ایک دوسرے کو کافر قرار دیتے ہیں مگر جب بات اپنے پر آتی ہے تو مکمل سکوت۔ دوغلا پن بھی کیسا ہے۔
ہفتہ، 19 جون 2021
شفقنا اردو
ur.shafaqna.com
چونکہ حکومت کا تمام تر ریونیو اور ذرائع ملک کے اخراجات پورے کرنے کے لیے کافی نہیں ہورہے جس کی بڑی وجہ اخراجات میں 15 فیصد اضافہ ہے یعنی یہ اخراجات حالیہ مالی سال میں 49۔8 ٹریلین روپے پر جا پہنچے ہیں اس لیے حکومت کوشش کر رہی ہے کہ وہ 8۔4 فیصد ٹارگٹ کو عوام ترقیاتی سکیموں میں بے بہا خرچ کر کے پورا کرے۔ اس سال حکومت نے ترقیاتی فنڈز کی مد میں 90 بلین ڈالر کی رقم مختص کی ہے۔ طلب کی بنیاد پر ہونے والی اس نمو کے ساتھ ساتھ افراط زر میں بھی اضافہ ہورہا ہے۔ تو کیا ہم اس سے یہ اندازہ لگا لیں کہ تاریخ خود کو دہرا رہی ہے یا حکومت کو اس بات کا احساس ہے کہ انہیں ایک مشکل ٹاسک کا سامنا ہے اس لیے وہ اس کے لیے نئے طریقے یا پرانے طریقوں میں بہتری لانے کا فیصلہ کر چکی ہے؟
سرمایہ کاری پر مرتب اثرات
دوسرا حکومت کی جانب سے مقامی بنکوں سے بے تحاشا قرض نجی سرمایہ کاری کو فروغ دے گا جس کو بجٹ میں ماضی کی طرح مکمل طور پر نظر انداز کر دیا گیا ہے۔ یہ بات اہمیت نہیں رکھتی کہ حکومت خصوصی سکیموں مثلا کامیاب جوان پروگرام وغیرہ کے ذریعے نوکریوں کے مواقع پیدا کرنے کی کوشش کر رہی ہے۔ اگر دیکھا جائے تو پاکستان کا سرمایہ کاری کا جی ڈی پی کے ساتھ تناسب خطے میں سب سے کم ہے۔ خاص طور پر مقامی ترقی نوکریوں اور معاشی نمو کے لیے بہت ضروری ہے۔ ماہرین کا خیال ہے کہ پاکستان کو نوجوانوں کو مکمل روزگار کی فراہمی کے لیے 6 سے 8 فیصد تک معاشی نمو درکار ہے۔ دیگر ماہرین بجی مقامی وینچرز کی اہمیت پر زور دیتے ہیں۔ حکومت یہ چاہتی ہے کہ ہم اس بات پر یقین کر لیں کہ عوامی ترقیاتی سکیموں پر خرچ اور نوکریوں کی تخلیق معاشی ترقی کا رستہ ہیں۔حکومت یہ بات لوگوں کو باور کرانا چاہتی ہے کہ اس طرح کے اخراجات چاہے کیسے ہی بے ربط ہوں معیشت اور عوامی فلاح کے لیے بہترین ہیں۔ اگر چہ ماضی میں ایسا ہوچکا ہے کہ ان منصوبوں پر ایک بڑی رقم خرچ کرنے کے بعد بھی مطلوبہ نتائج حاصل نہیں ہوئے تاہم اس کو پھر بھی مکمل طور پر رد نہیں کیا جاسکتا۔
بلاشبہ حکومتی اخراجات ایک ویلفیر ماڈل کی طرف اشارہ کرتے ہیں اور اس طرح کے ماڈل کے مثبت نتائج کی مثالیں بھی موجود ہیں۔ مثال کے طور پر 1930 کے عظیم قحط یا بحران کے دوران ریاستیں اپنے شہریوں کے بچاؤ کے لیے آگے آئیں ، اسی طرح مارشل منصوبے کے ذریعے دوسری جنگ عظیم کے بعد جب امریکہ نے یورپین ممالک کو براہ راست فنڈنگ شروع کی کہ وہ اپنی معیشتوں کو سہارا دے کر انہیں مضبوط بنا سکیں۔ دلچسپ بات یہ ہے کہ یہ امداد تیسرے ردجے کے ممالک بشمول پاکستان کو بھی دی گئی مگر بجائے اس کہ وہ اپنی معیشت کو درست کرتے وہ بین الاقوامی امداد پر انحصار کرنا شروع ہوگئے۔
حکومتی اخراجات کی بنیاد پر نمو
یہ ممکن ہے کہ حکومت کی جانب سے خرچ میں اضافہ اور ٹیکسز میں اضافہ مختلف وجوہات کی بنا پر جی ڈی پی گروتھ کا سبب بن سکتا ہے۔ اگر حکومتی خرچ بے روزگاروں کو نوکریوں کے حصول میں مدد دیتا ہے تو لوگوں کے پاس خرچ کے لیے رقم میں اضافہ ہوگا جس سے مشترکہ طلب میں بھی اضافہ ہوجائے گا۔ تاہم حکومت کی بہت سارے سماجی خرچ مالی اور تجارتی خسارے کی رو میں چلیں گے جس کا نتیجہ مزید قرضوں کی صورت میں نکل سکتا ہے اور خاص کر اگر ریونیو کے متبادل ذرائع نہ تلاش کیے گئے تو۔
مداخلت پسند بجٹ
اگر ماضی میں جائیں تو مشرف عہد کی پالیسیز خالصتا نمو اور ٹرکل ڈاؤن ایفیکٹ پر مشتمل تھی، اگر پی پی پی اور پی ٹی آئی کے سابقہ بجٹس پر نگاہ دوڑائی جائے تو وہ سب حالیہ بجٹ سے کہیں پیچھے دکھائی دیتے ہیں۔ اگر خطی آئینے میں دیکھا جائے تو ہم اس کو عوام مرکز کہہ سکتے ہیں جس میں مشترکہ نمو کا منصوبہ پسے ہوئے طبقے کو بھی فائدہ دے سکتا ہے اور اس کے لیے ٹرکل ڈاؤن ایفیکٹ کی بھی چنداں ضرورت نہیں۔ میرے خیال میں اس طرح کی مداخلت پسند اپروچ وقت کی ضرورت ہے اورمستقبل میں ایک قابل تعریف روڈ میپ ہے جو پاکستان کو ایک ویلفیر ریاست میں تبدیل کرنے میں مدد گار ثابت ہوسکتا ہے۔ پس یہ نیا بجٹ پسے ہوئے طبقے بشمول اقلیتوں کو مدد دینے اور ان کو اوپر لانے میں انتہائی اہم کردار ادا کر سکتا۔ اس طرح پاکستان کو امید کی ایک نئی کرن نظر آسکتی ہے۔
نچلے طبقے تک ثمرات: پاکستان مزید انتطار نہیں کر سکتا
فری مارکیٹ بہترین کام کر سکتی ہیں اور نچلے طبقے تک ثمرات نئی نوکریوں کی تخلیق اور ملازمت کے عمل کے حصول میں فری مارکیٹس بہت مفید ثابت ہوسکتی ہیں۔ تاہم وزیر خزانہ شوکت ترین کے مطابق پاکستان جیسے ملک کو نچلے طبقے تک ثمرات کی کی منتقلی کے لیے کم از کم بیس سال مسلسل معاشی نمو کی بلا رکاوٹ ضرورت ہے۔ تحریک انصاف کے اس ضمن میں بعض اقدامات قابل تعریف ہیں اور ورلڈ بینک نے بھی پاکستانی حکومت کے احساس پروگرام کو دنیا کے صف اول پروگراموں میں سے ایک قرار دیا ہے۔ یہ بات قابل افسوس ہے کہ ایوب کے دور میں 22 امیر خاندانوں کو مزید مراعات دے کر امیر کیا گیا او ریہ سمجھا گیا کہ اس کے اثرات نچلے طبقے تک جائیں گے مگر ایسا نہ ہوا۔
اس بجٹ میں احساس پروگرام کے لیے 260 بلین روپے کی رقم مختص کی گئی ہے جبکہ تنخواہ دار طبقے پر بھی کوئی ٹیکس نہیں لگایاگیا اور ان کی تنخواہوں میں دس فیصد اضافہ کیا گیا ہے۔ ٹیکس کو ختم کرکے ننخواہوں میں اضافے سے عوام میں خوشحالی آئے گی اس طرح غریب عوام کو فائدہ ہوگا۔ دلچسپ بات یہ ہے کہ حکومت اگر چاہے تو آمدن کو ٹیکس کی زد میں لاسکتا ہے۔ حکومت خرید رسید نظام کے تحت ٹیکس کی رقم اکٹھی کر سکتی ہے ۔ اس طرح ٹیکسز میں ایک طرز کا اضافہ شوکت ترین نے بتایا ہے کہ انعامی سکیموں پر ٹیکس یں اضافہ کر دیا جائے ۔ 250 ملین کے قریب انعامات ہر ماہ رسید رکھنے والے افراد میں تقسیم کیے جائیں ، اس سے نہ صرف معیشت کو کاغذی شکل میں لانے بلکہ تین لاکھ 12 ہزار ٹیکس ادا کرنے والے بھی ٹیکس نیٹ میں آجائیں گے۔
اب ایک سوال یہ پیدا ہوتا ہے کہ حکومت افراط زر اور مہنگائی پر کیسے قابو پائے گی جب کہ حکومت ٹارگٹڈ معاشی نمو کے حصول کے لیے بے بہا خرچ کرنے جا رہی ہے۔ باالفاظ دیگر مالی اور تجارتی خسارے میں اضافہ ہوگا تاوقتیکہ ٹیکس اور نان ٹیکس ریونیو ٹارگٹس حاصل ہوسکیں اور برآمدات کا حجم 30 بلین ڈالر تک نہ پہنچ جائیں۔ ترین کے مطابق مسلسل نمو کے لیے برآمدات کو جی ڈی پی کا 20 فیصد ہونا چاہے۔
جمعتہ المبارک، 18 جون 2021
شفقنا اردو
ur.shafaqna.com
قومی اسمبلی کے بجٹ سیشن کے اجلاس کے دوران گزشتہ روز بھی شور شرابا اور ہنگامہ آرائی کی گئی۔ مسلم لیگ (ن) کے صدر و قومی اسمبلی میں قائد حزب اختلاف شہباز شریف گزشتہ روز بھی ہنگامہ آرائی اور شور شرابے کے باعث تقریر نہ کرسکے۔ یہ مسلسل تیسرا دن ہے کہ اپوزیشن لیڈر تقریر نہیں کر سکے ہیں۔شہباز شریف نے سارجنٹ ایٹ آرمز کے حصار میں تقریر شروع کی تو حکومتی بینچز سے شور شرابا شروع ہوا جس پراسپیکر بار بار ارکان کو اپنی سیٹوں پر بیٹھنے کی تلقین کرتے رہے۔اجلاس کے دوران اپوزیشن رکن کی جانب سےحکومتی ارکان کی طرف بوتل پھینکی گئی، بوتل لگنے سے پی ٹی آئی کے اکرم چیمہ زخمی ہوئے، بوتل ان کی آنکھ پر لگی۔اسپیکر اسد قیصر نے کہا کہ بوتل کس نے پھینکی جس نے ماری ہے اس کو ایوان سے نکالیں۔ اسپیکر قومی اسمبلی کو ایک مرتبہ پھراجلاس ملتوی کیا اور کہا کہ ایوان کو تب تک نہیں چلائیں گے جب تک حکومت اور اپوزیشن جماعتیں کوئی لائحہ عمل نہ بنالیں۔
اس سے قبل سپیکر قومی اسمبلی اسد قیصر نے ایوان میں ہنگامہ آرائی اور غیر پارلیمانی زبان استعمال کرنے والے سات حکومتی اور اپوزیشن ارکان کے خلاف کارروائی کرتے ہوئے اسمبلی میں داخلے پر پابندی عائد کر دی ہے۔ قومی اسمبلی اسمبلی سیکرٹریٹ کی جانب سے بدھ کو جاری کیے گئے بیان کے مطابق سپیکر نے گذشتہ روز ایوان میں ہنگامہ آرائی اور غیر پارلیمانی زبان استعمال کرنے پر قواعد کے تحت کارروائی کرتے ہوئے اسمبلی حدود میں داخلے پر پابندی عائد کی ہے۔ ترجمان قومی اسمبلی کے مطابق ’یہ پابندی اگلے احکامات تک جاری رہے گی۔ جن اراکین پر پابندی لگائی گئی ہے ان میں پاکستان تحریک انصاف کے تین ارکان علی نواز اعوان، عبدالمجید خان اور فہیم خان، مسلم لیگ ن کے بھی تین ارکان شیخ روحیل اصغر، علی گوہرخان، چوہدری حامد حمید اور پیپلز پارٹی کے آغا رفیع اللہ شامل ہیں۔
اہم بات یہ ہے کہ گزشتہ روز قائد حزب اختلاف شہباز شریف اور پاکستان پیپلز پارٹی کے چیئرمین بلاول بھٹو زرداری کی پارلیمنٹ ہاؤس میں ملاقات کی۔ اس ملاقات کے بعد متحدہ اپوزیشن نے سپیکر قومی اسمبلی اسد قیصر کے خلاف تحریک عدم اعتماد لانے کا فیصلہ کیا ہے ۔ یہ فیصلہ متحدہ اپوزیشن کے قائدین کی بیٹھک میں اہم مشاورت کے بعد کیا گیا۔ ایسا لگ رہا ہے کہ اپوزیشن نے اپنی توپوں کا رخ ڈپٹی سپیکر کی بجائے سپیکر کی طرف کر لیا ہے۔ ۔ اپوزیشن نے سپیکر کی جانب سے 7 ارکان پر بندش کا فیصلہ مسترد کرتے ہوئے حکومت اور اپوزیشن کی یکساں نمائندگی پر مشتمل پارلیمانی کمیٹی تشکیل دینے کا مطالبہ کیا ہے۔کمیٹی کو سپیکر قومی اسمبلی کیخلاف عدم اعتماد کے لئے ٹاسک دیا جائے گا۔ اس سے پہلے اپوزیشن ، قومی اسمبلی کے ڈپٹی اسپیکر قاسم سوری کے خلاف تحریک عدم اعتماد لاچکی ہے جس پر شیڈول کے مطابق ووٹنگ جمعہ کے روز ہوگی۔ اس بات کا امکان نہیں ہے کہ موجودہ حالات میں اپوزیشن عدم اعتماد کی کوئی تحریک منظور کروا سکے گی۔ اس لئے ان تحریکوں کو الزام تراشی کے سلسلہ کی کڑی ہی سمجھنا چاہئے جو اصل مسائل سے توجہ ہٹانے کے علاوہ اپوزیشن کے لئے نئی ناکامیاں سمیٹنے کا سبب بنیں گی۔
پارلیمانی اجلاسوں میں ہلڑ بازی تو کوئی نئی بات نہیں ہے۔ پاکستان کی قومی اسمبلی میں بھی یہ پہلا موقع نہیں تھا کہ ارکان اسمبلی نے ایک دوسرے کا گریبان پکڑنے کی کوشش کی اور نہ ہی یہ آخری موقع ہوگا۔ البتہ معاملہ کی سنگینی اور اپوزیشن اور حکومت کے درمیان تصادم کی موجودہ صورت حال کی وجہ سے اس واقعہ کو تشویشناک سمجھا جارہا ہے۔ لیکن جو پہلو اس ہنگامہ آرائی کو ناقابل معافی بناتا ہے وہ ملک میں جمہوریت پر اس کے اثرات کے حوالے سے ہے۔ اپوزیشن پارٹیاں اگر تہ دل سے یہ مانتی ہیں کہ حکومت نے جان بوجھ کر ہنگامہ آرائی کی اور اپوزیشن کو اشتعال دلایا تو اسے اس بات کا جواب بھی دینا چاہئے کہ پھر وہ اس سرکاری ’منصوبہ‘ کا حصہ کیوں بنے۔ حکومت اگر بجٹ بحث سے بچنا چاہ رہی تھی تو بھی اور اگر عمران خان کی قیادت میں حکمران عناصر ملک میں جمہوریت کو کمزور کرنا چاہ رہے ہیں تو بھی ، اپوزیشن نے اس کھیل میں شریک ہوکر جمہوریت کے لئے اپنے دعوؤں کی تکمیل نہیں کی بلکہ حکومت کے غیر جمہوری منصوبہ کو پایہ تکمیل تک پہنچانے کے لئے دست تعاون دراز کیا ہے۔ اس حوالے سے حکمران ہوں یا اپوزیشن والے سب ایک ہی تھیلی کے چٹے بٹے ہیں۔
شہباز شریف اور بلاول بھٹو زرداری کے درمیان بڑھتی ہوئی قربت کسی جمہوری عمل کو توانا کرنے کی کوششوں کی بجائے ملک میں ’ووٹ کو عزت دو‘ کے ابھرتے ہوئے رجحان کی حوصلہ شکنی کا راستہ ہے۔ شہباز شریف نہ کبھی عوامی لیڈر رہے ہیں اور نہ ہی انہوں نے اسٹبلشمنٹ کے تعاون سے اقتدار حاصل کرنے کے بارے میں اپنی خواہش کو پوشیدہ رکھا ہے۔ گزشتہ چند ماہ کے دوران پیپلز پارٹی نے بھی ملک کی حالیہ سیاسی تاریخ میں دوسری بار عوامی طاقت کی بجائے ’حکومت سازوں‘ کی کٹھ پتلی بننے کا اشارہ دیا ہے۔ اب عمران خان، شہباز شریف اور بلاول بھٹو زرداری کی شکل میں یہ قوتیں زور پکڑے ہوئے ہیں اور ایک دوسرے کو نیچا دکھانے کا ڈرامہ رچا کر درحقیقت جمہوریت اور عوامی خواہشات کا گلا گھونٹنے کا مشترکہ مقصد حاصل کرنا چاہتی ہیں۔
جمعرات، 17 جون 2021
شفقنا اردو
ur.shafaqna.com
تقوٰی کیا ہے؟ تقوی دنیاوی اور اخروی زندگی میں ہماری درست منزل ہے۔ قرآن کریم میں ارشاد ہے” بے شک پرہیزگاروں کے لیے کامیابی ہے۔ ( القرآن 31: 78) ۔
اسی طرح فرمایا کیوں کہ وہ اللہ کے سامنے آپ کے کچھ بھی کام نہ آئیں گے، اور بے شک ظالم ایک دوسرے کے دوست ہیں، اور اللہ ہی پرہیزگاروں کا دوست ہے۔(القرآن : 19: 45)۔
تقوی کا مطلب ہے کہ آپ ہر وقت اللہ سے ڈرتے رہیں۔ تقوی کا مطلب ہرگز یہ نہیں کہ ہم اس لی نیک اعمال کریں کہ ہمیں اس کا انعام ملے گا یا پھر سزا کے خوف سے بلکہ تقوی کا مطلب ہے ہر عمل اللہ کی خوشنودی کے لیے کرنا۔
نہ صرف اس دنیابلکہ آخرت میں بھی تقوی سچائی اورراست بازی کا رستہ ہے۔ آخرت کے مقصد کو مدنظر رکھ کر اگر ہم تقوی کے مطابق زندگی گزاریں تو درحقیقت ہم سنت کے تابع ہوجائیں گے اور یہی انسان کی حقیقی فطرت ہے اور اندرونی سکون کا ذریعہ ہے۔ بعض مذہبی سکالر اس بات کے قائل ہیں کہ جنت اور دوزخ نہ صرف وجودی جگہیں ہیں بلکہ ہماری روحانی اور جذباتی حالت کا استعارہ ہے۔ تقوی یقینا ہماری منزل ہے اور اس منز ل کے حصول کے لیے عملی اقدامات کی ضرورت ہوتی ہے۔ ہم دیکھتے ہیں کہ کون سے ایسے اقدامات ہیں جن کی بدولت ہم تقوی کے رستے کو اختیار کر کے اللہ کی خوشنودی حاصل کر سکتے ہیں۔
1. شکر گزاری
ارشاد باری تعالی ہے” اور جب تمہارے رب نے سنا دیا تھا کہ البتہ اگر تم شکر گزاری کرو گے تو اور زیادہ دوں گا، اور اگر ناشکری کرو گے تو میرا عذاب بھی سخت ہے۔ (’القرآن 14:7).
اس کا کیا مطلب ہے کہ اللہ تمہیں اور دے گا؟ یہ بات بہت واضح ہے کہ جب ہم اللہ کے شکر گزار بندے بنیں گے تو اللہ ہمیں اس شکرگزاری کے عوض اور زیادہ دے گا۔یہ پہلو ایک نفسیاتی حقیقت کا اظہار ہے کہ اگر ہمارے پاس جو ہے اور جب ہے ہم اس پر شکر گزار رہیں تو ہمیں لگے گا کہ ہمارے پاس سب کچھ ہے۔ حتی کہ آپ خود کو دولتمند سمجھنے لگیں گے۔ دن کے کسی بھی لمحے ہمارے پاس بہت ساری وجوہات ہیں کہ ہم اللہ کا شکر ادا کریں جیسا کہ حرارت کی نعمت، کپڑے، دیکھنے کو آنخھیں اور دیگر بہت ساری چیزیں جن سے ہمیں اللہ نے نواز رکھا ہے۔شکر گزاری نہ صرف ہماری اپنی ذہنی صحت کے لیے ضروری ہے بلکہ یہ اللہ کے قریب کرنے کا سبب بھی بنتی ہے۔
بسا اوقات ہمیں اس چیز پر بھی غور کرنا چاہیئے کہ ہمارے پاس کس چیز کی کمی ہے۔ یقینا خواہشات کا پورا نہ ہونا ہمیں مضطرب کر دیتا ہے تاہم اگر ہم دوسری جانب اس بات پر غور کریں کہ ہمارے پاس کیا کیا نعمتیں موجود ہیں تو یقینا یہ اداسی دور ہو جائے گی اور ہم اللہ کےشکر گزار بندے بن جائیں گے۔تحقیق سے یہ بات ثابت ہوتی ہے کہ وہ لوگ جو مسلسل شکر کرتے زیادہ خوش، زیادہ پر امید اور اپنی زندگی کو دوسروں کی نسبت بہتر محسوس کرتے ہیں۔ شکر گزاری ایک وسیع اصطلاح ہے جس کا اظہار کئی طرح سے ہوسکتا ہے۔سونے سے قبل ہم ایسی چیزوں کی فہرست مرتب کر سکتے ہیں جن کے لیے ہم شکر گزار ہیں ۔ہم اپنی عبادات کا آغاز بھی اللہ کے شکر سے کر سکتے پیں اس سے ہم ایک اچھے ذہن کے ساتھ عبادات کا آغاز کر سکتے ہیں۔
عبادات کے علاوہ ہم مراقبے اور ذکر میں بھی وقت صرف کر سکتے ہیں۔ اور اس کاسب اچھا طریقہ الحمد ولللہ کا ہر اس موقع پر ورد ہے جس کے لیے ہم شکرگزار ہیں۔ اس طرح کا ذکر آسان ہے عبادت کے بعد یا چلتے پھرتے کسی بھی وقت ہو سکتا ہے۔ ہمیں اپنے اردگرد موجود لوگوں کا بھی ان کی مدد، محفل اور ساتھ دینے کے لیے شکر گزار ہونا چاپیے۔ اس حوالے سے حضور نبی کریم صلی اللہ علیہ والہ وسلم کا یہ فرمان یاد رکھنا چاہیے۔ وہ جو لوگوں کا شکر ادا نہیں کرتا اللہ کا شکر ادا نہیں کرتا۔ امید ہے کہ ہم میں سے ہر ایک اللہ کی نعمتوں کے لیے شکر ادا کرے گا۔
روزانہ کی بنیاد پر لی جانے والی اسلامی کلاسز ایک اچھا فعل ہے۔ کیونکہ سیکھنے کے مسلسل عمل سے ہی ہم اپنے لیے اور اپنے اردگرد موجود لوگوں کے لیے سود مند ثابت ہوسکتے ہیں۔ ایک اچھی کلاس اور کتاب نہ صرف ہماری معلومات میں اضافہ کرتی بلکہ دین اسلام کے قوانین کے متعلق ہمیں آگاہ کرتی ہے۔ آج کل انٹرنیٹ بھی سیکھنے کے عمل کا ایک بہترین ذریعہ ہے جس کی مدد سے ہم بہت ساری تنظیموں کی آن لائن لائبریزیز اور مواد تک رسائی حاصل کر کے اس کا مطالعہ کر سکتے ہیں۔ اس کی دو اہم مثال سیکر گائیڈینس اور القلم انسٹیٹیوت ہیں جو کہ مفت میں بہترین آن لائن مواد فراہم کرتی ہیں۔ اگر ہم نئے مواد کے مطالعے سے قاصر ہیں تو کم از کم ہم نے جو کچھ سیکھ رکھا ہے اسے ہی روزانہ دوہرا لیں۔ یہ تمام چیزیں کتب، مضامین، اسلامی بات چیت، پوڈکاسٹ، یا جمعے کے خطبے کی صورت میں ہوسکتی ہیں۔
یاددہانی ہماری زندگیوں میں مثبت پیغام کو مضبوط کرتی ہیں ۔ بعض اوقات ہم ایک اہم حدیث سن لیتے ہیں یا کوئی اس طرح کا اہم پیغام سن لیتے ہیں تاہم ہم ان کے بنیادی پیغام اور مقصد کو بھول جاتے ہیں ۔ باربار چیزوں کی دہرائی سے یہ اہم باتیں ہمیں مستقل طور پر یاد ہوجاتی ہیں بار بار یاددہانی سے ہم اپنی یادداشت کو بہتر بناسکتے ہیں اس لیے جب ہم روزمرہ زندگی میں کسی امتحان سے گزرتے ہیں یا ہمیں کوئی نعمت عطا ہوتی ہے تو ہم سبق کا یاد رکھتے ہیں اور اللہ کا درست انداز میں شکر ادا کرتے ہیں۔ نعمتوں کے وقت ہم اس کے شکرگزار بندے بنتے ہیں اور مشکل کے وقت ہم صابر بنتے ہیں اور اللہ کی مدد طلب کرتے ہیں۔
3۔ اچھی محفل
حضور نبی کریم صلی اللہ علیہ والہ وسلم کا فرمان ہے کہ : ایک اچھے دوست کی مثال جس کے ساتھ آپ اٹھتے بیٹھتے ہیں ایسے ہی ہے جیسے کوئی خوشبو بیچنے والا ہو جب کہ ایک برے دوست کی محفل کی مثال ایسے ہی ہے جیسے کوئلے کی دھونکنی ولا جو نہ صرف تمہارے جسم کو بلکہ کپڑوں کو بھی جلا دیتا ہے یا پھر تم سے بدبو آنا شروع ہوجاتی ہے” ۔
ہم میں سے ہر ایک کے اوسط پانچ دوست ہوتے ہیں ، اور اگر ہمارے اردگرد ہماری محفل اچھے لوگوں سے ہو جو کہ صورتحال کو مثبت تناظر میں دیکھنے کے عادی ہوں، ہمیں وقت پر عبادات کی یاددہانی کراتے ہوں، مستقل زکرو اذکار کرتے ہوں اور اپنی باتوں اور عمل سے ہر وقت اللہ کو یاد رکھتے ہوں تو ہم دیکھتے ہیں کہ ان کی محفل میں ہمارے اندر بھی یہی تبدیلیاں پیدا ہونا شروع ہوجاتی ہیں۔ اسی طرح اگر ہمارے دوست روحانی طور پر بھی ہمارے جیسے ہوں اور ایک جیسے مقاصد کے حصول کے لیے کوشاں ہوں ، یعنی اللہ کے قرب کے خواہاں ہو اور معاشرے میں اچھائی پھیلانا چاہتے ہوں ۔ تو اس صورت میں ہم اور بھی زیادہ آسانی سے اپنی زندگی کے مقاصد حاصل کر سکتے ہیں۔ جب کہ بری محفلوں کا اثر یہ ہوتا ہے کہ ہم اپنی منزل سے دور ہوتے چلے جاتے ہیں۔
4۔ نیک اور اچھے خیالات
بلاشبہ جس طرح کی ہماری محفل ہوتی ہے ایسے ہی ہمارے ذہن کی نشونما ہوتی ہے ۔ اگر ہم روز مرہ زندگی میں ہر چیز کے مثبت پہلووں کو تلاش کرنا شروع کر دیں تو یہ ہماری فطرت ثانیہ بن جائے گی۔ اکثر اوقات یہ ہمارے لیے بہت بہتر ثابت ہوتا ہے کہ اہم اپنے بنیادی عقائد، اقدار اور طرز زندگی کی تفتیش شروع کر دیتے ہیں۔ اس بات پر غور کرنا کہ کیا چیز ہماری ذہنی رو کو چلاتی ہے اور کس طرح ہم اللہ کا شکر اداکرسکتے ہیں بہت ہی اہم ہے۔ مثال کے طور جب ہم کسی اچھے ریسٹورنٹ پر کھانا کھاتے ہیں تو ہمارے اندر باورچی والی ذہنیت اجاگر ہوجاتی ہے۔ کھانے پر تنیقد کے علاوہ ہم کھانے کا صحیح طرح سے معائنہ کرتے ہیں کہ اس کی تکمیل میں کیا کیا خامیاں رہ گئی ہیں اور جب کوئی چیز ہماری توقعات پر پوری نہیں اترتی تو ہم اس پر تننقید کرتے ہیں۔ اس کی وجہ یہ ہے کہ ہم ایسے ملک میں رہتے ہیں جس میں خوراک کی بہتات ہے تاہم اگر ہم چیزوں کو مثبت انداز میں دیکھنا شروع کر دیں تو ہم اس کھانے پر اللہ کے شکرگزار ہوں گے۔ اس بات کے شکر گزار کے اس نے ہمیں آج کھانا عطا کیا جبکہ دنیا میں اس وقت کئی لوگ بھوکے ہوں گے۔ جس طرح ہمارے اجسام کی پروش خورا ک کی وجہ سے ہے ویسے ہی ہمارے اذہان اور سوچوں کی خوراک معلومات ہیں۔ اور ہمارے ذہنوں کو یہ خوراک ویسے ہی ملے گی جیسی ہماری محفل ہوگی، جیسی ہم کتب کا مطالعہ کریں گے یا جیسی فلمیں یا ڈرامے دیکھیں گے۔
5۔ نیک ارادے
ارشاد نبوی صلی اللہ علیہ والہ وسلم ہے کہ اعمال کا دارومدار نیتوں پر ہے اور ہر کس کو اس کی نیت کے مطابق اجر ملے گا”۔ پس اپنے خیالات کے علاوہ ہم کسی بھی کام سے قبل اپنی نیت کا تعین کر لیں۔ اپنی نیت کو واضح کرکے ہم اپنی سوچوں کو واضح کر کے اپنے مقصد پر مکمل دھیان دے سکتے ہیں یعنی اللہ پاک کو بھی راضی کر سکتے ہیں اور اطمینان قلب بھی حاصل کر سکتے ہیں۔ پس کسی بھی کام سے قبل ہمیں بسم اللہ پڑھنے کے لیے محض دو سیکنڈ کا وقت درکار ہوتا ہے لیکن ہم اکثر یہ دو سکینڈ بھول جاتے ہیں ۔ ایک سکالر کے مطابق مسلمانوں کے مسائل کی بڑی وجہ یہ نہیں کہ ان کی نیتیں صاف نہیں بلکہ یہ ہے کہ ان کی کوئی نیت یا ارادہ سرے سے ہے ہی نہیں۔
زندگی کے بہت سارے کاموں میں ہم آٹو پائلٹ کی طرح ہوتے ہیں ، ہم سوجاتے ہیں کیونکہ ہمیں نیند آئی ہوتی ہے یا رات بہت گزر چکی ہوتی ہے۔ مگر سوچیں کہ سونے سے قبل اس بات پر کتنا وقت لگتا ہے کہ آپ صرف ذہن میں یہ بات دہرا لیں کہ مجھے فجر کی نماز کے وقت اٹھنا ہے۔ اس طرح اگر انسان نیت کر لے تو اس کا کس قدر اجرو ثواب ہے۔ پس تقوٰی کے حصول کے لیے ہمیں غور وفکرکرنے کی ضرورت ہے۔ ان شا اللہ اللہ ہماری حامی و مددگار ہوگا۔
منگل، 15 جون 2021
شفقنا ردو
ur.shafaqna.com
غزہ اور مغربی کنارے پر صیہونی ریاست کے ظالمانہ تشدد سے پوری دنیا میں مظاہروں کا سلسلہ شروع کر دیا اور اس کے ساتھ ساتھ فلسطینی مزاحمت نے ان احتجاجوں کو ایک نئی جہت عطا کی جبکہ بعض حلقوں نےاسے تیسرے انتفادہ کا نام بھی دیا۔دوسری جانب مغربی سامراجی قوتوں اور مسلمان ریاستوں بشمول پاکستان نے سوائے تشدد کے خاتمے کے بیانات جاری کرنے کے علاوہ کچھ نہیں کیا۔ جس سے ہمیں یہ بات سمجھ میں آئی کہ ہمارے حکمران بھی اسرائیل ساتھ شریک جرم ہیں۔ سخت تناو میں ہونے والا یہ سیز فائر پوری دنیا کی مقبول قوتوں کی ایک چھوٹی سی فتح ہے۔تاہم یہ بات ہرگز نہیں بھولنی چاہیے کپ غزہ پر اسرائیلی حملوں میں تعطل کا مطلب ہرگز نہیں کہ مقبوضہ قوت فلسطینیوں کی روزانہ کی بنیاد پر تذلیل کا عمل بند کردے گی۔ شیخ جراح اور مغربی کنارے کے نواح میں یہودی آبادکاریوں کا سلسلہ بلا تعطل جاری ہے۔
فلسطینی عوام 1880 سے مشکلات کا شکار ہیں اور اس کی وجہ 1916 کا بیلفور اعلامیہ تھی جس کا نتیجہ 1948 میں مغربی طاقتوں کی جانب سے فلسطین کے ساتھ اسرائیل کا زبردستی الحاق تھا۔ 1967 میں عرب ریاستوں کی اسرائیل کے ساتھ جنگ میں بدترین شکست کے بعد اسرائیل نے غزہ اور مغربی کنارے کو ایک منظم اپارتھائیڈ کا نشانہ بنایا ہے۔ جب فلسطینی عوام نے دونوں انتفادہ 1987 تا 1993 اور 2000 تا 2005 کے دوران سخت مزاحمت کی تو نتیجے میں اسرائیل نے ان کا قتل عام شروع کر دیا۔ گزشتہ 73 برسوں سے مغربی سامراجیت اور کٹھ پتلی مسلمان حکمرانوں بشمول پاکستان نے فلسطینی قومی آزادی کی جدوجہد کو کچلنے کے لیے صیہونی مظالم کا پس پردہ ساتھ دیا ہے۔ اس حوالے سے صرف 1950 سے 1970 کا عرصہ منفرد تھا کیونکہ اس دوران بین الاقوامی انقلابیت کا عمل اپے عروج پر تھا اورپوردی دنیا میں نو آبادیات سامراجی اور سرمایہ دار آقاؤں سے آزادی طلب کر رہی تھی ۔
بدقستمی سے پاکستان اور دیگر مسلم ممالک نے فلسطین کاز کی اسی طرح حمایت کی جس طرح انہوں دیگر سامراجیت مخالف کازز کی کی تھی جیسا کہ ہو چی منہ کی سربراہی میں ویتنام کی قومی آزادی کی تحریک کی حمایت، احمد بن بیلا کی سربراہی میں الجیریا کی آزادی کی تحریک ، پیٹرس لوممبا کی کوششوں سے کانگو کی آزادی کی تحریک اور چی گویرا اور فیدل کاسترو کی کیوبا کے انقلاب کی تحریک کی حمایت وغیرہ۔ جبکہ دوسری جانب پاکستان کی نوجوان نسل کے ذہن میں یہ بات راسخ کر دی گئی ہے کہ تمام سیاسی مقاصد کو مسلمان آئینے میں دیکھنا چاہیے۔ حقیقت یہ ہے کہ پاکستان کی اسٹیبلشمنٹ سرد جنگ کے دوران مغربی سامراجیت کے ساتھ کھڑی رہی ہے۔ پاکستان نے افغانستان، فلسطین اور دیگر مسلم اکثریتی علاقوں میں دائیں بازو کے انتہا پسندوں کی سرپرستی کی تاکہ بائیں بازو کی ترقی پسند تحریکوں کا رستہ روکا جاسکے۔
درحقیقت پاکستان کی اسٹیبلشمنٹ ، اس کی بڑی سیاسی جماعتوں اور اس کی راسخ العقیدہ انٹلیجینشیا تذلیل اور استحصال کے سیاسی و معاشی نظام کے ساتھ ایمانداری سے جڑے ہیں اور یہ دراصل آباد کنندہ نوآبادیت کی ہی قسم ہے۔ سابقہ فاٹا، سندھ، گلگت بلتستان ، بلوچستان اور ایسے شہری علاقوں کا تصور ذہن میں رکھیں جس کو ملک ریاض جیسے بزنس ٹائیکون پاؤن تلے روند دیتے ہیں، کیا یہ سب آباد کنندہ نوآبادیات کا حصہ نہیں۔ سرمایہ دارانہ سامراج کے مقامی اور بین الاقوامی اظہار کے مابین چلتا یہ نظام درحقیقت فلسطین کی قومی جدوجہد کی نفی ہے اسی اثنا میں اگر دیکھا جائے تو اسرائیلی دہشت گردی کے خلاف علامتی مزاحمت کا اظہار دراصل اسرائیل میں بسنے والے یہودیوں کی جانب سے ہی کیا جاتا ہے۔ اگر ماضی پر نظر دوڑائی جائے تو ہم دیکھتے ہیں کہ کس طرح جنگی جنون میں مبتلا امریکہ کو اپنے ملک میں جاری مقبول بغاوتی تحریک کی وجہ سے ویتنام سے نکلنے پر مجبور کر دیاگیا تھا۔
حتی کہ سرد جنگ اور نظریاتی جنگ کے اختتام پر جنوبی افریقہ میں اپارتھائید کے خلاف ترقی پسندوں کے خیالات کا پرچار پوری دنیا میں ہوتا نظر آیا۔ الغرض 1994 میں ایک عالمی جدوجہد جس نے سفید اکثریت افریقن حکومت کو اسکے گھٹنوں پر جھکنے پر مجبور کر دیا اور نیلسن منیڈٰال اور ان کی افریقن نیشل کانگریس نے ملک کی باگ ڈور سنبھال لی۔ 21 ویں صدی کی تیسری دہائی میں فلسطین انسانی ضمیر پر سب سے بڑا دھبہ ہے۔ آج فلسطین کی آزادی کے لیے کھڑے ہونے کا مطلب دراصل تمام مقاصد کے لیے ، تمام طبقوں کی آزادی ، نسلی اور قومی جبر و بربیرت کے خؒلاف کھڑا ہونا ہے. آج بھی افریقہ دنیا کے سب سے بڑا غیر غیر منصفانہ اور عدم مساوات پر مشتمل معاشرہ ہے۔ پاکستان بھی دنیا کی سب سے زیادہ عسکری پسند اور نیو کالونیل ریاست ہے۔ اس کے ساتھ ساتھ سرمایہ دارانہ سامراجیت پوردی دنیا میں کام کرنے والے افراد کا بلا تفریق استحصال کر رہی ہے۔ جب تک ہم سب آزاد نہیں ہوجاتے تب تک ہم میں سے کوئی بھی آزاد نہیں۔
پیر، 14 جون 2021
شفقنا اردو
ur.shafaqna.com
ایک اور واقعے میں بھارت میں غیر ایک غیر مجاذ شخص سے ایٹمی مواد کی برآمدگی نے بھارتی میڈیا کی ہیڈلائنز میں نمایاں جگہ پائی مگر بین الاقوامی میڈیا نے اسے مکمل طور پر نظر ا داز کر دیا۔ 4جون 2021 کو بھارتی میڈیا نے رپورٹ کیا کہ حکام نے مشرقی ریاست جھاڑ کھنڈ سے سات افراد کو گرفتار کر کے ان کے قبضے سے 4۔6 کلوگرام یورینیم برآمد کی۔ ایک مہینے میں یہ دوسری مرتبہ ہے کہ بھارتی حکام نے ایک ایسے گینگ کو گرفتار کیا جو غیر قانونی طریقے سے یورینیم بیچنے کی کوشش کی ہے۔ اسی طرح کا ایک حادثہ مئی 2021 میں رپورٹ کیا گیا تھا جس میں ایک شخص 7 کلو گرام یورینیم بلیک مارکیٹ میں فروخت کرنے کی کوشش کر رہا تھا۔ بھارتی حکام اس بات پر یقین رکھتے ہیں کہ یہ ایک بڑا گینگ ہے جو یورینیم کی غیر قانونی تجارت کرنا چاہتا ہے۔
یہ بہت سنجیدہ معاملہ ہے کیونکہ اس کا مطلب دو چیزیں ہیں پہلی چیز بھارت کا مقامی یورینیم ریزرو اور ریڈیو ایکٹو نیوکلیر میٹریل ہےاور اس کی ایٹمی سہولیات کا محفوظ نہ ہونا ہے اور پھر بلیک مارکیٹنگ کے لیے آسان شکار ہونا ہے۔ دوسرا یہ صورتحال تب پیدا ہوئی ہے کہ بھارت ایٹمی مواد کی حفاظت کے بین الاقوامی قوانین کا پابند نہیں ہے جیسا کہ اقوام متحدہ کی قرارداد 540 اور آئی اے ای اے کے قانون سی پی پی این ایم جو کہ ایٹمی مواد ، ایٹمی ریزروز اور سہولیات کی حفاظت کے متعلق ہے اس کا پابند نہ ہونا ہے۔لیکن اس سارے کھیل میں سب سے خطرناک چیز بین الاقوامی دنیا کا امتیازانہ رویہ ہے جو کہ بھارت کی جانب سے ایٹمی قوانین، طور طریقوں اور ریگولیشنز کی خلاف ورزی ،پر خاموش تماشائی بنی ہوئی ہے۔ دنیا نے بھارت کے ایٹمی اثاثوں کے تحفظ پر مکمل خاموشی اختیار کر رکھی ہے۔
اگرچہ ان دونوں واقعات میں یورینیم قدرتی حالت میں ملی ہے جو کہ بم بنانے کے لیے استعمال نہیں ہو سکتی تاہم یہ بہت خدشے کی بات ہے کیوں کہ قدرتی حالت میں بھی یورینیم کو روایتی دھماکہ خیز مواد کے لیے استعمال کیا جا سکتا ہے۔مزید بر آں بھارتی حکام اس بات پر غور کر رہے ہیں کہ یہ ایک مقامی گینگ ہے جو کہ یورینیم کی غیر قانونی سپلائی میں ملوث ہے۔ اس سے یہ سوال پیدا پوتا ہے کہ اب تک بلیک مارکیٹ میں کتنی یورینیم فروخت ہو چکی ہے۔یہ تو وہ حادثات ہیں جو کہ میڈیا نے رپورٹ کیے پیں مگر ایسے کوئی واقعات ہوں گے جن رپورٹ ہی نہیں ہوئے ہوں گے۔ یہ گینگ اس علاقے سے گرفتار ہوا ہے جہاں جھاڑ کھنڈ کی یورینیم کی کانیں موجود ہیں جس سے نان سٹیٹ ایکٹرز کے ملوث ہونے کو نظر انداز نہیں کیا جا سکتا۔
یہ واقعات بین الاقوامی سیکورٹی اور استحکام کے لیے بہت خطرناک ہیں کیونکہ بلیک مارکیٹ میں فروخت ہونے والا یہ مواد نان سٹیٹ ایکٹرز کے علاوہ ایٹم بم کی تیاری کی خواہاں ممالک بھی خرید سکتے ہیں۔ بدقسمتی سے اس موقع پر ایٹمی مواد کے پھیلاؤ کے لیے کی جانے والی تمام تر کوششوں کو نقصان پہنچے گا۔ بھارت کے سی پی پی این ایم کے مبمبر ہونے کے باوجود ایٹمی مواد کے اس طرح بار بار مارکیٹ میں پھیلاؤ انہتائی خطرے کا سبب ہے۔ سی پی پی این ایم ک علاوہ بھارت نے اقوام متحدہ کی قرارداد نمبر 1540 پر بھی دستخط کیے ہیں جس کے تحت ریاستوں کے لیے لازم ہیں کہ وہ ایٹمی مواد کی سیکورٹی ، ریگولیشن، میکانزم، اور سامان کی ہر طرح سے حفاظت یقینی بنائیں تاکہ ایٹمی ہتھیار نا سٹیٹ ایکٹرز کی دسترس سے محفوظ رہیں۔ لیکں حیران کن طور پر اب تک اقوام متحدہ یا کسی اور بین الاقوامی ادارے نے اس بات کا نوٹس تک نہیں لیا بلکہ بھارتی حکومت نے ان واقعات پر بھر پور انداز میں پردہ ڈالنے کی کوشش کی ہے۔ اس طرح کے واقعات بھارت میں بار بار وقوع پزیر ہورہے ہیں۔ یہ واقعات، 2003، 2008، 2009، 2013، 2016 ، 2019 اور پھر 2021 میں رپورٹ ہوئے۔
نیوکلیر سیفٹی اور سیکورٹی کسی بھی ریاست کا اندرونی معاملہ ہے تاہم یہ ہتھیار جس طرح کے بڑا نقصان پہنچانے کی صلاحیت رکھتے ہیں اس حساب سے یہ مقامی نہیں بلکہ بین الاقوامی خدشے کا سبب ہے۔ خاص طو رپر جس طرح بعض ریاستوں پر تنقید کی جاتی ہے اور بعض کی تعریف اور جس طرح ان کو نوازا جاتا ہے اس تناظر میں یہ واقعات بہت اہم ہیں۔ اس حوالے سے بھارت ایک منفرد کیس ہے کیونکہ جہاں نیوکلیر سپلائر گروپ مستقبل میں اس طرح کے واقعات کی روک تھام کی بات کرتا ہے وہیں پریہ 1974 میں بھارت کے ایٹمی دھماکے کو پر امن دھماک قرار دیتا ہے۔ بدقسمتی سے اسی نیوکلیر سپلائر گروپ نے کچھ سال قبل بھارت کو نیوکلیر برآمدات کی اجازت بھی دی تھی۔
مزید برآں بھارت کو دیگر معاہدوں مثلا میزائل ٹیکنالوجی کنٹرول رجیم آسٹریلیا گروپ اور وسینار ارینجمنٹ کا حصہ بھی بنایا گیا ہے۔ اگرچہ یہ فیصلے زمینی و خطی حقائق کو مدنظر رکھ کر کیے گئے ہیں کیونکہ مغرب چین کے خلاف بھارت کو توازن سمھتا ہے اس لیے اس نے بھارت کو مکمل آزادی دے رکھی ہے۔ حتی کہ امریکہ سے جاری ایک نیوکلیر سیکورٹی انڈیکس کے حوالے سے جاری ایک رپورٹ کے مطابق بھارت پاکستان کے مطابق میں ایٹمی مواد کے حوالے سے بہت ہی غیر محفوظ ملک ہے۔ کیونکہ حال ہی میں ایٹمی مواد کی چوری کے بے تحاشا واقعات بھارت میں رپورٹ ہوچکے ہیں تاہم بھارت پھر بھی بے شرمی سے نیوکلیر سپلائر گروپ کا حصہ بننے کا خواہاں ہے۔
ایٹمی مواد کی مسلسل چوری کے واقعات نے بھارت کی ایٹمی سیکورٹی کی قلعی کو کھول کر رکھ دیا ہے۔ اگر مستقبل میں اقوام متحدہ کی قرارداد 540 اور سی پی پی این ایم جیسے قوانین بھارت پر سختی سے لاگو نہیں کیے جاتے تو نہ صرف جنوبی ایشیا بلکہ پوری دنیا کی سیکورٹی کو خطرات لاحق ہیں۔ مزید برآں بین الاقوامی عدم پھیلاؤ جیسے الفاظ بھارت جیسے ممالک کے لیے بے اثر ہیں کیونکہ جس طرح بھارت کے معاملے پر خاموشی اختیار کی جارہی ہے اس سے دنیا کا امتیازانہ رویہ واضح طور پر نظر آرہا ہے۔ اس تمام عمل سے یوں بھی لگتا ہے کہ دنیا نے اس حوالے سے جان بوجھ کر آنکھیں بند کر رکھی ہیں اور کی واضح مثال نیوکلیر عدم پھیلاؤ کی گزشتہ دو سالوں میں کسی میٹنگ کا نہ ہونا ہے اور نہ ہی یہ میٹنگ اس سال منعقد ہوگی۔
اتوار، 13 جون، 2021
شفقنا اردو
ur.shafaqna.com
افغانستان میں داخلے کے بیس برس بعد، امریکہ جنگ زدہ افغانستان کو چھوڑنے پر تیار ہے۔ ان دو دہائیوں میں امریکہ افغانستان مین قریبا 2 ٹریلین روپے تین مقاصد کے لیے خرچ کیے، ان مقاصد میں فوج کے موجودگی، افغان فوج اور پولیس کی تربیت اور جمہوری اداروں کا قیام شامل تھے۔ اس عمل میں 2000 کے قریب امریکی فوجی جان سے ہاتھ دھو بیٹھے۔ افغانستان میں تعینات امریکی فوجیوں کی تعداد 775000تھی۔ ان میں سے تیس ہزار نے پانچ سال سے زائد افغانستان میں خدمات سر انجام دیں۔ اتنے بڑے پیمانے پر فوجی دستوں کی تعیناتی سے نہ صرف ان کی اپنی ذات بلکہ پیچھے ان کے خاندانوں کو بھی شدید اذیت کا سامنا کرنا پڑا۔
دوسری جانب اس جنگ یں کئی ہزار افغان فوجی بھی اپی جانتیں گنوا بیٹھے جبکہ سویلینز کی بھی ایک بہت بڑی تعداد اس جنگ کا ایندھن بن گئی اور جو لوگ زخمی یا معذور ہوئے ان کا کوئی شمار ہی نہیں۔ اس سے قبل ہم اس بات پر بحث کریں کہ گیارہ ستمبر میں امریکہ کی اس خطے سے رخصتی کے بعد کیا ہوگا ہمیں ایک دفعہ ماضی میں ضرور جانا چاہیے۔ دسمبر 1979 میں کرسمس کے موقع پر سویت یونین نے افغانستان پر حملہ کر دیا اور دعوٰی کیا کہ اس نے افغانستان کو فتح کر لیا ہے۔ اس جنگ میں امریکہ نے براہ راست روس سے پنگا نہیں لیا کیونکہ دنوں ایٹمی قوتیں تھیں۔
امریکہ نے اس جنگ میں پاکستان اور سعودی عرب کو بطور پراکسی استعمال کیا ۔ پاکستان نے اس جنگ میں مجاہدین بھرتی کیے اور ان کی جنگی طرز کی گوریلا تربیت کر کے انہیں میدان جنگ میں دھکیل دیا۔ اس عمل میں سعودی عرب نے مکمل مالی معاونت کی ۔ جوں جوں وقت گزرتا گیا روسی دستوں کی حالت خراب ہوتی گئی اور ایک دہائی بعد روس نے واپسی کی راہ لے لی۔ 1989 میں روس کی واپسی کے بعد کیا ہوا؟ کیا افغانستان میں امن ہوگیا؟ نہں بلکہ ملک میں مجاہدین کے مابین ایک سول جنگ پھوٹ پڑی اور روسی شکست کی خوشی تادیر نہ منائی جاسکی۔ 1996 میں ایک جنگجو گروپ طالبان نے اقتدار پر قبضہ کر لیا اور پاکستان ان کی حمایت کر رہا تھا۔ پاکستان درحقیقت بھارت کے حملے کی صورت میں تذویراتی گہرائی کی تلاش میں تھا جو اسے افغانستان کی صورت میں نظر آئی۔ اس سارے عمل میں اہم بات یہ تھی کہ طالبان افغانستان میں امن قائم کرنے میں کامیاب ہوگئے اور بزور قوت شریعہ قوانین کے نفاذ میں بھی کامیاب رہے۔
گیار ستمبر 2001 کے حملوں کے جواب میں اکتوبر 2001 میں امریکہ نے افغانستان پر حملہ کر دیا کیونکہ طالبان نے القاعدہ رہنما اسامہ بن لادن کو امریکہ کے حوالے کرنے سے انکار کر دیا تھا ۔ تاہم اس دوران طالبان نے امریکہ سے بات چیت کا عمل جاری رکا ۔ یہ زیادہ حیرانی کی بات نہیں تھی کہ صرف دو ماہ میں طالبان کو اس جنگ میں شکست ہوگئی ۔ تاہم طالبان مکمل طور پر ختم نہیں ہوئے اور وہ الگ الگ ہوکر پہاڑوں اور مختلف علاقوں میں بکھر گئے۔ 15 سال بعد طالبان دوبارہ منظر عام پر آگئے۔ ایک امریکی جنرل نے ایک میگزین کو انٹرویو میں بتایا کہ جب بھی ہم نے ایک بے گناہ افغانی کو قتل کیا اس کے جواب میں ہمارے دس دشمن پیدا ہوئے۔ انہوں کہا کہ امریکہ لوگوں کو قتل کر کے دہشت گردی کے خلاف یہ جنگ نہیں جت سکتا کیونکہ روس دس لاکھ افراد کو ہلاک کر کے بھی یہ جنگ ہار گیا تھا۔
اپنی کتاب ” ٹائم ٹو اینڈ افغان وار” میں سکاٹ ہارٹن نے لکھا ہے کہ امریکہ افغانستان کی تاریخ، اس کی ثقافت اور اس کے خط وخال کو سمجھنے میں مکمل ناکام رہا ہے ۔ امریکہ صرف افغان سیاسی رہنماؤں کو ہی سمجھ سکا ہے جو مغربی طرز کی جمہوریت کی حمایت کا بہانہ کر کے رقم بٹورتے ہیں۔ ہورٹن کے مطابق جیسے ہی امریکہ افغانستان سے نکلے امریکہ کی بنائی ہوئی یہ جمہوری حکومت ریزہ ریزہ ہوجائے گی۔ انہوں نے مزید کہا کہ امریکہ کی جنگ درحقیقیت ایک پھندہ تھی ، امریکہ نے نہ صرف اس جنگ میں اپنے دشمنوں کوشکست دی بلکہ خود کو بھی تباہ کر لیا اوریہی کچھ اسامہ بن لادن اور القاعدہ چاہتی تھی۔ یہ تلخ حقیقت اس وقت سامنے آگئی جب امریکہ اس بدترین جنگ میں پھنس گیا۔ اور اس جنگ سے نکلنے کے لیے بالاخر اسے طالبان کے ساتھ ایک معاہدہ کرنا پڑا۔
اس امن معاہدے میں طالبان نے وعدہ کیا کہ وہ افغانستان کے اندر اور باہر دہشت گردی کو ختم کر دیں گے ، سول اور انسانی حقوق کی تعظیم کریں گے بشمول عورتوں کے حقوق اور ایک جمہوری نظام کی بنیاد رکھیں گے ۔ دوسرے الفاظ میں انہوں اپنے ہی بنیادی اصولں کو اپنانے سے انکار کردیا۔ ایک بے وقوف مشاہد کار ہی اس طرح کے مثالی نتائج کو تسلیم کر سکتا ہے۔ مغربی صحافیوں سے بات چیت کرتے ہوئے ایک طالبان کمانڈر نے کہا کہ امن تبھی قائم ہوسکتا ہے جب شریعہ قوانین نافذ ہوجائیں۔ ایک ایسا فریق جو جنگ جیت چکا ہو وہ اپن بنیادوں پر سمجھوتہ کیوں کرے گا؟
اسی خوف کی بناء پر بعض فریقین چاہتے ہیں کہ امریکہ ابھی افغانستان میں مزید کچھ عرصے کے لیے رہے۔ اگر افغانی امریکہ کے زیر سایہ گزشتہ بیس برسوں میں جمہوری ادارے نہیں بنا سکے تو چند مزید سالوں میں یہ کام کیسے کریں گے؟ افغانی کب تک امریکہ کے سر پر جیتے رہیں گے اور بالاخر ایک دن انہیں اپنے ہی قدموں پر کھڑا ہونا پڑے گا۔ اس بات کے بہت سارے اور ٹھوس ثبوت موجود ہیں کہ طالبان ایک ضلع کے بعد دوسرے پر قبضہ کرتے جار ہے ہیں حتی کہ سی آئی کا یہ تک کہنا ہے کہ بہت جلد کابل بھی طالبان کے قبضے میں ہوگا۔
سوال یہ ہے کہ افغانستان کے پڑوسی اس قبضے پر کیا رد عمل دیں گے؟ پاکستان ، جس کا طالبان کی پیدائش میں اہم ہاتھ ہے ، وہ بھی پاکستان میں طالبان کے احیاء کو ہرگز نہیں چاہتا۔ پاکستان نے تزویراتی گہرائی کی پالیسی کو ترک کر دیا ہے۔ چین جو کہ اس کو سنہری موقع کے طور پر دیکھ رہا وہ کابل تک بیلٹ اور روڈ منصوبے کو پھیلا دے گا۔ بھارت بھی طالبان کے ساتھ اپنے تعلقات کی بحالی کی کوشش کرے گا۔ اور یہی صورتحال روس کی ہوگی۔ جبکہ امریکہ انسانی امداد کی مدد کے وعدے کرے گا۔ بیرونی دنیا میں ہونے والی ہی تبدیلیاں طالبان کو یہ بات سوچنے پر مجبور کرتی ہیں کہ دنیا بہت بدل چکی ہے اور افغانستان کے ساتھ دوستی کا ہاتھ بڑھانا چاہتی ہے۔ اگر افغانستان یہ ہاتھ نہیں تھامتا تو افغانستان، ثقافتی، سماجی اور معاشی ترقی میں کہیں پیچھے رہ جائے گا۔
جمعتہ المبارک، 11 جون 2021
شفقنا اردو
ur.shafaqna.com
ترقی پزیر ممالک کو کرونا ویکسین کی فراہمی بین الاقوامی مسئلہ ہے اور جن ممالک کے پاس ویکسین کی زائد خوراکیں موجود ہیں وہاس مسئلے کو حل کر سکتی ہیں۔ بھارت کے کرونا بحران کو دیکھا جائے تو پمیں اس بات کو یقینی بنانا چاہیے کہ اس طرح کا دوسرا کوئی کیس نہ ہو۔ س کا مطلب یہ ہے کہ ویکسینیشن کی کوششوں کو ترقی پذیر ممالک اور اوسط آمدن والے ممالک میں تیز کرنے کی ضرورت ہے نہ کہ آہستہ کرنے کی۔پریشان کن بات یہ ہے کہ ویکسی نیشن کی کوششیں بھارت میں کرونا کی دوسری لہر کی وجہ سے متاثر ہوئی ہیں۔
دنیا کو برآمد کہ جانیوالی ویکسینوں کا 30 فیصد بھارت میں پیدا ہو رہا تھا تاہم بھارت نے اپنے ملک میں کرونا کی صورتحال کے پیش نظر ویکسین کی برآمد پر پابندی عائد کر دی ہے۔اس کا مطلب ہے کہ بنگلہ دیش بھارت کو آرڈر شدہ ویکسینز کا محض تیسرا حصہ ہی وصول کرے گا اور 6۔1 بلین بنگلہ دیشی جو کہ آسٹرا زنیکا کی پہلی خوراک لی ہے وہ دوسری خوراک نہیں لے سکیں گے۔ اور اس مسئلے کا حل صرف انہی ممالک کے پاس ہے جن کے پاس ویکسین زیادہ مقدار میں ہے مثلا برطانیہ اور امریکہ۔بنگلہ دیش کے وزیر جارجہ نے اپنی حالیہ اپیل میں کہا ہے کہ اگر حکومت برطانیہ کوشش کرے تو یہ ہوسکتا ہےکیونکہ ان کے پاس اس کی صلاحیت ہے۔ میں زیادہ کے لیے نہیں کہہ رہا ۔ میں صرف آسٹرا زنیکا کی صرف 6۔1 ملین خوراکوں کا کہہ رہا ہوں۔
تاہم اس پر برطانوی حکومت کا ردعمل منفی تھا ۔ برطانیہ نے یہ مؤقف اپنایا ہے کہ چونکہ وہ پہلے ہی 548 ملین پاؤنٖڈز کرونا کی مد میں کوویکس پروگرام کو عطیہ کر چکے ہیں اور 70 سے زائد کم آمدن والے ممالک کو ویکسین فراہم کر چکے ہیں اس لیے ان کے پاس مزید کوئی گنجائش نہیں ہے۔ یہ بات بہت متاثرکن ہے مگر اس میں ایک اہم نکتہ شامل نہیں ہے اور وہ یہ ہے کہ کوویکس پروگرام عمل میں ہے ہی نہیں۔ یہ کوویکس پروگرام ہی ہے جو کہ بھارت کے برآمدی عمل پر پابندی کے بعد رک چکا ہے۔ کوویکس ہی وہ پروگرام ہے جس کی وجہ سے ملک کے ترقی پزیر ممالک کو ویکسین فراہم کی گئی تھی۔ اس وقت تک پوری دنیا میں دی جانے والی ویکسین کا 2۔0 فیصد یعنی 700 ملین خوراکیں جو کہ کم آمدن والے ممالک کو فراہم کی گئیں وہ کوویکس کی جانب سے تھیں جبکہ اس کے مقابلے میں اوسط آمدن والے ممالک میں 87 فیصد ویکسین لوگوں کو لگائی جا چکی ہے۔
اس کی وجہ یہ ہے کہ کوویکس معاشی طور پر سخت مشکل کا شکار ہے اور اس کو 2021 کے مقاصد حاصل کرنے کے لیے 2۔3 بلین ڈالر کی رقم کی ضرورت ہے۔ اس کے علاوہ اس کو بین الاقوامی سپلائی چین کے مسائل کا سامنا بھی ہے جبکہ ایک اہم مسئلہ یہ بھی ہے کہ ترقی یافتہ ممالک اپنے شہریوں کے لیے اس ویکسین کو محفوظ بنانے کے لیے بھی کوشاں ہیں۔ کوویکس پروگرام میں برطانیہ کا کردار اگرچہ قابل تعریف ہے مگر یہ پروگرام بنگلہ دیش کی مدد کرنے سے قاصر ہے کیونکہ کوویکس کا انحصار اسی ٹوٹی پھوٹی سپلائی چین پر ہے جس کی وجہ سے پہلے ہی دنیا کو ویکسین کی قلت کا سامنا ہے۔
اب غالب قیاس یہی کیا جاسکتا ہے کہ بنگلہ دیش میں بھی کرونا اسی طرح پھیل سکتا ہے جس طرح بھارت میں پھیلا کیونکہ دونوں ممالک کی آبادیوں کے علاوہ دیگر بہت سارے پہلووں میں دونوں کے مابین بہت ساری مماثلتیں پائی جاتی ہیں، بنگلہ دیش کی معشیت بھی بھارتی معیشت کی طرح مکمل بند نہیں ہوسکتی کیونکہ بنگلہ دیش میں 89 فیصد افراد غیر رسمی ملازمتوں سے وابستہ ہیں۔ اسی طرح دونوں ممالک کی آبادیوں کا تناسب بہت بلند ہے خاص طور پر شہری علاقوں میں ۔ بنگلہ دیش کا دارالحکومت ڈھاکا دنیا کا سب سے گنجان آباد شہر ہے۔ ایک ایسا گنجان آباد شہر جس کی آبادی گھروں میں رہ کر کام نہ کرسکتی ہو اور اوپر سے کرونا کی نئی قسم اسی طرح سر اٹھا رہی ہو جس طرح بھارت میں تو بنگلہ دیش کے حالات خراب ہوسکتے ہیں۔
اور دونوں ممالک میں جو سب سے اہم مشترک چیز ہے وہ صحت کا ناپائیدار نظام ہے ۔ بھارتی اپنی کل جی ڈی پی کا 28۔1 فیصد صحت پر خرچ کرتا ہے جبکہ بنگلہ دیش کا صحت کا بجٹ بھی 38۔2 فیصد ہی ہے۔ اگر خدانخواستہ بنگلہ دیش پر کرونا کا حملہ ہوگیا تو بنگلہ دیش میں آکسیجن کی کمی کی صورتحال بھارت سے بدتر ہوسکتی ہے کیونکہ بنگلہ دیش اپنی آکیسجن کا ایک بڑا حصہ بھارت سے درآمد کرتا ہے۔ اور اس پر مستزاد بنگلہ دیش میں مون سون سیزن کا آغاز ہونے والا ہے جس میں سال کی 80 فیصد بارش صرف دو ماہ کے دوران ہوتی ہے جو کہ بنگالیوں کے لیے کرونا کی موجودگی میں ایک بڑی تباہی سے کم نہیں ۃوگی کیونکہ انہی دو ماہ میں ملک میں سیلاب کثرت سے آنا شروع ہوجاتے ہیں۔ اس وقت تک بنگلہ دیش نے کرونا کے ساتھ بہترین اندا ز میں مقابلہ کیا ہے اور اس کے پیچھے معلومات تک رسائی کا پروگرام اور ڈیجی ٹیلائزیشن تھے۔
تاہم ویکسین کی قلت ایک مسئلہ ہے جس کے لیے بین الاقوامی مدد کی ضرورت ہے۔ یہ صرف بنگلہ دیش کا مسئلہ نہیں ہے بلکہ یہ پوری دنیا کا مسئلہ ہے کیونکہ ہم نے دیکھا ہے کہ کس طرح کرونا کی بھارتی قسم آج پوری دنیا کو خطرے سے دوچار کررہی ہے اور ممکنہ طور پر اگلا نمبر بنگلہ دیش کا ہو اور پھر اس کے بعد جانے کس ملک کا۔ برطانیہ اور امریکہ کے پاس اضافی ویکسینز موجود ہیں اور انہیں چاہیے کہ وہ یہ ویکسین دیگر ممالک کو دیں ۔ ایک اندازے کے مطابق ستمبر تک امریکہ کرونا کی ایک بلین تک زائد خوراکیں تیار کر لے گا۔ اسی طرح برطانیہ کے پاس 100 ملین زائد خوارکیں تیار ہوجائیں گی جبکہ یہ اپنی نصف آبادی کو کرونا ویکسین پہلے ہی لگا چکا ہے جبکہ بنگلہ دیش کو محض 6۔1 ملین خوراکوں کی ضرورت ہے۔ بنگلہ دیش کی کل آبادی 163 ملین ہے جس کا مطلب ہے کرونا میوٹیشن کے 163 ملین چانسز ہیں۔ اگر برطانیہ اور امریکہ اپنی زائد ویکسینز ان ممالک کو فراہم نہیں کرتے تو پھر پوری دنیا کو خطرہ لاحق ہوسکتا ہے۔
منگل، 8 جون 2021
شفقنا اردو
ur.shafaqna.com
Newer Posts