کوئٹہ میں ہزارہ برادری کا میتوں کے ساتھ شدید سردی میں دھرنا پانچویں روزبھی جاری ہے اور مظاہرین نے وزیراعظم کی آمد تک شہدا کی تدفین سے انکار کردیا۔
وفاقی وزرا کے بعد گزشتہ روز وزیراعلیٰ بلوچستان بھی دھرنے کےشرکا کو دھرنا ختم کرنے اور سانحہ میں جاں بحق کانکنوں کی میتوں کی تدفین کے لیے قائل کرنے میں ناکام ہوگئے، دھرنے کےشرکا نے احتجاج ختم کرنے اور میتوں کی تدفین کو وزیراعظم کی کوئٹہ آمد سے مشروط کردیا۔
کالاش کی وادی بریر میں اکتوبر کے مہینہ میں انگوروں اور اخروٹ کی چنائی کا تہوار ہوتاہے۔یہ پل فیسٹول کے نام سے جانا جاتا ہے۔ مقررہ تاریخ کے آغاز سے پہلے ان فصلوں کی چنائی کی ممانعت ہوتی ہے۔ خلاف ورزی کرنے والے کو جرمانہ دینا پڑتا ہے۔ مقررہ دن پر وادی کا بزرگ انگوروں کا گچھا توڑ کر چنائی کا آغاز کرتا ہے۔ پہاڑوں پر گئے مویشوں کے ریوڑ اس تہوار پر واپس وادی میں پہنچ جاتے ہیں۔کالاش کی دوسری وادیوں بمبوریت اور رومبور میں یہ تہوار اُچل کے نام سے ماہ ستمبر میں منایا جاتا ہے۔
چترال سے دو گھنٹوں کی مسافت پر کوہ ہندو کش کے دامن میں آباد کالاش وادیاں اپنے مذہب اور رسم ورواج کی وجہ سے دنیا بھر میں سیاحوں کے لیے کشش رکھتی ہیں۔یہ علاقہ کافرستان بھی کہلاتا ہے۔ یہاں کے لوگوں کا مذہب کیلاشہ ہے۔تہواروں پر آگ اور بتوں کی پرستش کی جاتی ہےتاہم اب کچھ لوگوں نے اسلام بھی قبول کر لیا ہے۔جدید تعلیم کے حصول پر کوئی قدغن نہیں ہےکیونکہ پچھلے تیس سالوں سے یہاں دنیا بھر سے سیاح آتے ہیں جنھوں نے لوگوں کا ذہن بدل دیا ہے۔
کالاش کےلوگ آج بھی ہزاروں سال پرانی آریا تہذہب کے ساتھ چلنا پسند کرتے ہیں۔لکڑی اور پتھروں کے بنے گھر جن میں اندر ہی اندر کمروں کا سلسلہ ہوتا ہےیہاں کا طرز رہائش ہے۔ کسی ایک مرکزی کمرے کے درمیان لکڑیاں جلانے کا سٹو یعنی چولھا بنا ہوتا ہے جو گھروں کو گرم رکھنے اور کھانا پکانے کے لیے استعمال ہوتا ہے۔لوگ کھیتوں میں کام کرتے ہیں مویشی چراتے ہیں۔کاروبار اور نوکریاں بھی کرتے ہیں۔یہاں روایتی طور پر بچے کی پیدائش کے وقت عورتوں کو گاؤں سے ہٹ کر ایک مخصوص گھربشالی میں بھیج دیا جاتا ہے جہاں وہ ڈلیوری اور بعد کے مراحل سے گزرتی ہیں۔ بچے کے ساتھ گھر واپسی کے لیے باقاعدہ رسومات ہوتی ہیں۔ اسی طرح مخصوص ایام میں بھی لڑکیاں اور عورتیں بشالی میں رہتی ہیں جہاں ان کو تمام سہولتیں فراہم کی جاتی ہیں اور وہ اس قیام کو بہت انجوائے کرتی ہیں۔بشالی کی خاص بات یہ ہے کہ مرد بشالی کی دیواروں کو ہاتھ تک نہیں لگاتے اور اس کی وجہ وہ ناپاکی بتاتےہیں۔
کالاش میں پردے کا یا مردوں اورعورتوں کے میل ملاقات پر کوئی پابندی نہیں ہے۔زندگی کا جیون ساتھی چننے کی آزادی ہے اور روایتی طور پر لڑکا اپنی پسند کی لڑکی کو بھگا کر لے جاتا ہے جنھیں بعد میں شادی کے بندھن میں باندھ دیا جاتا ہے۔شادی شدہ عورتیں بھی بھاگ کر دوسرے شوہر کا انتخاب کرسکتی ہیں اگر وہ پہلے شوہر کی ادا کردہ رقم سے زیادہ ادا کر سکتا ہو۔
یہاں بچے کی پیدائش کی طرح موت کو بھی باقاعدہ جشن کی طرح منایا جاتا ہے۔ تمام قبیلے کے افراد جمع ہو کر رسموں کی ادائیگی کرتے ہیں،جانور کی قربانی کرتے ہیں اور دعوت اڑاتے ہیں۔ کچھ عرصہ قبل تک مرُدہ کو تابوت میں بند کر کے ُمردوں کے لیے مخصوص جگہ پر رکھ دیا جاتا تھاجنھیں جانور کھا جاتے تھے۔لیکن اب ایسا نہیں کیا جاتا اوران تابوتوں کو زمین میں دبا دیا جاتا ہے۔
وادی کالاش اپنے روایتی تہواروں کی وجہ سے بھی بہت رومانوی شہرت رکھتی ہے۔یہاں کے تین تہوار ہر سال ہزاروں سیاحوں کو کھینچ لاتے ہیں۔چلم جوشی کا تہوار موسم بہار کی آمد کا تہوار ہے جو مئی کے مہینے میں ریمبور وادی سے شروع ہو کر تینوں وادیوں میں پھیل جاتا ہے۔خواتین روایتی شوخ رنگ کی کڑھائی اور موتیوں سے سجا لباس پہنتی ہیں جبکہ مرد شلوار قمیص اور واسکٹ پہن کر نئے موسم کو خوش آمدید کہتے ہیں۔موسم گرما کا یہ تہوار خوشی،امن اور تہذیبی شان و شوکت کو ظاہر کرتا ہے۔اس تہوار میں نوجوان لڑکے اور لڑکیاں اپنے جیون ساتھی کا انتخاب کرتے ہیں۔
دوسرا بڑا تہواراُچل ہے جو اگست میں منایا جاتا ہے اور لوگ فصل کٹنے کے بعد خوشی مناتے ہیں۔ گاؤں سے باہر ایک بڑے میدان میں جمع ہو جاتے ہیں اوراپنی فصلوں کی کٹائی کا جشن مناتے ہیں۔
تیسرا تہوار چترماس دسمبر میں منایا جاتاہے۔یہ سال ختم ہونے اور اگلے سال کے لیے دعاؤ ں کا تہوار ہے۔رات بھر مختلف عمل کیے جاتے ہیں۔لوگ ٹارچ لے کر لومڑیوں کی تلاش میں نکلتے ہیں جن کو دیکھنا خوش بختی سمجھا جاتاہے۔ رقص اور مقامی مشروبات کا دور چلتا ہے صبح کے وقت سورج کے طلوع ہونے پربکریوں کی قربانی کی جاتی ہے اور خون خوش بختی کے لیے مختلف جگہوں پرچھڑکا جاتا ہے۔
خیبرپختونخوا حکومت نے حال ہی میں کالاش ویلی ڈویلپمنٹ اتھارٹی کے قیام کی منظوری دی ہے تا کہ چار لاکھ کی آبادی پر مشتمل کالاش وادی کی پرانی تہذیب کو محفوظ کیا جا سکے۔ اس اتھارٹی کے قیام کے بعد کالاش کے رہائشی علاقے میں مزید تعمیرات کی اجازت نہیں دی جائے گی۔ اس کے علاوہ علاقہ میں غربت میں کمی لانے، صحت و تعلیم کی سہولتیں بڑھانے پر بھی کام کیا جائے گا۔ اسی طرح مختلف تنظیموں کی طرف سے یہاں ہونے والے کاموں کو مانیٹر کیا جائے گا۔
کالاش کے رسم و رواج کو مد نظر رکھتے ہوئے کالاش میرج ایکٹ کی منظوری پربھی کام ہو رہا ہے۔اس علاقے میں شادی اور طلاق کی رجسٹریشن،وراثت وغیرہ کی کوئی کاغذی کارروائی نہیں ہوتی جس کی وجہ سے بہت سی قانونی پیچیدگیاں پیدا ہوتی ہیں۔ وزارت اقلیتی امور کے تحت 74 ججز،وکلا اور کالاش قبیلہ کے عمائدین سے مشاورت کے ساتھ کالاش میرج ایکٹ پر کام کیا جا رہا ہےتاکہ خواتین کے حقوق کا تحفظ ہو سکے خاص طور پر وہ خواتین جو اس علاقہ سے باہر کے لوگوں کے ساتھ شادی کے بندھن میں بندھتی ہیں اور کسی قسم کے تحفظ سے محروم ہو جاتی ہیں۔
کالاش جیسی پرانی تہذیبوں کی حفاظت کر نا نہ صرف زندگی کے تسلسل کا حصہ ہے بلکہ اس عمل سے علاقہ میں سیاحوں کے لیے کشش بھی رہتی ہے جو یہاں مالی خوشحالی لانے کا بڑا ذریعہ ہیں ۔
شفقنا اردو
ur.shafaqna.com
ہفتہ،24 اکتوبر2020
اربعین امام حسین علیہ السلام اور ان کے جانثار ساتھیوں کی یاد میں زیارت اربعین کی تلاوت کی تقریب ایران کے سپریم لیڈر سید آیت اللہ علی خامنہ ای کی موجودگی میں منعقد ہوئی۔
This news is originally published by Shafaqna
علامہ راجہ ناصر کی زیر صدارت راولپنڈی میں اربعین تعزیتی مجلس
زائرین اربعین کی نجف سے کربلا کی طرف روانگی
This news is originally published by Shafaqna Persian and translated by Shafaqna English
لاہور ،لندن، اسلام آباد اور فیصل آباد یہ چاروں شہر ان دنوں ن لیگ سے متعلق اہم بن چکے ہیں ۔نگوڑی سیاست کس وقت کیا رخ اختیار کرتی ہے کسی کو نہیں معلوم ۔ کون کیا کھیل کھیل رہا ہے اور کون کسی کے ہاتھ کھیلا جا رہا ہے یہ بھی کسی کو نہیں معلوم ۔ پیش نظر سب کے سامنے ہے پس منظر میں کون ہے اس کے لئے مفروضےہیں اور اندازے ہیں ۔
لندن میں اتوار کو اپنی نوعیت کا منفرد واقعہ ہوا جب 2 درجن بھر سیاہ نقاب پوش اچانک ایون فیلڈ اپارٹمنٹس کے سامنے نمودار ہوئے اور گو نواز گو کے نعرے لگانے شروع کر دئیے۔
مظاہرین نے ہاتھوں میں پلے کارڈز تھام رکھے تھے جس پر انگریزی میں گو نوازگو تحریر تھا ۔شرپسند، بھارت کی پسند ،سیاست میں گند جیسے نعرے بھی لگائے گئے۔ مظاہرین نے اپنے چہرے چھپائے ہوئے تھے جبکہ بعض نے سرجیکل ماسک پہن رکھے تھے۔مظاہرین تقریباً 10 منٹ تک نوازشریف کے خلاف نعرے لگاتے رہے ۔ اس شور شرابہ کے دوران پولیس کو اطلاع پہنچ چکی تھی جیسے ہی پولیس پہنچی مظاہرین نو دو گیارہ ہو گئے۔
مغرب میں احتجاج کے مختلف طریقے اپنائے جاتے ہیں تاہم مظاہرین کے لئے ضروری ہوتا ہے کہ وہ انتظامیہ کو اس کی پیشگی اطلاع دے ۔ ان دنوں یورپ کورونا کی دوسری لہر کی لپیٹ میں آیا ہوا ہے اس کے باوجود مٹھی بھر افراد کا اکٹھا ہونا تعجب انگیز ہے۔
نوازشریف اور شریف فیملی کے خلاف لندن میں یہ پہلی بار مظاہرہ نہیں ہوا ۔ اس سےپہلے دسمبر 2019 میں لوگوں نے ایون فیلڈ کے سامنے مظاہرہ کیا۔ یہ وہ وقت تھا جب نوازشریف کو علاج کے لئے لندن آئے ابھی چند ہفتے ہی ہوئے تھے ۔ اس کے علاوہ جب مارچ2016 میں پاناما اسکینڈل آیا تھا اس وقت بھی نوازشریف کے خلاف لندن میں مظاہرہ اسٹیج کیا گیا مظاہرین نے بینرز اور پلے کارڈز اٹھا رکھے تھے ۔
نوازشریف کے خلاف مذکورہ دونوں احتجاج میں ایک چیز جو مشترک تھی وہ یہ تھی کہ ان مظاہرین کا تعلق پاکستان تحریک انصاف سے تھا اور اس میں کشمیری بھی شامل تھے لیکن گزشتہ روز اتوار کو ہونے والے مظاہرہ کے پیچھے کون تھے اس بارے میں متضاد اطلاعات ہیں ۔
دسمبر2019 میں شریف فیملی کےخلاف لندن میں ہونے والا مظاہرہ
بعض کا کہنا ہے کہ یہ وہی ٹولہ ہے جو پہلے بھی مظاہرہ کرتے رہے ہیں ان کی مراد پاکستان تحریک انصاف ہے۔ لیکن سوال یہ پیدا ہوتا ہے کہ اس وقت پی ٹی آئی کو ایسا کرنے سے کیا فائدہ ہو گا؟کیا نوازشریف اس طرح سے پاکستان آ جائیں گے؟ اگر آئیں گے تو سیدھے جیل جا ئیں گے لیکن ان کے آنے سے لیگی کارکنوں میں جوش پیدا ہو سکتا ہے لیکن یہ جوش بھی عارضی ہو گا کیونکہ ن لیگ کے کارکنوں کے ڈی این اے میں مزاحمت نام کی شے نہیں ہے وہ ایک آدھ دن تک تو سیاسی طورپر سرگرم ہو سکتے ہیں لیکن جس سیاسی حرارت کی ضرورت ہوتی ہے وہ ان میں نہیں ہے۔
ایک اور گرو ہ کے مطابق لندن میں مظاہرہ کرنے والےن لیگ کے ہی لوگ تھے جس میں کچھ کرائے کے بھی افراد شامل تھے۔ ان کا اپنے قائد کے خلاف نمائشی مظاہرہ کرنے کا مقصد یہ تھا کہ وہ واپس پاکستان جائیں اور جو ووٹ کو عزت دو کا جو لوہا انہیں بظاہر گرم لگ رہا ہے اس پر چوٹ ماریں ۔یہ مظاہرین نوازشریف کیمپ کے بھی ہوسکتے ہیں اور شہبازشریف کیمپ کے بھی ۔ کیونکہ دونوں کی سیاست میں اب 180 ڈگری کا فرق آچکا ہے۔ شہبازشریف اپنے بھائی کے لئے بھاگ بھاگ کر تھک چکے ہیں اور وہ اب اپنے اور اپنی فیملی کے لئے کچھ کرنا چاہتے ہیں اس لئے بظاہر وہ اپنے بھائی کے ساتھ ہیں لیکن ساتھ میں یہ بھی کہتے ہیں کہ وہ مزاحمت کے حق میں نہیں جبکہ بعض ناقدین کےمطابق قصور کے لیگی ایم پی اے میاں جمیل شرقپوری نے جس طرح سے نوازشریف کی 20 ستمبر کی تقریر کے خلاف علم بغاوت بلند کیا وہ بارش کا پہلا قطرہ ہے اور نوازشریف کے بیانیہ کے خلاف مزید آوازیں بھی بلند ہوں گی ۔
2016کے اوائل میں پاناما پیپرز میں نوازشریف کا نام آنے پر ایون فیلڈ کے سامنے پی ٹی آئی کارکنوں نے احتجاج کیا
لندن نقاب پوش مظاہرین سے متعلق یہ بھی بتایا جا رہا ہے کہ اس کے پیچھے ’’را‘‘ اور ’’ سی آئی اے‘‘ ہے اور اس کی وجہ یہ بتائی جا رہی ہے کہ بھارت چاہے گا کہ نوازشریف کے بیانیہ کو تقویت ملے اورپاکستان کی فوج پر دباؤ میں اضافہ ہو چونکہ اس وقت تھرڈ جنریشن وار چل رہی ہے اس لئے عوام کے ذہنوں میں سلامتی کے اداروں سے متعلق شکوک پیدا کئے جائیں ۔ یہی کچھ امریکا بھی سوچ رہا ہے اور اس کی بڑی وجہ سی پیک ہے جس کے منصوبوں کی حفاظت کی ذمہ داری پاک فوج نے لے رکھی ہے تاہم امریکی صدر ٹرمپ 3 نومبر کے انتخابات تک بالکل نہیں چاہیں گے کہ پاکستان سمیت خطہ کی صورتحال خراب ہو لیکن وہ حکومت پر دباؤ رکھے ہوئے ہیں۔اس بات کا بھی امکان ہے کہ دوسری مدت کی ٹرم ملنے کے فوری بعد ٹرمپ پاکستان میں امن وامان کی صورتحال خراب کردے اس سلسلے میں امریکی امداد سے پاکستان میں حکومت مخالف تحریک بھی شروع ہوسکتی ہے جس کے لئے نوازشریف کی واپسی ضروری ہے۔اس لئے لندن میں ہونے والا نقاب پوش افراد کے مظاہرے کو عام مظاہرہ کے طور پر نہیں دیکھنا چاہئے اس سے پاکستان سے متعلق عالمی طاقتوں کی سوچ کو بھی پڑھنے کی ضروت ہے۔
شفقنا اردو
ur.shafaqana.com
پیر ،28 ستمبر 2020
اکتوبر1947 میں کشمیر پر پہلی جنگ کے بعد1949 میں کراچی معاہدہ ہوا جس کے بعد سے گلگت بلتستان کا علاقہ پاکستان کے زیر انتظام ہےاور2009 تک ناردرن ایریا کہلاتا تھا۔اسے بھارت کشمیر کا حصہ مانتے ہوئے متنازعہ قرار دیتا ہے لیکن در حقیقت ایسا نہیں ۔یہ چھوٹے چھوٹے راجواڑوں (Princely States) پر مشتمل علاقہ تھا جہاں سے کشمیری مہاراجہ کچھ مالی مفاد حاصل کرتا تھا۔یہ کشمیر کا حصہ کبھی بھی نہیں رہا۔ مہاراجہ ہری سنگھ کے فرزند ڈاکٹر کرن سنگھ نے علاقے کے لوگوں سے اپنے پرکھوں کے جبری قبضے کی کھلے عام معافی مانگی تھی۔
مہاراجہ ہری سنگھ کے فرزند ڈاکٹر کرن سنگھ نے اپنے بزرگوں کے ظلم پر کشمیریوں سے معافی مانگی
جغرافیائی لحاظ سے گلگت بلتستان آزاد کشمیر سے تقریباًچھ گنا بڑا علاقہ ہےاور بیرونی طور پر اس کی سرحدیں چین، افغانستان اور لداخ سے ملتی ہیں۔1974 میں پرانے شاہی ریاستوں کے نظام کو ختم کر کے اسے انتظامی لحاظ سے خود مختار ریاست کا درجہ دیا گیا تھا جس میں گلگت،بلتستان،ہنزہ،نگر اور دیگر علاقے شامل تھے۔ اس کے بعد یہاں شاہراہ قراقرم بنی تاکہ لوگوں کی رسائی ملک کے دیگر علاقوں تک ہو اور ان کے لیے ترقی کے نئے در کھلیں۔یہاں کے تمام معاملات وزارت کشمیر اور شمالی علاقہ کے ماتحت دیکھے جاتے تھے۔دس سال پہلےGilgit-Baltistan Empowerment and Self-Governance Order, 2009, لایا گیا۔ جس میں اس علا قے کا نام گلگت بلتستان رکھ کر مزید انتظامی اختیارات دیے گئے اور یہاں پر انتخابات کے ذریعے اسمبلی بنی۔وزیر اعلیٰ کا انتخاب ہوا اور گورنر مقرر کیا گیا۔علاقے کی آواز سنی جانے لگی اور کی محرومیاں کو سمجھا جانے لگا۔گلگت بلتستان میں ترقیاتی کاموں کی نئی منصوبہ بندی،تعلیمی اداروں کی ضرورت، اسپتالوں کا قیام،ملازمتوں کی فراہمی جیسے امور پر بات ہونے لگی۔
گلگت بلتستان کے لوگوں کی دیرینہ خواہش ہے کہ ان کےعلاقہ جو پانچویں صوبے کے طور پر پاکستان میں شامل کیا جائے۔لیکن پاکستان ایسا کرنے میں اس لیے رضا مند نہ تھا کہ اس عمل سے پورے کشمیرپر پاکستان کا دعویٰ کمزور پڑ جاتا تھا۔تاہم موجودہ علاقائی صورتحال کے پیش نظر گزشتہ دنوں عسکری قیادت نے ملک کی تمام سیاسی جماعتوں اور آزاد کشمیر کے وزیر اعظم کو ایک مشاورتی اجلاس میں بلایا۔ تاکہ قومی اسمبلی میں مطلوبہ قانون سازی کی راہ ہموار کی جا سکے۔اس مشاورتی ملاقات میں تمام سیاسی پارٹیوں کے رہنماؤں نے شرکت کی اور گلگت بلتستان کو پاکستان کا پانچواں صوبہ بنانے اور الیکشن کے انعقاد کی حمایت کی تاہم وزیر اعظم آزاد کشمیر نے اس پر کوئی رائے نہیں دی۔
بعض آراء یہ بھی ہیں کہ گلگت بلتستان کو پاکستان کا پانچواں صوبہ بنانے سے ہم بھارت کے 5 اگست 2019 کے عمل کو تقویت دیں گے اورعالمی طور پر اس مسئلہ کو اجاگر کیا جا سکے گا۔ حقیقت یہ ہے کہ سی پیک جیسے بڑے منصوبہ کا محور گلگت بلتستان کا علاقہ ہے۔یہ منصوبہ خطے کے مستقبل کے لیے ترقی کا ضامن ہے۔اور دنیا کے بیشتر ممالک جن میں امریکا،بھارت ،برطانیہ،کینیڈا وغیرہ شامل ہیں اس منصوبے کے خلاف ہیں اور پاکستان کے اس فیصلے کی بھی مذمت کریں گے۔لیکن دنیا میں اس وقت تمام اقوام اپنے مفادات کو ترجیح دیتے ہیں اور انہی کی بنیاد پر فیصلے کرتے ہیں۔یہی عالمی حالات اس امر کے متقاضی ہیں کہ اپنے مستقبل کو محفوظ رکھنے کے لیے پاکستان یہ قدم اٹھائے۔
سی پیک کی وجہ سے پاکستان کوچین کی مکمل پشت پناہی حاصل ہےاور لداخ کی حالیہ صورتحال کی وجہ سے بھارت ادھر کوئی محاذ آرائی کر نہیں سکتا۔ ماہرین کا کہنا ہے کہ اس وقت پاکستان کا یہ قدم دنیا میں نئی دہلی کے فیصلہ کے رد عمل کے طور پر دیکھا جائے گا۔لیکن اس کا مثبت پہلو یہ ہے کہ ایسا علاقہ کے لوگوں کی خواہش پر کیا جا رہا ہے،دوسرا پاکستان علاقہ کی جغرافیائی حیثیت میں کوئی تبدیلی نہیں لا رہااور نہ ہی آبادی کے تناسب کو بدلنے جا رہا ہے۔اس وقت گلگت بلتستان کی آئینی حیثیت کافی کمزور ہے۔ نادرن ایریا ہونے کی وجہ سے نہ تو انہیں آزادکشمیر کی اسمبلی میں کوئی نمائندگی حاصل ہے اور نہ ہی پاکستانی اسمبلی یا سینیٹ میں کسی طرح کی کوئی آئینی کردار ہے۔علاقے کی معاشی اور سماجی ترقی کے لیے لوگوں کو برابر کی نمائندگی دلانا ضروری ہے۔ چونکہ تاریخی طور پر یہ علاقہ جموں و کشمیر کا حصہ نہیں بلکہ مختلف راجواڑوں پر مشتمل ایک مقبوضہ علاقہ تھا۔لہذا عارضی بنیادوں پر اسے صوبہ قرار دینا اور لوگوں کو اپنی رائے کا اختیار دینا ضروری ہے تاکہ اقوام متحدہ کی قراردادوں کے مطابق مقبوضہ جموں کشمیر،آزاد کشمیر اور گلگت بلتستان کا مستقل بنیادوں پر فیصلہ ہو۔
گلگت بلتستان قدرتی حسن اور معدنیات سے مالا مال ہے۔صوبہ بن جانے سے یہاں ترقیاتی کاموں میں تیزی آئے گی اور معاشی اور سماجی بہتری کے نئے مواقع پیدا ہوں گے۔سی پیک میں جغرافیائی اہمیت کی وجہ سے مقامی افراد کو خطے میں اپنی پہچان بنانے اور سیاحت بڑھا کراپنے وسائل کے بہتر استعمال کے مواقع ملیں گے۔ 7 ہزار سے بلند دنیا کی 50 چوٹیاں اور 3 طویل ترین گلیشئر اس علاقے میں واقع ہیں۔خوبصورت جھیلیں،پہاڑی دریا،ہنزہ کی قدیم وادی اور تہذیب،لمبی عمر کے راز اسی خطے کا حسن ہیں جو یہاں کی قسمت بدل سکتے ہیں۔
شفقنا اردو
ur.shafaqana.com
جمعتہ المبارک،25 ستمبر2020
کربلا میں طویریج کی ادائیگی کے لیے لاکھوں عزادار اکٹھے
یہ آرٹیکل شفقنا فارسی سے ترجمہ کیا گیا ہے
مصر کا دارالحکومت قاہرہ اہل بیت علیہ السلام کی زیارات سے بھرا ہوا ہے۔ ان زیارات کو مصری عوام اپنی پناہ گاہ اور قسمت کا استعارہ سمجھتے ہیں۔
حضرت زینب علیہ السلام جب مصر پہنچیں تو انہوں نے اہل بیت علیہ السلام کے نسب کو قبول کیا۔ ان کی ارواح نے اہل بیت علیہ السلام کی پیروی کی اور ان کی زندگی میں ہی وہ ان کی محبت میں مبتلا ہو گئے۔ اہل مصر نے نہ صرف ان کی حفاطت کی ذمہ داری اٹھائی بلکہ ان کے طور طریقوں اور زندگی گزارنے کے سلیقے کو بھی اپنایا اور ان کے دنیا سے رخصت ہونے کے بعد اج بھی اہل مصر ان سے حاصل کردہ نور اور برکات کی نمائندگی کرتے ہیں۔
اس کے علاوہ ہم دیکھ سکتے ہیں کہ بہت سارے مصریوں نے اپنے بچوں اور نواسوں اور پوتے پوتیوں کے نام زینب، علی، حسن، حسین ، رقیہ ، نفیسہ اور سکینہ کے نام پر رکھے ہوئے ہیں۔
اگر اپ قاہرہ کے گردو نواح میں گھومیں تو اپ لازما کسی گنبد، کسی مینار یا مسجد کی دیوار پر لکھی ہوئی قرآنی آیات دیکھیں گے۔
مصرکا دارالحکومت قاہرہ اہل بیت علیہ السلام کی زیارات سے بھرا ہوا ہے۔ ان زیارات کو مصری عوام اپنی پناہ گاہ اور قسمت کا استعارہ سمجھتے ہیں
ہر سال خاص طور پر رمضان کے مہینے میں مصر کے لوگ اہل ابیت علیہ السلام کی زیارات پر حاضری دیتے ہیں اور ان کے افسران ان زہارات سے روحانیت پاتے ہیں۔مثال کے طور پر ہم حضرت زینب علیہ السلام کی مسجد کا ذکر کرتے ہیں جو کہ قاہرہ میں السیدہ زینب کے پڑوس میں واقع ہے۔ اس جگہ کایہ نام مسجد میں موجود اسی مقبرے کی نسبت سے ہے اور یہ قاہرہ کے نواح کی معروف ترین اور پرہجوم جگہ ہے۔ بتایا جاتا ہے کہ یہ مسجد علی ابن طالب علیہ السلام کی بیٹی اور جنت کے جوانوں کے سردار سیدنا امام حسن اور امام حسین علیہ السلام کی بہن حضرت زینب علیہ السلام کی رہائش کے اوپر واقع ہے۔
تاہم ان مقبروں اور زیارات کا اصل گہر مقام راس ال حسین بن علی ابن طالب علیہ السلام ہے جو کہ قاہرہ کے قدیم علاقے الحسین کے نواح میں ایک مسجد میں واقع ہے۔ جو کہ 549 ہجری میں خلافت فاطمیہ کے دور میں مشہور فاطمی وزیر صالح کے دور میں تعمیر ہوئی۔
اس مسجد کے تین دروازے ہیں جو کہ سفید ماربل سے بنے ہوئے ہیں اور بلندی سے خان الخلیلی نظر آتا ہے اور دوسرا دروازہ مسجد کے گنبد کے ساتھ واقع ہے جس کو باب الخدر کہا جاتا ہے۔
سیدہ نفیسہ مسجد جو کہ قاہرہ کے اسی نام کے علاقے میں آل البیت روڈ کے آغاز پر واقع ہے۔ یہ مسجد اس روڈ پر امام زین العابدین کی زیارت کے بعد اس سڑک پر دوسرا بڑا مقام ہے۔یہ مسجد دار الصبا نامی علاقے کے پڑوس میں واقع ہے تاہم اب اس علاقے کو المشہد النفیسی کے نام سے جانا جاتا ہے۔
آل البیت ایک طویل سڑک ہے جس پر سیدنا زین العابدین کی زیارت کے علاوہ سیدہ نفیسہ، سیدہ سکینہ بنت الحسین، سیدہ رقیہ بنت علی ابن طالب،محمد ابن جعفر الصادق اور حضور اکرم صلی اللہ علیہ والہ وسلم کی خالہ سیدہ عاتکہ کی زیارات واقع ہیں۔
المشہد النفیس دور عثمانی اور عامر عبدالرحمان کدخودہ کے دور میں تعمیر ہوئی
جن علاقون میں اہل بیت علیہ السلام کی زیارات موجود ہیں مصری ان علاقوں میں باقاعدہ تقریبات اور جشن کا اہتمام کرتے ہیں۔ ان تقریبات میں خالصتا مصری رنگ نمایاں ہوتا ہے اور یہ نہ صرف مصر کے دیگر علاقوں سے لوگوں کو بلکہ عرب اور بیرون ملک سے آنےبوالے سیاحوں کو بھی اپنی طرف متوجہ کرتی ہیں۔
زائرین اور سیاحوں کا کہنا ہے کہ اہل بیت علیہ السلام کی زیارات ایک مخصوص روحانی احساس رکھتی ہیں اور اس کو وہی زائرین محسوس کر سکتے ہیں جنہیں اللہ نے اس کا ادراک بخشا ہو۔
وہ اس بات کی تاکید کرتے ہیں کہ اللہ کے نبی صلی اللہ علیہ والہ وسلم کے لیے ان کے اہل بیت علیہ السلام بلند مقام رکھتے ہیں۔اسی لیے مصریوں کے دلوں میں حضرت زینب، سیدہ نفیسہ، سیدنا امام حسین اور علی زین العابدین کا مرتبہ ہہت بلند ہے۔
شفقنا اردو
شفقنا اردو
ur.shafaqna.com